Ezekiel (32/48)  

1. Tin, heti hi a ni a, kum sawm leh kum hnihna, thla sawm leh thla hnihna, chum thla ni khat niah chuan LALPA thu chu ka hnenah a lo thleng a,
2. "Mihring fapa, Aigupta lal Pharaoa sunna hla phuah la, a hnenah: Hnamte sakeibaknei vanglai anpui chu! Tuipui awlepui i iang zawk e; I hnara tuite tiphuanin, i kein i chawk nu, I luite i tibawlhhlawh zo ta.
3. LALPA chuan heti hian a ti: Ka lenin nang an man ang chia, mi tam tak nen , Ka lenin nang an man ang che.
4. Ka hluihlawn ang chia, khawmualah, Ka paih ang che, tamlakah; chungleng zawng zawng ka ko khawm ang, i chungah, ka ti tlai ang, lei pumpui ramsa, nangmahin.
5. Tlang tinah i sa ka hlui ang a, I ruangin ruamte a tikhat ang.
6. I chenna ram tlang thlengin, ka bual ang, i thisenin, kawr tin a khat bawk ang, nangmahin.
7. Ka tihchimih hunah che chuan, Van ka khuhin arsi ka ti thim ang, ni ka hliah bo vang, chhumin, Thlain a eng a chhuah lo ang.
8. Van eng zawng ka tithim ang, i chungah, i ramah thim ka lentir ang, tih hi LALPA PATHIAN thu chhuak a ni," ti rawh.
9. I hriat loh rama hnamte zinga i chhiatna ka thlen hunah chuan mi tamtakte thinlung ka ti chi-ai ang.
10. A ni mi tamtak nangmahah mak tiin ka siam ang a, an hmaa ka khandaih ka vilik hunah chuan nangmah avangin an lalte pawhin rapthlak an tiin an hlau em em ang; i tluk niah chuan mi tinin an nun chan hlauin an khur an khur ang.
11. LALPA PATHIAN chuan heti hian a ti si a: Babulon lal khandaih i chungah a lo thleng dawn.
12. I mite ka tluktir ang, ralhrat mite khandaih, Hnamte zinga tihbaiawm berte an ni, An tichhia ang, Aigupta mi ropuina, A mipui zawngte an boral ang.
13. Tui tam tak kam ramsa zawng a tiboral ang, Mi kete chuan a pal nu tawh lo ang a, Ramsa kete pawhin a pal nu tawh hek lo ang.
14. Chutin tui ka tifim ang a, Ka luantir ang, luite chu, hriak angin, tih hi LALPA PATHIAN thu chhuak a ni.
15. Aigupta ram ka tihtiau chhiata, A nghahna zawng zawngah saruakin, A chhunga chengte ka rawtbo hunah chuan, kei LALPA ka ni tih an hre ngei ang.
16. Hei hi an tah hla tur chu a ni; hnamtin fanuten hei hian tapin Aigupta leh a mi zawng zawngte an sun ang," tih hi LALPA PATHIAN thu chhuak a ni.
17. Tin, heti hi a ni a, kum sawm leh kum hnihna, chumi thla ni sawm leh panga niah chuan LALPA thu chu ka hnenah a lo thleng a,
18. "Mihring fapa, Aigupta mipuite chu tah vak vak la, amah leh hnam hmingthang tak fanute chu khuarkhuruma chhuk tawhte hnenah lei hnuaihnung lamah chuan paih thla rawh.
19. Mawinaah tu nge i khum le? Chhuk la, serhtan lohte zingah chuan zal rawh.
20. Khandaiha thah tawhte zingah chuan an tlu ang a, khandaih hnenah pek an ni tawh a, amah leh a mi zawng zawngte chu hnuk bo rawh u.
21. Seola awm ralhrat mi chak tak takte chuan amah leh a tanpuitute an bia ang; an chhuk a, an mu reng a, khandaiha thah, serhtan lohte chu.
22. Chutah chuan Assur leh a hote zawng zawng an awm a; an thlante chu ama velah a awm a: an zain thah, khandaiha tlu vek an ni.
23. An thlante chu khuarkhurum thuk berah a awm a, a thlan velah chuan a hote an awm a: an zain thah, khandaiha tlu vek, mi nung ram tiraltitute chu an ni.
24. "Chutah chuan Elam leh a thlan velah a hote an awm a; an zain thah, khandaia tlu, lei hnuaihnunga serhtan loha chhuk mi nung ram tiraltitute, an mualphona khuarkhuruma chhukpuitute an ni a.
25. Mi thahte zingah chuan amah leh a hote mutna an siamsak a, a thlante chu ama velah a awm a; an zain serhtan loh, khandaiha thah an ni a; an hlauhawmna chu mi nung ram raltitna a ni thin a, khuarkhuruma chhuk tate nen chuan an mualphona an phur a, mi thahte zingah chuan an awmtir a.
26. "Chutah chuan Mesek leh Tubal, an hote nen an awm a; an thlante chu amah velah a awm a; an zain serhtan loh, khandaiha thah an ni a; an hlauhawmnain minung ram a tiralti thin si a.
27. Serhtan loh, mi chak tlute, indo hriamhrei nena Seol chhuk tate, an khandaih lukhama, an ruhte chunga an phawte awm hnenah chuan an mu lo ang: anni zawng minung rama mi chak tiraltitute an ni si a.
28. Nang chu serhtan lohte zingah bung rem rumin i awm ang a, khandaiha thi te hnenah i mu ang.
29. Chutah chuan Edom, a lalte leh a hotute zawng zawng an awm a; an chak teh na a, khandaiha thahte zingah an zalh a ni; serhtan loh, khuarkhuruma chhuk tawhte hnenah an mu a.
30. Chutah chuan hmarlam hotute, an vaiin, sidon mi zawng zawng, thahte zinga chhuk tawhte nen chuan an mualpho tlang ta a ni.
31. "Pharaoa chuan a lo hmu ang a, a mite zawng zawng chu a thlamuan phah ang, Pharaoa leh a sipai rual zawng zawng, khandaiha thahte ngei pawh chu, tih hi LALPA PATHIAN thu chhuak a ni.Mi nung ramah chuan raltitna a lentir a, serhtan loh, khandaiha thahte zingah a mu ang, Pharaoa leh a mi zawng zawngte ngei chu, tih hi LALPA PATHIAN thu chhuak a ni," a ti a
32. Mi nung ramah chuan raltitna a lentir a, serhtan loh, khandaiha thahte zingah a mu ang, Pharaoa leh a mi zawng zawngte ngei chu, tih hi LALPA PATHIAN thu chhuak a ni," a ti a

  Ezekiel (32/48)