←  Ezekiel (29/48)  →
1. Kum sawmna, thla sawmna, chumi thla, ni sawm leh ni hnihnaah chuan LALPA thu ka hnenah a lo thleng a,
2. "Mihring fapa, Aigupta lal Pharaoa hmachhawn la, a chungah leh Aigupta mi zawng zawng chungah thu sawi rawh.
3. Sawi la,'LALPA PATHIAN chuan heti hian a ti a ni: Ngai rawh, Aigupta lal Pharaoa, luipuite laia awlepui ropui tak, ka lupui hi ka ta a ni, keimah ngei atan ka siam a ni,' titu, ka do che a ni.
4. I khabeahte nghakuaiin ka man ang chia, luipuia sanghate chu i phuhlipah ka tibet ang a, luipui lai ata i phuhlipah sangha zawng zawngte nen chuan ka pawt chhuak ang che.
5. Tin, thlalerah ka paih ang chia, nang leh i luipuia sangha zawng zawngte pawh; tamlakah i tla ang a, i ruang hlawm a ni lo ang a, phum i ni hek lo ang; ram sakawlhte leh chungleng savate hnenah chaw atan ka pe ang che.
6. Israel chhungte tan luang tiang mai an lo nin tak avangin Aigupta rama cheng zawng zawngte chuan kei hi LALPA ka ni tih an hria ang.
7. Kutin an vawn chein i lo tliak a, an kokiah i chhun thler a, an rinchhan chia, i tliak a, an kawngte chu a sai dawt dawt a.
8. Chuvangin LALPA PATHIAN chuan heti hian a ti: Ngai rawh, i chungah khandaih ka rawn thlen ang a, i lak ata mi leh sa ka rawt bo vek ang.
9. Tin, Aigupta ram, ram tiau leh khawram a ni mai ang a, kei hi LALPA ka ni tih an hria ang; luipui hi ka ta a ni a, ka siam a ni , a tih avangin.
10. Chuvangin ka do chia, i luipui pawh; Suene kulh atangin Ethiopia ramrti thlengin Aigupta ram chu ram tiau leh khawramah ka siam ang.
11. Mihring kein a chil ngai lo ang a, sate pawh an kal ngai hek lo ang; kum sawmli chhung pawhin luahin a awm hek lo ang.
12. Tin, Aigupta ram chu, ram tiaute zinga pakhatah ka siam ang a, a khawpuite chu khawpui ramte zingah kum sawmli a tiau ang: Aigupta mite chu hnamte zingah ka tidarh ang a, ram tinah ka tidarh ang.
13. LALPA PATHIAN chuan heti hian a ti si a: kum sawmli hnuah chuan an darhna mite lakah chuan Aigupta mite chu ka khawm leh ang:
14. Aigupta mite awmdan la let ang a, an pianna ram, Pathros ramah ka tir ang; tin, tah chuan tlawm takin an lal ang.
15. Lalna ram tlawm ber a ni ang, hnamte zingah a intilal tawh hek lo ang; hnamdang chunga thu a neih tawh lohna'n anmahni ka ti te dawn a ni.
16. An lam hawi apiangin ankhawlohna an hriatchhuah thin avangin Israelte rinpui an ni tawh lo ang; tin, LALPA PATHIAN chu ka ni tih an hria ang, a ti,' ti rawh," tiin.
17. Tin, heti hi a ni a, kum sawmhnih leh kum sarihna, thla khatna, chumi thla ni khat niah LALPA thu chu ka hnenah a lo thleng a,
18. "Mihring fapa, Babulon lal Nebukadnezzara chuan tura chungah hna ropui tak thawk turin a sipai rual chu a ti a, mitin chhipte chuan a kawlh phah a, mi kokiin a pilh phah bawk a; mahse amah leh a sipai rualte pawhin an hnathawhah chuan tura lakah hlawkna engmah an hmu chuang lo.
19. Chuvangin LALPA PATHIAN chuan heti hian a ti a ni: Ngai rawh, Aigupta ram chu Babulon lal Nebukadnezzara hnenah ka pe dawn a, a thil ngah rei ruite chu a la bo anga, a rawk ang a, a rallaksak ang; chu chu a sipai rualte hlawh chu a ni mai ang.
20. Ka rawng an bawl avangin Aigupta ram hi an hlawhah ka pe a ni, LALPA PATHIAN chuan a ti a ni.Chumi niah chuan Israel chhungte tan ki ka chawr chhuahtir ang a, an zingah chuan i ka ka antir ang; tichuan LALPA chu ka ni tih an hria ang," tiin.
21. Chumi niah chuan Israel chhungte tan ki ka chawr chhuahtir ang a, an zingah chuan i ka ka antir ang; tichuan LALPA chu ka ni tih an hria ang," tiin.
←  Ezekiel (29/48)  →