←  Ezekiel (42/48)  →
1. Tin, hungchhungnung zawk hmar lampangah chuan mi hruai chhuak a; hmun awl zawn hmar lam kulh ban eptu pindanah chuan mi hruai lut a.
2. Tin, hmar lampanga pindante chu tawng zaa sei, tawng sawmngaa zau a ni a.
3. Hung chhungnung zawk hmun awl tawng sawmhnih lam hawi leh hung pawnta zawk lungrem lam epin chhawrvel chhawng thum a awm ve ve a.
4. Pindante inkarah chuan tawng sawma zau, tawng zaa sei kal tlangna a awm a, a kawngkharte chuan hmar lam a hawi a.
5. Pindan chungnung te chu a zim zawk a, in chhawng hnuai zawk leh a laitate ai chuan a chhawrvelte chuan a la hek zawk si a.
6. Chhawng thumin sak a ni a, hung chhung bante ang chuan ban a nei si lo a; tichuan a laita ai chuan a chungnung ber chu a chep a, a laita pawh chu a hnuaihnung ber ai chuan a chep bawk a.
7. Tin, pindan sir pawnlam ah chuan hung chhung pawnta zawk lam epah bang tawng sawmngaa sei a awm a.
8. hung chhung pawnta zawk a pindante tawng sawmngaa sei a ni si a: tin, in pui hrula mi chu tawng zaa sei a ni.
9. Tin, chung pindante hnuaian chhak lampangah hung chhung pawnta zawk atanga luhna a awm a, pawnlam bang intannaah chuan.
10. Chhim lamah pawh chuan hmun awl zawna kulhbang epah chuan pindante a awm leh a,
11. a hmaa kalna pawh chu hmarlam pindante kalna ang bawk a ni: a dung leh a vang te pawh, a chhuahna te, a remvel dan te, a kawngkhar ten chhim lam a hawi tih chauh lo chu thuhmun vek a ni.
12. Chung pindante luhnan chuan kal tlangna tawp chhak lam bang bulah chuan kawngkhar a awm a.
13. Tin, a ni chuan ka hnenah,"chhimlam leh hmar lam pindan, hmun awl rawn chhawngtute hi pindan serh an ni a, LALPA rawn naih tu puithiamhoten thil serh berte an ei a, thil serh berte an dah khawm a, eitur hlannate, sual vanga inthawina te, thiamloh vanga inthawin te an hlanna tur a ni: a hmun chu hmun serh a ni si a.
14. Chuta puithiamte an luh phawt chuan, hmun serh atangin hung chhung pawnta zawkah chuan an chhuak tur a ni lo; chutah chuan an ranwgbawlna silhfente chu an dah zawk ang a, silhfen serh an ni si a: silhfen dang in bel chauhin vantlang zingah an che thei ang," a ti a.
15. In pui chhungnung zawk a teh zawh chuan chhaklam hawi kawngkaah chuan mi hruai chhuak a, a velin a teh ta a.
16. Tehna tiang chuan chhak lam pang chu a teh a, tawng zanga a ni a; a tehna tiang a tehin.
17. Hmar lam pang a rawn teh leh thung a, tawng zanga a ni a, a tehna tianga tehin.
18. Chhimlam pang a teh leh a, tehna tiang a tehin tawng zanga bawk a ni.
19. Tin, thlang lam a rawn teh leh a, a tehna tianga tehin tawng zanga bawk a iA sir li chuan a teh ta a: a dung lam tawng zanga, a vanglam tawng zanga a ni a; a velin kulhbang nei a ni a, chu chu hmunserh leh serh loh daidanna tura siam a ni.
20. A sir li chuan a teh ta a: a dung lam tawng zanga, a vanglam tawng zanga a ni a; a velin kulhbang nei a ni a, chu chu hmunserh leh serh loh daidanna tura siam a ni.
←  Ezekiel (42/48)  →