Ezekiel (1/48)  →
1. Kum sawmthumna, thla lina, ni nganaah chuan, kei Ezekiela puithiam Buzia fapa chu, Babulon Kebar lui kama Juda saltangte zingah ka awm a, Van a lo in hawng a,Pathian inlarna ka hmu a.
2. Lal Jehoiakina sala a tan kum ngana a ni.
3. Babulon rama Kebar lui kamah chuan LALPA thu sawi ka hria a, a thil tih theihna chuan mi tuam a.
4. Tin, ka han en a, hmar lam ata thlipui nasa tak lo thawk ka hmu a. Chhumpui nasa tak atang hian kawl hi a lo phe zawr zawr a, a kiang velte chu a eng pup mai a, kawl a phet naah chuan eng eng emaw, dar tle mi ang hi a awm a.
5. Thlipui lai takah chuan thilnung pali ang, mihring ruangam pu ka hmu a,
6. Hmai pali leh thla pali an nei theuh a.
7. An ke an thluanga, bawng tin, ang an nei, Dar tle mi ang in an eng a,
8. Hmai pali leh thla pali bakah chuan mihring kut ang pali an nei theuh a, an thla hnuaiah zel a awm a.
9. Thilnungte chuan an thla pahnih an zarpharh theuh chuan an thla hmawr te chu a in tawk pha a, killi neiin an ding a, an chet sawn pawhin an zain an taksa her chuang loin an che sawn thin a ni.
10. Thilnung palite chuan hmai pali an nei theuh a, an hma lamah mihring hmel an pu a, dinglamah sakeibaknei hmel ang, vei lamah bawngpa hmel ang, hnung lamah mupui hmel ang.
11. Thilnung pali ten an thla pahnih theuh chu a hmawr in tawk phain an zar theuh a, a dangte chu an taksa hrulah an khupa.
12. Thilnungte chuan khawilam pawh an hawisa vek a ni, in her loin thlarauin a duhna lam apiangah an kalho thei.
13. Thilnung zingah chuan, eng eng emaw, meichher alh deuh ang mai hi a awm a, englai pawhin a che a, Mei chu a alh eng pup a, kawlphe angin a eng chhuak zuai zuai a.
14. Thilnungte chu kawlphe angin an vir tawn zawk zawk a.
15. Thilnung palite chu ka en reng lai chuan, tawlailir ke pali, thilnung zawn theuha awm, leia in nghat, ka hmu bawk a.
16. Tawlailir ke palite chu in ang vek a ni a, lunghlu angin an eng theuh a, tawlailir ke pakhat chhunga tawlailir ke dang awm ang a ni.
17. In her loin khawilam hawi pawhin an che sawn thei a ni.
18. Tawlailir ke bial tlangte chu kual kung mai,rapthlak tak a ni a, mitin a khat a
19. Thilnungte chu an kalsawn apiangin tawlailirte pawh chuan an zui ve zel a. .
20. Thilnungte chu thlarau duhna lam lamah an kal a, tawlailir pawhin thilnungte tih ang chiahin an ti ve a, thilnungte thlarau chu tawlailirte keahte a awm si a.
21. Tichuan thilnungte chu an kalin emaw, an din in emaw, boruaka chawikan an nih in emaw tawlailirte pawh chutiang bawk chuan an awm thin, thilnungte thlarau chu tawlailir keah chuan a awm si a.
22. Tin, thilnungte lu chung chu thil eng emaw, krustal lung tle mia siam ang hian a khuh kulh mai a.
23. Chu thil awm kulh hnuaiah chuan thilnungte chu an ding a; an dawta mite lamah chuan an thla pahnih an zara , an thla pahnih dangin an taksa an khuh a.
24. An thlawh laia an thla zap ri chu ka hria a, tuifinriat fawn ri ang leh sipai rual thawm ang a mipui ri mur mur thawm leh Engkimtithei Pathian aw ang a ni, An thlawh loh chuan an thla te an khup a.
25. An thlawh loh lai pawhin an lu chung zawn chunglam thil awm atang khan thil ri hum hum a awm tho a.
26. Tin, an lu chunga van dum chungah khan lalthutthleng ang tak, sapphir lung ang maia lang hi a awm a: Tin, lal thutthleng ang tak chungah chuan mi hring ang taka lang hi a awm a.
27. Tin a kawnga chin chunglam chu thihna puak sur ang maiin ka hmu a, a kawng ni awm a chin hnuailam chu mei ang mai hi niin ka hmu a, a eng vel pup mai a.Ruahsur nia chhum chunga chhimbal landan ang mai hi a vela eng landan chu a ni a, Hei hi LALPA ropuina landan ang chu a ni. Tin, ka hmuhin bawkkhupin ka tlu a, thusawitu aw chu ka hria a.
28. Ruahsur nia chhum chunga chhimbal landan ang mai hi a vela eng landan chu a ni a, Hei hi LALPA ropuina landan ang chu a ni. Tin, ka hmuhin bawkkhupin ka tlu a, thusawitu aw chu ka hria a.
      Ezekiel (1/48)  →