← Ezekiel (7/48) → |
1. | LALPA thu chu ka hnenah a lo thleng leh a, |
2. | "Nang mihring fapa, LALPA PATHIAN chuan Israel ram hnenah chuan heti hian a ti a ni:'Tawpna, tawpna chu ram killiah a lo thleng e. |
3. | Tun hi i tan tawpna a ni, i chungah ka thinurna ka rawn thlen ang a, i awmdan ang zelin ro ka rel ang chia, i tenawmna zawng zawng chu i chungah ka rawn thlen ang. |
4. | Tin, ka mitin a hmaih lo ang chia, ka khawngaih hek lo ang che: i awmdante chu i chungah ka rawn thlen zawk ang a, i tenawmnate chu i chungah a awm ang, tin, LALPA chu ka ni tih in hria ang,' tiin. |
5. | LALPA PATHIAN chuan heti hian a ti a: "Thil tha lo, thil tha lo takzet, ngai teh, a lo thleng e. |
6. | Tawpna a lo thleng e, i chungah a lo tho ta, ngai rawh, a lo thleng e. |
7. | Aw ram luahtu i chhiatna tur i chungah a lo thleng e, hun chu a lo thleng a, ni chu a hnai ta; buaina ni, lawma tlang chunga auna ni ni lo. |
8. | Tunah hian ka thinrimna chu i chungah ka rawn leih thuai dawn e, i chungah ka thinurna chu ka hrithla ang; i awmdan ang zelin ro ka rel ang che; i tenawmnate zawng zawng chu ka rawn thlen ang. |
9. | Tin, ka mitin a hmaih lo ang a, ka khawngaih hek lo ang: i awmdan ang zelin i chungah ka rawn thlen ang a, i tenawmna te pawh chu in zingah a awm ang: tichuan kei LALPA hi hrem thei ka ni tih in hria ang. |
10. | Ngai rawh, ni chu, ngai rawh, a lo thleng e, i chhiatna tur chu a chhuak ta, tiang chu a par ta, chapona chu a kuhmum ta. |
11. | Pawngnekna chu suahsualna tiangah a chang ta a ni; tu-amah an awm tawh lo ang a,an thawm emaw an hausakna emaw pawh: tumahin an ui hek lo ang. |
12. | Hun chu a lo thleng ta a, ni chu a lo hnai mek e: leitu chu hlim suh se la, hralhtu chu lungngai hek suh se: thinurna chu an zavaia chungah a thleng si a. |
13. | Hralhtu chuan, la dam mah se la, a thil hralh chu a hmu leh tawh dawn si lo a; inlarna chu an zavaia chung thu tur a ni si a, tumah an kir lo ang, tumah an nun khawlohnaah hian an nung khawchhuak hek lo ang. |
14. | Tawtawrawt chu an ham a, engkim a inpeih tawh a; mahse indonaah chuan tumah an kal lo; ka thinurna chu an zavaia chungah a awm si a. |
15. | Pawnah khandaih, a chhungah hripui leh tam: rama awm chu khandaihin a thi ang a, khawpui a awm chu tam leh hripuiin a ei zo ang. |
16. | Amaherawh chu a tlan chhuakte chu, an chhuak na ang a, tlangahte chuan chul ram thuro ang maiin an awm ang; an vaiin khawhar takin, mahni khawlohna theuhvah. |
17. | Kut zawng zawngte chu a zawi ang a, khup zawng zawngte chu tui angin a nem ang. |
18. | Saiip puan an feng ang a, rapnain an mahni a tuam ang a, hmel zawng zawngah zahna a lang ang a, an lu zawng zawng a kawng fai vek ang. |
19. | An tangkarua leh an rangkachakte chuan LALPA thinurna niah chuan a chhanchhuak thei lo ang a, an nun a titlai lo ang a, an pum a ti puar hek lo ang, an khawlohna tlukna a nih tawh thin avang in. |
20. | An cheina mawina chuh an chapopui a, an tenawmna milemah leh an bawlhhlawhna thilah an chantir chauh zawk a ni; chumi avang chuan an tan thil tenawmah ka lo siam ta a ni. |
21. | Tin, rallak atan hnamdang kutah ka pe ang a, leia mi suaksualte hnenah rallak atan ka pe ang a, annin an lo tibawlhlawh ang. |
22. | Anmahni chu ka hawisan ang a, ka hmun serh chu an tibawlhlawh ang: Tin, rukhmangte an lo lut ang a, an tibawlhlawh ang. |
23. | Khaidiat chu saim rawh u, ram chu thisen chhuah hmang rorelnain a khat a, khawpui chu pawngneknain a khat si a. |
24. | Chuvangin hnamdang sual ber te ka rawn hruai lut ang a, an inte an neih sak ang; an chakna, an uanpui chu ka titawp ang a,an hmun serhte chu tihbawlhlawhin a awm ang. |
25. | Manganna a lo thleng ang a, muanna an zawng a a awm miah si lo. |
26. | Chhiatna chungah chhiat leh zualna, thu thang chungah thuthang a lo awm ang a, zawlnei lakah inlarna an zawng ang a, mahse dante chu puithiam lakah a bo ang a, upate lakah thurawn a awm hek lo ang.Lal chu a lungngai ang a, hotu chu beidawnna silhfenin a inthuam ang a, vantlang kutte pawh a khur ang a, an hnenah chuan an awmdan athuin ka ti ang a, an thiltih ang zelin ro ka rel sak ang; tin, LALPA chu ka ni tih an hre tawh ang," a ti a. |
27. | Lal chu a lungngai ang a, hotu chu beidawnna silhfenin a inthuam ang a, vantlang kutte pawh a khur ang a, an hnenah chuan an awmdan athuin ka ti ang a, an thiltih ang zelin ro ka rel sak ang; tin, LALPA chu ka ni tih an hre tawh ang," a ti a. |
← Ezekiel (7/48) → |