Ezekiel (19/48)  

1. "Chu loah pawh chuan Israel hotute chungchangah sunna hla phuah la,
2. I nu eng nge a nih le? Sakeibakneipui a ni; A no a chawm, a bawk, sakeibaknei vanglaite zingah,
3. A chawm tlei e, a no pakhat sakeibaknei vanglaiah, A lo thiam e, sa seh, mihring a hmang-chhun rawlah.
4. Hnamten hriain, an dang thla e- khur thukah; Thir kawl an bun, Aigupta ram an thlen e
5. A chuni-nun a nghak thlawn, bei lo dawng e; A siam leh e, a hrai chawi dang, sakeibaknei vanglaia'n.
6. A leng vel e, sakeibakneite zingah, sakeibaknei vanglai tha a lo ni e; A lo thiam e, sa seh, mihring a hmang chhun rawlah.
7. A hrawng vel a, lal inte, khawpui a ti tiau ve; A rawl lian vangin a tiau zo, mi leh ram.
8. Hnamtin khuavel lo pungin an bei chiam a, Len hrui an zar, an dang thla e khur thukah.
9. Thir kawl bunin bawmah an khung, Babulon lal an hlan e. An thlen ta kulhpui chhungah, A thawm daihna'n-Israel tlang lianah.
10. I chuni-nun grep huana tui chawm grep a iang e, Siktui thiang chawm, rah tha chhuak a zar luai e,
11. A lal tiangah a tang zar khauh lo chhuakin, Zardang zawng laiah a sang ber a, A bukpui khumin a chung lur e.
12. Mahse an thliak, thinlai rimin, An paih chhim hlei tualah, Chhaktiang thliin a nuai, a til, a rahte, A zar khauh pawh a tliak thla, a uai zo ta, Senmeiin a kang ral ta e.
13. A kungpui zawng an phun ta, thlaler ram tui loah,A zar ata senmei lo chhuakin a man e, A rahte zawng pawh a ei zo ta: Tichuan, zar lem a awm tawh lo-lal tiang turah pawh. Hei hi sunna hla a ni e, sunna'na hman tur a ni.
14. A zar ata senmei lo chhuakin a man e, A rahte zawng pawh a ei zo ta: Tichuan, zar lem a awm tawh lo-lal tiang turah pawh. Hei hi sunna hla a ni e, sunna'na hman tur a ni.

  Ezekiel (19/48)