| ← Exodus (17/40) → |
| 1. | Tin, Isaela thlahte pung khawmho zawng zawng chu Sin thlaler ata an chhuak leh a, LALPA thupek angin riah bi nei thliah thliaha riakin, Rephidim-ah an inkhuar a: tin, chutah chuan mipuite in tur tui a awm ta lo a. |
| 2. | Chuvangin mipuite chuan Mosia chu an bei ta a, "Tui in tur min pe rawh," an ti a. Tin, Mosia'n an hnenah, "Engati nge mi bei mai? Eng vangin nge LALPA in fiah ni?" a ti a. |
| 3. | Chutah chuan m ipuite chu tuihalin an awm a ni a; tichuan mipuite chu Mosia chungah an phunnawi a, "Eng vangin nge kan fanaute leh kan rante nen hian tuihala min tihhlum turin Aigupta ram ata min hruai chhuah ni?" an ti a. |
| 4. | Tin, Mosia'n, "Heng mipuihote hi engtin nge ka tih ang? Lunga min denhlum hial pawh an duh awm hi," tiin LALPA a au a. |
| 5. | Tin, LALPA'n Mosia hnenah, "Mipuiho hma lamah kal langin, Israela thlahte upaho thenkhat hruai ve ang che; tin, i tiang, hmana lui i vuakna kha keng langin kal rawh. |
| 6. | Ngai teh, Horeb-a lungpui chungah sawn i hmaah ka lo ding ang a; tin, lungpui chu i han vua ang a, tichuan mipuite in tur tui chu a lo luang chhuak mai ang," a ti a. Tin, Mosia'n Israela thlahte upaho mithmuhah chuan chutiang chuan a han ti a. |
| 7. | Chu mi hmun hmingah chuan Massa leh Meriba a vuah a, Israela thlahten an bei avang leh, "Kan zingah hian LALPA chu a awm nge maw awm lo le?" tia LALPA chu an fiah avangin. |
| 8. | Tin, Rephidim hmunah chuan Amalek-hoin Israel-ho chu an rawn bei ta a. |
| 9. | Tichuan Mosia'n a hnena a sawi ang chuan Josua chuan a ti a, Amalek-ho chu a va bei ta a: tin, Mosia leh Arona leh Hura chu tlang chhipah an han lawn a. |
| 10. | Tin, heti hi a ni a, Mosia'n a kut a phar veleh Israel-hote chuan an hneh thin a. |
| 11. | Nimahsela Mosia bante chu a lo kham ta a; tichuan lung an han la a, a bulah chuan an dah a, chutah chuan a thu ta a; tin, Arona leh Hura chuan a kut chu an dawmsak ta a, pakhatin lehlam a dawm a, pakhatin a lehlam a dawm a, chutichuan ni tlak thlengin a kutte chu a awm ngaiin a awm ta tlat a. |
| 12. | Tin, Josua chuan Amaleka leh a hote chu khandaih hriamin a tudawl ta a. |
| 13. | Tin, LALPA'n Mosia hnenah, "He mi thu hi hriat reng atan lehkhabuah ziak la, Josua hriatah sawi chhuak thin ang che: van hnuaiah hian Amalekho hi an awm tih pawh hriat loh khawpin ka tichimit hlauh dawn e," a ti a."LALPA'n chhia a chham ta; LALPA'n chhuan awm chhung zawng zawng chuan Amalek-ho chu a do ang," a ti a. |
| 14. | "LALPA'n chhia a chham ta; LALPA'n chhuan awm chhung zawng zawng chuan Amalek-ho chu a do ang," a ti a. |
| ← Exodus (17/40) → |