←  Exodus (28/40)  →
1. Tin, nangin i u Arona leh a fapa te chu Israel a thlahte zing ata i hnenah hruai ang che, ani chuan puithiam rawngbawl hna chu ka tan a thawh theih nan, Arona te, Arona fapa Nadaba ten Abihua te, Eleazara te, Ithamara te nen chuan.
2. Tin, i u Arona tan silhfen thianghlim, tiropuitu a tan leh timawitu a tan i siam tur a ni.
3. Tin, mi themthiamho, finna thlarauva ka tihkhah zawng zawng te chu nangin bia la, Arona chuan puithiam rawngbawlhna chu ka tan a thawh theihna tura tihthianghlima a lo awm theihna'n a silhfente chu siamsak rawh se.
4. Tin, hengte hi a ni silhfen atana an siam turte chu; awmbel nen, puithiam kawr nen, kawrfual nen, kawrzeh mawi nen,puithiam lukhum leh kawnghren nen: tin, i u Arona leh a fapa te chuan puithiam rwngbawl hna chu ka tan an thawh theihna'n silhfen thianghlim an siamsak tur a ni.
5. Tin, rangkachak zai te, la dum pawl te, sen duk te, sen lar te, la zai sin tak kawp te nen an la tur a ni.
6. Tin, puithiam kawr chu rangkachak zai te, la dum pawl te, sen duk te, sen lar te, la zai s n tak kawpte hmangin, mi themthiam takin a buatsaih angin an siam tur a ni.
7. Tin, chu mi kawr hmawr hmalam leh hnung lama thui belhbawm, darbak pahnih neiht r tur a ni; a in zawm tlat theih na turin.
8. Tin, kawr chunga kawnghren tur themthiam taka tah, chumi kawr chi bawk tluan khat vek hman tur a ni; chu chu rangkachak zai nen, la dum pawl nen, sen duk nen, sen lar nen, la zai s n tak kawp nena tah tur a ni.
9. Tin, onukion lung pahnih i la tur a ni a, chutah chuan Israela thlah te hming i chuant r tur a ni:
10. lung pakhat ah chuan an hming paruk, tin, lungdang pakhat ah chuan a la awma te paruk hming chu an piandan ang zelin i chuan t r tur a ni.
11. Hming nemnaa chuang, lunga ziak thiam miin a ziak thin ang hian Israela thlahte hming ang zelin lung pahnih ah chuan i ziak tur a ni.
12. Tin, chu mi lung pahnih chu Israela thlah te hriatrengna lung atan puithiam kawr darbakah chuan i bel tur a ni: ti chuan Arona chuan hriatrengna turin LALPA hmaah an hmingte chu a koki khing hnihah chuan a bat ang.
13. Tin, rangkachak zaite i phiar tur a ni a:
14. rangkachak hlir hlak khaidiat pahnih nen; hruihrual anga herhin i siam tur a ni: tin, chu mi khaidiat herhte chu phiarah chuan i zawm tur ni.
15. Tin, rorelna awmbel, mithiam tak siam ang i siam tur a ni; puithiam kawr siam ang khan i siam tur a ni; rangkachak zai te, a dum pawl te, a sen duk te, a sen lar te, la zai sin tak kawpte hmangin i siam tur a ni.
16. Kil li neia siama thuah tur a ni; a dunglam khapkhat, a vanglam pawh khapkhat bawk tur a ni.
17. Tin, chutah chuan lunghlu, lunghlu tar li i zep tur a ni: tlar khat na chu sardion te, topazion te,smarangdos te;
18. tin, tlar hnih na chu anthraks te, sappheiros te, sordonuks te,
19. tin, tlar thumna chu huakintos te, akates te,amethustos te,
20. tin, tlar lina chu berullos te, onukion te, laspis te a ni tur a ni: rangkachak ah chuan phum thet tur a ni.
21. Tin, lung te chu Israela thlah te hming ang zelin, hnam sawm leh hnam hnihte tan chuan a ni tur a ni:
22. Tin, awmbel chauh chuan hruihrual ang khaidiat te, rangkachak hlirhlak herh i siam tur a ni a.
23. Tin, awmbel chhungah chuan rangkachak khang pahnih i siam tur a ni a, tin, chu mi khang pahnih chu awmbel tlang hmawr ve ve ah chuan i vuah tur a ni.
24. Tin, rangkachak khaidiat herh pahnih chu awmbel tlang hmawr ve vea khang pahnihah chuan i thlung tur a ni.
25. Tin, khaidiat herh hmawr lehlam pahnihte chu rangkachak zai phiar pahnih ah chuan i zawm tur a ni a, chu chu puithiam kawr hmalama darbakah chuan i thlung tur a ni.
26. Tin, rangkachak khang pahnih i siam tur a ni a, chung chu awmbel kil pahnih, puithiam kawrdep chhung lampangah chuan i vuah tur a ni.
27. Tin, rangkachak khang pahnih i siam tur a ni a, chung chu a hmalama puithiam kawr darbakna pahnih hnuai lampang, a inzawm na lai vel, puithiam kawr hrenna themthiam taka tah chhung lamah chuan i vuah tur a ni.
28. Tin, puithiam kawra khangah te chuan awmbela khangte chu hrui dum pawlin an chilh zawm tur a ni, themthiam taka tah puithiam kawr hrenna chu lama awm theih nan leh, awmbel chu puithiam kawr nen a inhran loh nan.
29. Tin, Arona chuan hmun thianghlima a kal hunah LALPA hmaah a hriatreng theih na turin a thinlung zawn taka rorelna awmbel ah chuan Israela thlahte hming chu a pu zel tur a ni .
30. Tin, rorelna awmbelah chuan Urim leh Thumim i dah tur a ni a; chu chu Arona chuan LALPA hmaa a kal hunah chuan a thinlung zawnah chuan a dah zela tur a ni: tin, Rona chuan Israela thlah te rorelna chu LALPA hmaa akal hunah a thinlung zawnah chuan a pu zel tur a ni.
31. Tin, puithiam kawr kawrfual a dum pawl hlir hlak i siam tur a ni.
32. Tin, lai takah lu thawnna'n tih-awng tur a ni a; chu mi awng chu a thlerchhiat theih mai loh na turin, kawrbanbul angin a tlangvel chu cheh tur a ni.
33. Tin, a femah te chuan pawmgranet lem - a dum pawl te, a sen duk te, a senlartein-a fem velin i siam tur a ni:
34. kawrfual fem velah te chuan rangkachak tengeng pakhat leh pawmgranet pakhat, rangkachak tengeng pakhat leh pawmgranet pakhat zel i siam tur a ni.
35. Tin, Arona chuan rawnga bawlna turin chutiang chuan ain thuam tur a ni: tichuan hmunthianghlima LALPA hmaa a lo luh leh a chhuah hunah a ri chu hriat theih a ni tur a ni, chutilo chuan thi mai ang.
36. Tin, rangkachak hlir hlak phek i siam tur a ni a, a pangah chuan hming nemna a chuang ang, 'LALPA PUAL' ti i chuantir tur a ni.
37. chu chu hrui dum pawlah chuan i bel tur a ni a, puithiam lukhumah chuan bel tur a ni; puithiam lukhum hma lamah a awm tur a ni.
38. Chu chu Arona chalah a awm tur a ni a, Israela thlahten an thilpek thianghlim atana an hlan tur thil serha sualna awmte chu Arona chuan a phur zel tur a ni; chu chu LALPA hmaa chhan tlaka a awm theihna'n a chalah a awm chawt tawt tur a ni.
39. Tin, kawr chu puan zai sin tak , zeh mawi i tah tur a ni, tin, puanzai sin takin puithiam lukhum i siam tur a i.
40. Tin , Arona fapa te chu kawr i siamsak tur a ni a, tin, kawnghren te, diarte i siamsak bawk tur a ni, tiropuitu leh timawitu a tan.
41. chungchuan i u Arona leh a fapate chu i thuam tur a ni; tin, ka tan puithiam hna thawk a rawng an bawl theihna turin, an mahni chu hriak thihin, tihrangin, i tithianghlim tur a ni.
42. Tin, an taksa saruak khuhna'n puan zai sin kekawr i siamsak tur a ni; kawng atanga malpui thleng ni se la:chu chu Aronas leh a fapate inbiakna puan ina an luh hun leh, hmun thianghlima rawngbawl tura maicham bula an kal hunin an ha zel tur a ni; chutilochuan suala ngaihin an thi dah ang e: chu chu amah leh a hnu athlahte thleng pawha kumkhuaa thuruat ngheh a ni ang.
43. chu chu Aronas leh a fapate inbiakna puan ina an luh hun leh, hmun thianghlima rawngbawl tura maicham bula an kal hunin an ha zel tur a ni; chutilochuan suala ngaihin an thi dah ang e: chu chu amah leh a hnu athlahte thleng pawha kumkhuaa thuruat ngheh a ni ang.
←  Exodus (28/40)  →