←  Esther (9/10)  →
1. Chutichuan, thla sawm leh thla hnihna, Adar thla, ni sawm leh ni thum ni, Juda-ho hmelmaten an chunga rorel an beisei ni, lal thupek anga an tih ni tur chu a lo hnai ta a; nimahsela a leh alingin Judaten anmahni hawtute chunga ro an relna a lo ni ta zawk a;
2. lal Ahasuera ram then zawng zawnga Judahote chu an chhiatna zawngtu chunga kut thlak turin an khuaahte chuan an pungkhawm a; tuma'n an chelh ta lo a, anmahni chu mi zawng zawngin an hlau ta a.
3. Chu mi ram thena mi tha zawng zawng te, hotu te, ram awptu te, lal hnathawkutte chuan Judate chu an tanpui ta a, Mordekaia an hlauh avangin.
4. Mordekaia chu lal ina mi ropui tak a ni a, a hming chu an ram then zawng zawngah a thang ta bawk a; Mordekaia chu a ropui ta deuh deuh a ni.
5. Tin, Judate chuan an hmelmate chu khandaihin an sam a, an that a, an tiboral a, anmahni hawtute chungah an duh ang angin an ti a.
6. Lal in Susan-ah chuan Judaten mi zanga an that a, an tiboral a.
7. 7-10, Tin, Hamedatha fapa, Judate hmelma Hamana fapate sawm, Parsandatha te, Dalphona te, Aspatha te, Poratha te, Adalia te, Aridatha te, Pernasta te, Arisaia te, Aridaia te, Vaizatha te an tihlum a; rallak sum erawh chu an khawih lo.
8. 7-10 Tin, Hamedatha fapa, Judate hmelma Hamana fapate sawm, Parsandatha te, Dalphona te, Aspatha te, Poratha te, Adalia te, Aridatha te, Pernasta te, Arisaia te, Aridaia te, Vaizatha te an tihlum a; rallak sum erawh chu an khawih lo.
9. 7-10 Tin, Hamedatha fapa, Judate hmelma Hamana fapate sawm, Parsandatha te, Dalphona te, Aspatha te, Poratha te, Adalia te, Aridatha te, Pernasta te, Arisaia te, Aridaia te, Vaizatha te an tihlum a; rallak sum erawh chu an khawih lo.
10. 7-10, Tin, Hamedatha fapa, Judate hmelma Hamana fapate sawm, Parsandatha te, Dalphona te, Aspatha te, Poratha te, Adalia te, Aridatha te, Pernasta te, Arisaia te, Aridaia te, Vaizatha te an tihlum a; rallak sum erawh chu an khawih lo.
11. Chu mi ni chuan lal khawpui Susan-a an thah zat chu lal hmaah an rawn thlen a.
12. Tin, lal chuan lalnu Estheri hnenah, "Judate chuan lal khawpui Susan-ah hian mi zanga leh Hamana fapate sawm an that a, an tiboral ta, lal ram then dangah chuan engtin tak ang maw! Eng nge i dil dawn le? Pek i ni ang; eng nge i la duh leh dawn? tih ani ngei ang," a ti a.
13. Tin, Estheri chuan, "Lalin rem a tih chuan, Susan-a Judate hian vawiina thupek ang bawk hian naktukah pawh ti se la. Hamana fapa sawmte chu awhhlumnaah khai kan ni rawh se," a ti a.
14. Tin, lal chuan chutianga ti tur chuan thu a pe a; Susanah thupek chu an puang a. Hamana fapa sawmte chu an khai kang a.
15. Tin, Susan-a Judate chu Adar thla, ni sawm leh ni li ni pawhin an pung khawm a, Susan-ah mi zathum an that a; nimahsela rallak sum chu an khawih lo.
16. Tin, Juda dang lal ram then tina awmte pawh an pung khawm a, inchhanhim turin tan an khawh a, an hmelmate lakah ralmuangin an awm a, anmahni hawtute zinga mi singsarih leh sangnga an that a; nimahsela rallak sum chu an khawih lo.
17. Adar thla ni sawm leh ni thu niin chu chu an ti a, tin, ni sawm leh ni li ni chuan an chawl a, ruaitheh ni leh hlimna niah an siam a.
18. Susan-a Judate erawh chu chu mi ni, ni sawm leh ni thum leh ni sawm leh ni li ni chuan an pung khawm a; ni sawm leh ni nga ni chuan an chawl a, ruaitheh ni leh hlimna niah an siam a.
19. Chuvang chuan a ni, kulh nei lo khuatea Judate chuan Adar thla ni sawm leh ni li chu hlimna leh ruaithehna ni leh ni ropui leh ei tur inpek tawnna niah an siam ni.
20. Tin, Mordekaia chuan chung thil chu a ziak a, lal Ahasuera ram thente chhunga Judate zawng zawng, lamhnai leh lamhlaa mite lehkha a thawn a,
21. 21-22, Adar thla, ni sawm leh ni li ni leh ni sawm leh ni nga ni chu kum tin, awm nia hman turin thu a pe a; chu mi ni chuan Judate chu an hmelmate laka ralmuanga an awm tak avang leh chu mi thlaa lungngaihna chu an tan lawmna a chan tak a, tahna ni chu lawmawm taka a lo chan tak avangin; tin ruaitheh ni leh hlimna ni leh chanvo inthawn ni leh mi retheite thilpek ni atana siam turin thu a pe bawk a.
22. 21-22, Adar thla, ni sawm leh ni li ni leh ni sawm leh ni nga ni chu kum tin, awm nia hman turin thu a pe a; chu mi ni chuan Judate chu an hmelmate laka ralmuanga an awm tak avang leh chu mi thlaa lungngaihna chu an tan lawmna a chan tak a, tahna ni chu lawmawm taka a lo chan tak avangin; tin ruaitheh ni leh hlimna ni leh chanvo inthawn ni leh mi retheite thilpek ni atana siam turin thu a pe bawk a.
23. Tichuan an lo tih tan tawh sa ang leh Mordekaian an hnena a thawn angin Judate chuan tih an tum ta a;
24. Agag mi Hamedatha fapa Hamana, Judate hmelma chuan Judate chu tiboral turin a phiar a, Aienna a lo siam tawh diam si a, chu chu anmahni timang tur leh tiboral tura aienna a ni:
25. nimahsela lal hmaa chu thu chu a lo thlen chuan suahsualthlak taka Judate a phiarna chu ama lu chungah a let ang a, amah leh a fapate chu khaikan tur ani tih lehkhain thu a pe a ni.
26. Tin, chu aienna avang chuan chung nite chu Aien nite an ti a. Chutichuan chung lehkha thu zawng zawng avang te, chung thil lo thleng an hmuh avang te, an chunga thil lo thleng avangte chuan.
27. Judate chuan anmahni chhanah leh an thlahte leh anmahni rawn bel apiangte chhanah thlasik anga khel loin chung nite chu lehkha thawna chuang ang leh a hun ruat ang tak chuan kum tin, awm nia hmang turin an ti a;
28. tin, chung nite chuan chhuan zawng zawng a chhungkaw tinah, ram then tinah, khaw tinah, an hre rengin awm niah an hmang tur a ni; tin, chung Aien nite chu Judate zingah ngaihthah mai tur ani lo a, chu mi hriat rengna pawh an thlahteah tawp mai tur ani lo an ti a.
29. Chutichuan Abihaila fanu, lalnu Estheri leh Juda mi Mordekaia chuan Aien chungchanga lehkha thawn pahnihna chu tinghet turin thu nei takin an ziak a.
30. Tin, Ahasuera ram then za leh sawmhnih leh pasariha Juda-ho zawng zawng hnenah chuan tha takin lehkha an thawn a.
31. "Juda mi Mordekaia leh Lalnu Estheri thupek ang leh anmahni ngei pawhin anmahni leh an thlahte tana chaw nghei leh tah ni tura an lo ruat angin he'ng Aien nite hi an hun ruatah an serh tur a ni," tiin.Aien kut hman dan chu Estheri thupekin lehkhaah ziak a ni.
32. Aien kut hman dan chu Estheri thupekin lehkhaah ziak a ni.
←  Esther (9/10)  →