← Ezekiel (2/48) → |
1. | Tin, ka hnenah, "Mihring fapa, i kein ding rawh, i hnenah thu ka sawi dawn e," a ti a. |
2. | Tin, ka hnena a thusawi lai chuan thlarau chu keimahah a lo lut a, ka ke in mi dintir a; tin, mi betu chu ka ngaithla ta a. |
3. | Tin, ka hnenah, "Mi hring fapa, Israel fate hnenah, helhmang hnam, ka chunga hel thin te hnenah chuan ka tir a che: anmahni leh an thlahtute pawhin hemi ni thleng pawh hian ka chungah an bawhchhe thin a ni. |
4. | Chhuan luhlul leh tihmawhte an ni a, an hnenah ka tirh che hi; tin, an hnenah chuan, LALPA PATHIAN chuan heti hian a ti," i ti tur a ni. |
5. | Tin, an nin an ngaithla emaw, an ngaithla lo emaw (hel hmang an ni si a), an zingah zawlnei a awm tih an hre reng tur a ni. |
6. | Tin, nang mihring fapa, anmahni hlau suh la, an thu ah pawh zam hek suh, i hnenah chuan len hling leh hnim hlingnei te awmin , khawmualkaikuang zinga cheng ni mah la: helhmang mi nimahsela, an thu chu hlau suh la, an landan ah zam hek suh. |
7. | Tin, an ngaithla emaw, ngaithla lo emaw, an hnenah ka thu i sawi tur a ni: helhmang tak an ni si a. |
8. | Amaherawh chu nang mihring fapa, i hnena ka sawi hi ngaithla rawh; mi helhmangte angin helhmang ni ve suh: i ka ang la, ka pek che chu ei rawh," a ti a |
9. | Tin, ka han en a ngaiteh, kutah chuan lehkhabu zial a awm a;ka hmaah a han pharh a, a chhung lam leh a pawn lama ziak a ni a; tahnate, lusunna te, chungpikna te ziakin a awm a. |
10. | ka hmaah a han pharh a, a chhung lam leh a pawn lama ziak a ni a; tahnate, lusunna te, chungpikna te ziakin a awm a. |
← Ezekiel (2/48) → |