Ezekiel (33/48)  

1. Tin, LALPA thu chu ka hnenah a lo thleng a,
2. "Mihring fapa, i hnam fate hnenah,'Ram chunga khandaih chu ka rawn thlen chuan ram mite chuan an zing ata mi pakhat an thlan chhuaha, enthlatua an dah chuan,
3. anin ram chunga khandaih lo thleng a hmuh chuan tawtawrawt a ham ang a, mipuite chu a in ralrintir ang;
4. tichuan tupawh tawtawrawt ri hriaa pawisa lotu chu, khandaih lo thlengin boral phah ta mah se la, a thisen mawh chu amah ngeiin a phur tur a ni.
5. Tawtawrawt ri a hriata a pawisak loh avangin a thisen mawh chu a phur mai tur a ni. A lo pawisak erawh chuan a nun a hum him dawn a ni.
6. Amaherawhchu enthlatu chuan khandaih lo thleng chu a hmuha, a tawtawrawt a ham loh a, mipuite chu an inralrin loh a, khandaih chu a lo thlena, an zinga mi tu emawin a boral phah chuan a khawlohnain a boral a ni ang a, a thisen phuba chu enthlatu lakah ka la ang,' ti rawh.
7. Chutiang chuan nang, mihring fapa, Israel chhungte tan enthlatuah ka siam che a ni; chuvangin ka kaa thu chhuak hi ngaithla la, ka hnen ata inralrinna tur thu chu an hnenah hrilh rawh.
8. Mi suaksual hnenah chuan,'Aw mi suaksual pa, i thi ngei tur a ni' ka tihin, mi suaksual chu a awmdan kalsan tura i hrilh loh chuan mi suaksual chu a khawlohnaah a thi ang a, a thisen phuba erawh chu i lakah ka la ang.
9. Amaherawhchu mi sual chu a awmdan kalsan si loh chuan, a khawlohnaah a thi ang a, nang erawh chuan i nun i humhim a ni ang.
10. Tin, mihring fapa, nangin Israel chhungte hnenah thu sawi la,'Hetiang hian in ti a, kan bawhchhiatnate leh kan sualnate chuan kan riral a ni, engtin nge kan nun theih reng ang?' in ti a.
11. An hnenah chuan,'A nuna kan nun chhung chu, mi suaksual thihnaah hian lawmna reng ka nei lo a, mi sualsualin a awmdan a kalsan a, a nun hi ka lawmzawng a ni zawk. I awmdan tha lo atang chuan kir r'u, Aw, Israel chhungte u, engah nge in thih ang le? Tih hi LALPA PATHIAN thu chhuak a ni,' tiin sawi rawh.
12. Tin, nang mihring fapa, i hnam fate hnenah chuan sawi la, Mi fel felna chuan a bawhchhiatna niah chuan amah chu a chhanhim lo ang a
13. Mi fel hnenah chuan,'Inung ngei ang,' tih ka sawiin, a felna ringa thil a tihsual chuan a thilfel tih pakhat mah hriatreng a ni lo ang; a thil lo tihsaulnaah chuan a thi zawk ang.
14. Tin, misual hnenah ,'I thi ngei ang,' ka tih leh thungin, a sualnate a hawisana a thiang leh a dik a lo tih a,
15. Misual chuan mi dahkhamte a pekkir a, a thil rukte a pek leha, nuna dante a zawh a, khawlohna engmah a tih loh chuan a nung ngei ang a, a thi lo ang.
16. Sualna a lo tih tak engmah kha hriatreng a ni tawh lo ang a, a thiang leh a dik chu a lo ti tawh a, a nung ngei ang.
17. Mahse i hnam fate chuan,' LALPA thil tih dan hi a rual lo e,' an tihin anmahni tih dan a fel lo zawk a ni si a.
18. Mi fel chuan a felna a hawisan a, thil sual a lo tih chuan chumi avang chuan a thi mai ang.
19. Tin, mi sualin a sualna a hawisana, a thiang leh a dik chu a tih chuan chumi azarah chuan a nung ang.
20. Mahse'LALPA tih dan hi a rual lo e,' in ti a, aw, Israel chhungte u, mi tin, chu mahni tih dan ang zelin ka relsak ang che u,' a ti a.
21. Tin, heti hi a ni a, kan saltan kum sawm leh kum hnihna, thla sawmna, chumi ni thla ni nga niah chuan Jerusalem ata tlanchhuak mi pakhat ka hnenah a lo kal a,"Khawpui chu hneh a ni ta," a rawn ti a.
22. Tin, chumi tlanchhuak chu a lo kal hma tlai lamah chuan LALPA chuan ka chungah a kut a nghat a, zing lama ka hnena a lo kal chuan ka ka mi lo antir hman a, tichuan ka ka chu ka ang a, tawng thei loin ka awm ta lo.
23. Tin LALPA thu chu ka hnenah a lo thleng a,
24. "Mihring fapa, Isarael rama hmun ram tawh hnua awmte chuan,'Abrahama chu pakhat a ni a, ram chu a luah a, keini erawh chu tamtak kan ni a; ram chu rochun tura pek a ni tawh ang chu,' tiin a sawi a.
25. Chuvangin an hnenah chuan LALPA PATHIAN chuan heti hian a ti: Sa thisen in ei a, in milimte lamah in mitte in len chho a, thisen in chhuah a, nangnin ram chu in chang ang maw?
26. In khandaih in ring a, thil tenawm in ti a, mi tinin thenawmpa nupui in ti khawlo a, nangnin ram chu in chang ang maw?
27. Hetiang hian an hnenah i sawi tur a ni, LALPA PATHIAN chuan heti hian a ti a ni: A nuna ka nun chhung chu, hmun ram tawh hnua awmte chu khandaihin an tlu ngei ang a, tamlaka awmte chu sakawlh hnenahte ei zawh atan ka pe ang a, kulh nghet leh puka awmte chu hripuiin an thi ang.
28. Tin, ram pawh chu ka ti tiauin, rapthlak takah ka siam ang a, a thltihtheihna, a chapopui chu a kin tawh ang; Israel tlangte chu a tiau vang a, tumah an veivaktawh lo ang.
29. Thil tenawm an tih avanga ram chu ka tih tiau a, rapthlak taka ka siam hunah chuan kei hi LALPA ka ni tih an hria ang.
30. Tin, nang, Mihring fapa, bang bulah kawngkaahte i hnam fate chuan an sawi huai huai ang chia, mi tinin an unaute hnenah,'Hawh teh u khai! LALPA hnen ata thuchhuak i ngaithla ang u,' an in ti ang.
31. Tin, a hlawp hlawpin i hnenah an lo kal ang a, ka mite ang maiin i hmaah an thu ang a, i thu an ngaithla ang a, mahse an zawm chuang lo ang: an kain hmangaihna nasa tak an tilang ang a, an thinlung erawh chuan hlepna lam a pan ang.
32. Tin, ngaiteh nang chu an tan chuan hmangaihna hla, mawi taka sak leh tum ang i ni ang: i thu te chu an ngaithla a, mahse an zawm chuang lo ang.Hei hi a lo thlen hunah (ngai rawh, a lo thleng mek e), an zingah zawlnei a awm tih an hre dawn nia,' a ti e, ti rawh" a ti a.
33. Hei hi a lo thlen hunah (ngai rawh, a lo thleng mek e), an zingah zawlnei a awm tih an hre dawn nia,' a ti e, ti rawh" a ti a.

  Ezekiel (33/48)