←  Exodus (29/40)  →
1. Tin, puithiam hnathawka ka rawng an bawl theihna tura an mahni tihthianghlimna'n an chauh hetiang hian i ti tur a ni: bawngpa tuai pakhat leh berampa sawiselbo pahnih nen,
2. chhang dawidim telh loh nen, chhangper dawidim telh loh hriaka chawhpawih nen i ranla tur a ni: chhangphut dip tak chiin i siam tur a ni.
3. chung chu fawng pakhata dahin, a fawng chawpin bawngpa le berampa pahnih nen chuan i rawn keng tur a ni.
4. Tin, Arona leh a fapate chu inbiakna puanin kawngka bulah chuan rawn hruaiin, tiin i lo sil tur a ni.
5. Tin, silhfente chu rawn lain, Arona chu kawr nen, puithiam kawr kawrfual nen, pithiam kawr nen awmbel nen haktirin , puithiam kawr hrenna themthiam taka tah chuan i hreng tur a ni:
6. tin, puithiam lukhum chu khumtirin, lallukhum chauh chuan lukhum thianghlim chu i khumtir tur a ni.
7. Tichuan hriak thih mi rawn lain, a lu-ah leihin i thih tur a ni.
8. Tin, a fapate chu rawn hruaiin kawr i haktir tur a ni.
9. Tin, Arona leh a fapate chu kawnghrena hrengin, dar i khim tir tur a ni: tin, puithiam nihna chu kumkhua a tana ruat ngheh tlatin an chang tawh ang: tin, Arona leh a fapate chu i tithianghlim tur a ni.
10. Tin, in biakna puanin bulah bawngpa i rawn la tur a ni: Arona leh a fapate chuan bawngpa luchauh chuan an kut lo nghat rawh se.
11. Tichuan in biakna puanin kawngka bulah, LALPA hmaah chuan bawngpa chu i lo talh tur a ni.
12. Tin, bawngpa thisen chu lo lain, maicham kite chu i kut zungtangin i hnawih tur a ni; tin, maicham bulah chuan thisen chu i leihbaw vek tur a ni.
13. Tin, a kawchu thau zawng zawng nen, a tin tuam tu rang nen, a kal pahnih leh a bawhtu thau te nen lain maicham ah chuan i hal tur a ni.
14. Bawngpa sa leh a vun leh a ek erawh chu daipawn lamah i hal tur a ni: chu chu sual tana hlan a ni.
15. Berampa pakhat i rawn la bawk tur a ni; tin, Arona leh a fapaten chu berampa luchauh chuan an kut lo nghat rawh se.
16. Tin, berampa chu lo talhin, a thisen chu lain, maicham chu chu a velin i theh tur a ni.
17. Tin, berampa chu i chan tur a ni a, tin, a kawchu leh a kete chu silin, a sahrangte nen, a lu nen i dah tur a ni.
18. Tin, berampa chu a pumin maichamah chuan i hal tur a ni: chu chu LALPA tana halral thilhlan a ni a: LALPA tana meihlan rimtui chu a ni e.
19. Tin, berampa pakhat i rawn kai leh tur a ni; Arona leh a fapaten chu berampa luchauh chuan an kut lo nghat rawh se.
20. Tichuan berampa chu lo talhin, a thisen chu lain, Arona beng dinglam tlangah te, a fapate beng dinglam tlangah te, an kut dinglam zungpuiah te, an ke dinglam zungpuiah te i tat tur a ni a, tin, maicham chu velah chuan thisen cu i theh tur a ni.
21. Tin, maicham chua thisen leh, hriak thih mi chu rawn lain, Arona leh a silhfenahte leh, a fapate leh a hnena tel ve a fapate silhfente chu tihthianghlim an lo ni tawh ang.
22. Berampa thau nen a mei thau tak nen, a kawchhung thau nen, a thin tuamtu rang nan, a kal pahnih leh a bawhtu thau te nen, a bawp dinglam nen i la bawk tur a ni; chu chu tihhranna berampa chu aw ni si a:
23. tin, fawnga chhang dawidim telh loh LALPA tana chhiaha mi chu chhangper pakhat nen, chhangper pan pakhat nen i telh tur a ni:
24. tin, chung chu Arona kut le a fapate kut ah chuan i dah vek tur a ni a, LALPA hmaa then thil hlan a tan i then tur a ni.
25. Tin, an kut ata chu laksakin, LALPA tana rimtui a tan maichamah halral thilhlan chauh chuan i hal tur a ni: chu chu LALPA tana meia thil hlan a ni.
26. Tin, Arona tihhranna berampa irawm chu lain, LALPA hmaa then thilhlan a tan i then tur a ni: chu chu i chanvo tur ni rawh se.
27. Tin, Arona leh a fapate puala tihranna berampa irawm, then thil hlan leh chawikan thi hlan a bawp then tawh leh chawikan tawh chu i tithianglim tur a ni:
28. chu chu Israela thlahte laka kumkhuaa Arona leh a fapate chanvo tura ruat a ni ang: chu chu chawkan thil hlan a ni si a: remna thil hlana an inthawinate zinga Israela thlahten an chaikan thilhlan tur chu a ni ang, LALPA tana an chawikan thil hlan ngei chu.
29. Tin, Arona silhfen thianghlim te chu a hnua a fapaten an la rochun zel ang, chungte chuan an in thuama hriak thih leh tihthianghlim an nih theih nan.
30. A fapa a aiawh a puithiam hna thawk tura ruata chuan hmunthianghlima rawngbawl tura inbiakna puan ina a luh hunah ni sarih chhung chu inthuamin a awm tur a ni.
31. Tin, tihhranna berampa chu rawn lain, a sa chu hmunthianghlimah i chhum tur a ni.
32. Tichuan Arona leh a fapate mchuan berampa sa leh fawnga chhangper te chu in biakna puanin kawngka bulah ei rawh se.
33. Tin, chung in remna thil, namahni tihhranna'n leh tihthianghlim nana hlante chu an ei tur a ni: amaherawhchu thil thianghlim a nih avangin midang zawngin man ei ve tur a ni lo.
34. Tin, chu mi tihhranna sa emaw atuk thlenga a bang a la awm chuan, a bang chu meiin i hal tur a ni: chu chu thil thianghlim a nih avangin i ei tur a ni lo e.
35. Tichuan thu ka pek zawng zawng che ang hian Arona leh a fapate chauh chuan i ti tur a ni: ni sarih an mahni i tihrang tur a ni.
36. Tin, nitin sualhlan in thawina sebawngpa in remna turin i hlan tur a ni: tichuan inremna i siam hunin maicham chu i tifai dawn nia; tin, a tihtianghlim turin hriak i hnawih tur a ni.
37. Ni sarih maicham atan inremna siamin, i tithianghlim tur a ni a: tichuan maicham chu thil thianghlim tak a lo ni ang; maicham dek a piang chu a lo thianghlim zel ang.
38. Chutichuan maicham chua i hlan tur chu hei hi a ni; nitin kumkhat tling beram no pahnih zel.
39. beram no pakhat chu zing lamah i hlan tur a ni a; tin, beram no pakhat chu tlai lamah i hlan tur a ni:
40. beram no pakhat hlannaah chuan chhangphut dip tak, epha hmun sawma thena hmun khat nena chawhpawlh i telh tur a ni a; in tur thil hlan atan uain hin hmun lia thena hmun khat nen .
41. Tin, beram no pakngat chu tlai lamah i hlan tur a ni a, chu chu zing lama ei tur thilhlan dan nang leh in tur thilhlan dan ang in rimtui, LALPA tana meia thilhlan atan i hlan tur a ni.
42. Chu chu i thlahte thlenga inbiakna puanin kawngka bula LALPA hmaa halral thilhlan fo tur a ni ang: chutah chuan a be tur che in ka lo kal thin ang.
43. Israela thlahte pawh chutah chuan ka rawn be thin ang; tichuan puanin chu ka ropui naa tihthianghlim a ni ang.
44. Tin, in biakna puan in leh maicham chu ka tithianghlim ang: Arona pawh a fapate nen ka tana puithiam hna thawka ka rawng an bawl theih na turin ka tithianghlim bawk ang.
45. Tichuan Israela thlahte zingah chuan ka cheng ang a, tin, an PATHIAN ka ni ang.Chutichan an mahni ho zinga ka chen theihna tura Aigupta rama ta hruai chhuaktu LALPA an PATHIAN chu ka ni tih an hria ang: kei LALPA an Pahtian ka nih hi.
46. Chutichan an mahni ho zinga ka chen theihna tura Aigupta rama ta hruai chhuaktu LALPA an PATHIAN chu ka ni tih an hria ang: kei LALPA an Pahtian ka nih hi.
←  Exodus (29/40)  →