←  Ezekiel (26/48)  →
1. Tin, kum sawm leh kum khatna thla ni hmasa berah chuan heti hi a ni a, LALPA thu chu ka hnenah a lo thleng a,
2. "Mihring fapa, tura chuan Jerusalem chung thuah,'I hi; Hnamte kawngkhar chu a chhe ta, ka lamah a in hawng a, a lo tlakran tak vek avangin kei ka changtlung tawh ang,' a tih avangin,'
3. LALPA PATHIAN chuan heti hian a ti a ni: Ngai rawh, aw tura, ka do che a ni; tuifinriatin a fawn a vawrh chhoh ang maiin i chunga lo kal turin hnam tam tak te ka rawn tir ang.
4. Tin, tura kulhte chu an tichhia ang a, kulh bingsangte chu an tichim ang; an lak ata lei zawng zawng ka ziat fai leng ang a, lungpui ro maiah ka siam ang.
5. Tuipui laia len pho rona hmun a ni mai ang, keima'n ka sawi tawh si a, tih hi LALPA PATHIAN thu chhuak a ni: tichuan hnamte tan rallak a ni mai ang.
6. Tin, a fanu rama awmte chu khandaiha tihhlum an ni ang a, tichuan LALPA chu ka ni tih an hria ang.
7. LALPA PATHIAN chuan heti hian a ti si a: Ngai rawh, tura chungah chuan Babulon lal Nebukadnezzara, lalte lal chu hmarlam atangin, sakawrte nen, sakawr chung chuang mite, a pawl leh mipui tamtak mai ka rawn hruai dawn a ni.
8. I fanute an that ang, ramah, khandaihin, Kulh a siam ang, nangmah danna'n , Nangmah dona'n a siam ang, mual pawngte, I chungah ka phawsial a sir ang.
9. Kulh sut chhiatna a siam, i kulh thiatna'n, I kulh bangsang a tichim ang, hreipuiin.
10. A sakawr tam avangin a khuh ang che, vaivutin, Khawpui chhiata mite an luh thin angin. I kawngka an luh ve hunah chuan, I kulhpui a nghing ang- Sakawr chung chuangte thawm leh indo tawlailir thawmah.
11. Kawrsathang kein a chil chhia ang, i kawtthler zawng, I mite a that zo ang, khandaihin, I chakna bung sang suar a chim ang.
12. I ro thil rallakin an la ang, I bungrua zawng zawng an rawk zo ang, I kulh bangsuar ang a tichim ang, I runin nuam a tichhe zo ang, I thing, lung, hlum te an paih ang, tuipui laiah.
13. Ka tibang zo ang, , i zai thawmte, I tingtang ri pawh a dai hlen ang.
14. Lungpui ro maiah ka siam ang che. Len pho ronaah i lo chang ang, Din i ni leh tawh lo ang, Keimah LALPA hian ka sawi tawh si, Tih hi LALPA PATHIAN thu chhuak a ni e.
15. LALPA PATHIAN chuan tura khaw hnenah heti hian a sawi a,"I chhungah chuan in thahnate a awm huna, mi hliamte an rum hunah chuan i tlu thawmah chuan tuipui kam ramte a nghing dawn lo em ni?
16. Tuipui chunga hotute zawng zawng chu an thutthleng ata an chhuk ang a, an puan ropui te, an dah ang a, an cheimawite an hlip tawh ang; khurhnain an inthuam zawk ang a, mak an ti ang che.
17. Tin, nangmam sunna hla an phuah ang a, i hnenah-'Khawpui hmingthang, tuipui chunga chak, Tui thiam mite hlir chenna thin chu, Amah leh a chhunga chengte zawng zawng, Mi veivakten an tih thin che nen, I chhiatna chu a va nasa em!
18. I tlukna niah an nghing, thliarkarte, Tuipui thliarkar an zam ang, i bo niah,' an ti ang," tiin.
19. LALPA PATHIAN chuan heti hian a ti si a,"Khawpui ram, tuma luah loh khawpui anga ka siam hunah che chuan, tui thuk takah ka tipil ang chia, tui nasa takin a chim ang che;
20. hmasang mi, khur thuka kal tawh te hnenah ka tir thla ang chia,lei hnuai lamah, hmana tiau tawh khur thuka kal tawhte hnenah ka chentir ang chia,tumahin an luah lohna'n che leh mi nungte zinga ropuina i hmuh tawh hauh lohna'n.Ka tiboral daih ang chia, i awm tawh lo ang; miten zawng che mah se la an hmu tawp lo ang che," tih hi LALPA PATHIAN thu chhuak a ni.
21. Ka tiboral daih ang chia, i awm tawh lo ang; miten zawng che mah se la an hmu tawp lo ang che," tih hi LALPA PATHIAN thu chhuak a ni.
←  Ezekiel (26/48)  →