← Ezekiel (37/48) → |
1. | Tin, LALPA kut chu ka chungah a awm a, LALPA thlarau chuan mi hruai chhuak a, ruam lai takah mi dah a: chu ruam chu ruh hlirin a khat a; |
2. | "tin, an zingah chuan mi hruai vel ta a; tin, ruamah chuan a lo awm rem rum mai a! tin, ngai teh, a ro vek a ni. |
3. | Tin, ka hnenah ,"Mihring fapa, he'ng ruhte hi a nung thei ang em?" a ti a. Tin, kei chuan,"Aw, LALPA PATHIAN, nangin i hre zawk ang," ka ti a. |
4. | Tin, a ni chuan ka hnenah ,"Heng ruhte chungah hian thu sawi la, an hnenah, 'Aw nangni ruh rote u, LALPA thu hi ngai rwh u. |
5. | Heng ruhte hnenah LALPA PATHIAN chuan heti hian a ti a ni: Ngai rawh u, nangmahniah thaw ka luhtir ang a, in nung ang. |
6. | Tin, nangmahniah thahrui ka dah ang a, tisain ka tuam ang che u a, vunin ka khuh ang che u; tin, in chhungah thaw ka awmtir ang a, in nung ang; tin, kei hi LALPA ka ni tih in hria ang,' ti rawh," a ti a. |
7. | Tichuan thu mi pek ang chuan ka sawi ta a; tin, ka han sawi chuan thawm a lo awm a, ngai teh a ri ta rum rum a, ruhte chu mahni zawmpui theuhvah a inchuktuah khawm ta a. |
8. | Tin, ka han en chuan, ngai teh anmahniah thahrui a lo awm a, tisain a tuam a, vunin a khuh ta a; thaw erawh chu anmahniah a la awm lo. |
9. | Tichuan ani chu ka hnenah,"Thli hnenah thu sawi la, mihring fapa, sawi ngei la thli hnenah chuan,'LALPA PATHIAN chuan heti hian a ti a ni: Aw Thaw, kawlkil li atangin lo kal la, he'ng mithahte chungah hian thaw rawh, an nun theihna'n,' ti rawh," a ti a. |
10. | Chutichuan thu mi pek ang chuan ka sawi a, thaw chu anmahniah a lo lut a, an nung ta a, mahi ke theuhin an ding a, sipai rual ropui tak an lo ni ta a. |
11. | Tichuan ka hnenah,"Mihring fapa, he'ng ruhte hi Israel chhungkaw pumpui an ni a: ngai teh, anni chuan,'kan ruhte a ro zoin, kan beisei a bo zo ta, rawt boin kan awm ta,' an lo ti thin a. |
12. | Chuvangin hu sawi la, an hnenah, LALPA PATHIAN chuan heti hian a ti a ni: Ngai rawh u, in thlante ka hawng ang a, aw, ka mite u, in thlan ata ka chhuah tir ang che u; tin, Israel ramah chuan ka hruai lut ang che u. |
13. | Tin, in thlante ka hawna in thlan ata ka chhuahtir che u hunah chuan, aw, ka mite u, LALPA chu ka ni tih in hria ang. |
14. | Tin, nangmahniah ka thlarau ka dah ang a, in nung ang a, in ram ngeiah ka dah ang che u; tin, kei, LALPA hian ka sawi tawh a, ka ti ngei bawk a ni tih in hria ang, tih hi LALPA thu chhuak a ni," a ti a. |
15. | Tin, LALPA thu chu ka hnenah a lo thleng leh a, |
16. | "Nang, mihring fapa,' tih ziak rawh: tiang pakhat la la, a chungah chuan,'Juda leh a pawlpui Israel fate,' tih ziak rawh: tiang dang pawh la la, a chungah chuan,'Josepha, Ephraim tiang leh a pawlpui Israel chhungte zawng zawng,' tih ziak rawh. |
17. | Tin, tiangte chu zawm la, i kutah pakhat a nih theihna'n. |
18. | Heng hi engtihna nge ni, min kawhhmuh dawn lo'm ni?' i hnam faten an tih che chuan, |
19. | an hnenah,'LALPA PATHIAN chuan heti hian a ti a ni: Ngai rawh u, Josepha tiang, Ephraim leh a pawlpui Israel chite kut a mi chu ka la ang a, chung chu Juda tiang nen ka zawm ang a, pakhatah ka siam ang a, ka kutah pakhat a lo ni ang,' i ti dawn nia. |
20. | Tiang a chunga i ziaknate ngei kha an mit hmuh ngeiah i kutah a awm ang. |
21. | Tin, an hnenah,'LALPA PATHIAN chuan heti hian a ti a ni: ngai rawh u hnam, an va kalna te zing ata ka hruai ang a, kil tin, ata ka khawm ang a, an ramah chuan ka hruai lut ang. |
22. | Tin, chu ram, Israel tlangahte chuan hnam pakhatah ka siam ang a. lal pakhat chu an zaa lal a ni ang: tin, hnam pahnih an ni tawh lo ang a, lal na ram hnihah then a ni ngai tawh hek lo ang. |
23. | An milimte, An thil tenawmte, Anbawhchhiatnatein an intibawlhhlawh ngai tawh hek lo ang: an tluka an sual thinna zawng zawng ata ka chhan chhuak ang a, ka tlengfai ang: tichuan ka mite an ni ang a, tin, kei an Pathian ka ni ang. |
24. | Ka rawngbawltu Davida chu an chunga lal a ni ang a, an zaa chungah berampu pakhat a awm ang: ka thupekte an awih ang a, an zaa chungah berampu pakhat a awm ang: ka thupekte an awih ang a, ka dan siamte an zawm ang a, an hmang ang. |
25. | Ka rawngbawltu Jakoba hnena ka ram pek, in pute lo chenna thinah chuan an cheng ang a, anmahni leh an fate, an fate fate pawh: ka rawngbawltu Davida chu kumkhuain an hotu a ni ang. |
26. | Chu lo pawh chu anmahni hnenah remna thuthlung ka siam ang a, an tan kumkhaw thu thlung a ni ang a, an hnenah ka pe ang a, anni chu ka tipung ang a, an zingah chuan kumkhuain ka biakbuk ka dintir ang. |
27. | Ka bawkte pawh an hnenah a awm ang a, an Pathian ka ni ang a, anni chu ka mite an ni ang.Tin, an zingah kumkhua atan ka biak buk a din hunah chuan kei hi LALPA, Israel tithianghlimtu chu ka ni tih an hria ang,' ti rawh," tiin. |
28. | Tin, an zingah kumkhua atan ka biak buk a din hunah chuan kei hi LALPA, Israel tithianghlimtu chu ka ni tih an hria ang,' ti rawh," tiin. |
← Ezekiel (37/48) → |