←  Esther (5/10)  →

---

1.

Tin, ni thum ni chuan heti hi a ni a, Estheri chuan a lal silhfen a inbel a, lal rorelna in zawn taka lal in hung chhungah chuan a va ding a, lal chu lal thutthlengah a in luhna hawiin a thu a.

2.

Tin, lalnu Estheri chu lal kawt hung chhunga a ding lalin a han hmuh chuan a chungah a lawm a; lal chuan a rangkachak lal tiang ken chu Estheri lamah chuan a han lek a. Chutichuan Estheri chuan a va hnaih a, lal tiang hmawr chu a han khawih a.

3.

Tin, lal chuan a hnenah, "Lalnu Esther, eng nge i duh le? Eng nge dil i duh? Ka ram zatve hial pawh ka pe ang che," a ti a.

4.

Tin, Estheri chuan, "Lalin tha a tihzawng a nih chuan, vawiin atana ruai ka buatsaih ei turin lal leh Hamana lo kal teh se," a ti a.

5.

Tin, lal chuan, "Estheri sawi ang chuan Hamana chu han ko thuai rawh u," a ti a. Chutichuan lal leh Hamana chuan Estheri ruai buatsaih chu ei turin an kal a.

6.

Tin, an uain ruaiah chuan lalin Estheri hnenah, "Eng nge i dil dawn? Pek i ni ang, eng nge ni i duh? Ka ram zatve hial pawh pek i ni ang, " a ti a.

7.

Tin, Estheri chuan, "Ka thil dil leh ka thil ngen chu,

8.

lal mittlung ka nih a, ka thil dil chu lalin pek rem a tihzawng a nih a, ka thil ngen chu tih rem a tih zawng a nih chuan, lal leh Hamana chuan ka ruai buatsaih chu ei turin lo kal se la, lal tih ang chuan naktukah hian ka ti mai ang," a ti a, a chhang a.

9.

Chutihchuan Hamana chu chu mi ni chuan hlim tak leh lawm takin a chhuak ta a; nimahsela Hamana chuan lal kawt hung kawngkaa Mordekaia chu a hmaa lo ding leh che chang lo a han hmuh chuan, Mordekaia chungah chuan a thinur ta em em mai a;

10.

amaherawhchu Hamana chu a insum hram hram a, a haw ta a; a thiante leh a nupui Zeresi chu a kohtir a.

11.

Tichuan, Hamana chuan a sum leh pai ropuizia te, fa a ngahzia te, lalin a kaisantirna thil zawng zawng te, lal puipate leh a mite dang aia a tihchungnunna te an hnenah a sawi a.

12.

Chuti chauh pawh ni loin, "lalnu Estheri chuan le, a ruaithehah chuan keimah chauh lo chu tumah lal hnenah a teltir lo a; naktukah hian lal nen min sawm a ni.

13.

Nimahsela Juda mi Mordekaia lal kawt hung kawngkaa thu ka hmuh chhung chuan he'ng zawng zawng hi ka tan engmah hnemhnanna a awm lo," a ti bawk a.Chutichuan a nupui Zeresi leh a thiante zawng zawng chuan a hnenah, "Tawng sawmngaa sangin awhhlumna siamtir la, tin, Mordekaia chu awhhlumtir turin zingah lal hrilh la; ruaithehnaah chuan lal hnenah hlim takin kal mai rawh," an ti a. Chu chuan Hamana chu a tilawm a, awhhlumna chu a siamtir a.

14.

Chutichuan a nupui Zeresi leh a thiante zawng zawng chuan a hnenah, "Tawng sawmngaa sangin awhhlumna siamtir la, tin, Mordekaia chu awhhlumtir turin zingah lal hrilh la; ruaithehnaah chuan lal hnenah hlim takin kal mai rawh," an ti a. Chu chuan Hamana chu a tilawm a, awhhlumna chu a siamtir a.

---

←  Esther (5/10)  →