←  Ezekiel (3/48)  →
1. Tin, ka hnenah,"Mihring fapa, i hmuh kha ei rawh; lehkhabu zial hi ei la. Israel chhungte hnenah chuan thu va sawi rawh," a ti a.
2. Chutichuan ka ka ka ang a, lehkhabuizial chu mi eitir ta a.
3. Tin, ani chuan ke hnenah,"Mihring fapa, i pumah pai la, he lehkhabu zial ka pek che hian i kawchhung ti khat rawh," a ti a. Tichuan ka ei ta a, a thlum zia chu ka kaah chuan khawizu ang mai a ni a.
4. Tin, ani chuan ka hnenah,"Mihring fapa, Kalla Israel chhungte hnenah chuan thute hi hmangin va sawi rawh.
5. Tawng hrang leh tawng harsa te hnenah tirh i ni si lo a; Israel chhungte hnenah tirh i ni zawk si a.
6. Hnam ropui tak an tawng i hriat loh, tawng harsa pui pui hmang tute zingah pawh tir che i la chuan i thu an ngai thla ang.
7. Mahse Israel chhungte chuan an ngai thla lo ang che, kei mi ngaithla dawn si lo a, Israel chhungte zawng luhlul tak leh tihmawh takte an ni si a.
8. Tunah hian luhlul tak leh dehkhirh takin anmahni ang maiin ka siam ang che,
9. lung chang tak, meilung aia changa dehkhirhin ka siam a che, hlau suh la, an mit melhah zam hek suh, helhmang mi ni mah se la," a ti a.
10. Chu lo chu ka hnenah, 'Mihring fapa, i hnena ka thu sawi tur zawng zawng chu i bengin ngai thla la, i thinlungah khung rawh.
11. Tin, kalla, i chipui saltangte hnen va thlen la; an ngaithla emaw, 'Hetiang hi LALPA thu chhuak chu a ni e,' tiin sawi la hrilh rawh," a ti a.
12. Tichuan thlarauin mi chawi kang ta a, ka hnung lamah chuan thawm ri sung sung hi ka hria a, "A hmun atang hian LALPA ropuina chu malsawmin awm rawh se," tiin.
13. Tin, thilnungte thla in tawk ri te, an bula tawlailir ri te, thawm ri sung sungte chu ka hria a.
14. Chutichuan thlarauin mi chawi kang a, mi la bo ta a: thinrim tak leh hreh tak chungin ka kal ta a, LALPA kut chu ka chungah a chak si a.
15. Tichuan Telabiba sal tangho, Kebar luia chengte hnen chu ka thleng a, an thutnaah chuan ka thu a; mak ti takin tah chuan ni sarih ka thu ta a.
16. Mihring fapa, Israel chhungte vengtuah ka ruat che a ni; tichuan ka kaa thu i hria ang a, keima aiah ka vaukhang tur a ni.
17. Mi suaksual hnena ka thu,'I thi ngei tur a ni,' ka tiha, chu mi suaksual chu a nunna hum tura a sualna kawng kalsan turin vauna i neih loh a, vaukhanna thu i hrilh bawk si loh a, chu mi suaksual chu a khawlohnaah a thih chuan a thisen mawh chu i lakah ka phut ngei ang.
18. Amaherawhchu, chu mi suaksual chu i vau a, a sualna a kalsan loh a, a sualna kawng a hawisan bawk loh chuan a khawlohnaah a thi ang a, nang erawh chuan i nun i chhanhim a ni zawk ang.
19. Tin, mifel chuan a felna a hawisana khawlohna a tiha, a hmaa tlukna ka lo dah chuanin, a thi ang: vaukhanna i neih loh avangin sualah a thi ang a; a thil fel tih tawhte chu hriatreng a ni lo ang; a thisen mawh erawh chu i lakah ka phut ang.
20. Nimahsela mi fel chu sual lo tura i vaukhanna a sual loh chuan vauna a pawisak avangin a nung ang; nang pawhin i nun i hum him ang," a ti a.
21. Tin, tah chuan LALPA kut chu ka chungah a awm a, ka hnenah,"Tho la phaizawlah kal la, tah chuan ka bia ang che," a ti a Tichuan ka tho a, phaizawlah chuan ka kal ta a. .
22. Tin, ngai teh, tah chuan LALPA ropuina chu, ropuina, Kebar luia ka hmuh ang mai khan a lo ding a, kei chu bawk khupin ka tlu ta a.
23. Tichuan thlarau chu keimahah a lo lut a, ka kein mi din tir a, mi bia a,"Kal la, i inah in khar khung rawh.
24. Nang zawng e mihring fapa, hruizenin an hling ang chia, an phuar ang che, an zingah i leng chhuak tawh lo ang.
25. I lei chu i dangah ka behtir ang a, i tawng tawh lo ang a, anmahni zilhtu i ni tawh lo ang, helhmang chhung an ni si aMahsela i hnena thu ka sawi hunah chuan i ka ka antir ang chia, an hnenah chuan Lalpa PATHIAN chuan heti hian a ti a ni:'A ngaithlain ngaithla se la, a ngaithla loin ngaithla lo mai rawh se, helhmang chhung an ni si a, a ti e," tiin i sawi tur a ni,"
26. Mahsela i hnena thu ka sawi hunah chuan i ka ka antir ang chia, an hnenah chuan Lalpa PATHIAN chuan heti hian a ti a ni:'A ngaithlain ngaithla se la, a ngaithla loin ngaithla lo mai rawh se, helhmang chhung an ni si a, a ti e," tiin i sawi tur a ni,"
←  Ezekiel (3/48)  →