←  Esther (4/10)  →
1. Mordekaian chung an thiltih zawng zawng chu a hriatin, Mordekaia chuan a puan a pawt thler a, saiip puan leh vaivut a inbel a, khawlaiah a kal a, ring tak leh lungchhe takin a tap a,
2. lal kawt hung kawngka bul thlengin a kal a; tumah saiip puan sina lal kawt hung chhung luh chu phal a ni si lo a.
3. Lal thupek chu a thlenna ram tawh phawt maiah chuan Judate chu an tap ngawih ngawih a, chaw an nghei a, an chiau vawng vawng a, mi tam tak chu saiipah leh vaivut zingahte an mu a.
4. Tin, Estheri chu, a nulate leh apindan vengtute chuan an va hrilh a, tichuan lalnu chu a lungngai ta em em mai a, Mordekaia chu a saiip puan hlip a, a sin turin a puan a thawn a; nimahsela a lo duh lo a.
5. Chutichuan Estheri chuan lal pindan vengtu pakhat, amah vengtu atana ruat Hathaka chu a ko a, chung chu eng nge ni a, eng tizia nge ni tih hriatna'n Mordekaia hnenah a kaltir a.
6. Chutichuan, Hathaka chu lal kawt hung kawngka zawna mual zau laiah, Mordekaia hnenah chuan a va kal a.
7. Tin, Mordekaia chuan a chunga thil lo thleng zawng zawng leh Judate tihhlumna tura lal sum zinga dah tura Hamanan tangka pek a tiam zat chiahte a lo hrilh a.
8. Tin, Estheri entir tur leh a awmzia hrilhfiah turte leh lal hnena dilsak turin an tir a, anmahni tihboralna tura Susan-a an puan thupek ziak chhawn a pe bawk a.
9. Tin, Hathaka chuan Mordekaia thuchahte chu Estheri a va hrilh a.
10. ,11 Tichuan Hathaka chu Estheri chuan a lo bia a, "Lal chhiahhlawhte lal ram then tina mite chuan, tu pawh hmeichhia pawh mipa pawh tihhluma a awm lohna'na lalin rangkachak tiang a lama a lehnate chauh lo chu lal hnena a in chhung rila lut chu tihhlum zel tur ani tih dan awm chu an hre theuh a; hei, ni sawmthum chhung chu lal hnena lut turin koh ka la ni lo a," tiin Mordekaia hnena sawi turin thu a chah a.
11. ,10 Tichuan Hathaka chu Estheri chuan a lo bia a, "Lal chhiahhlawhte lal ram then tina mite chuan, tu pawh hmeichhia pawh mipa pawh tihhluma a awm lohna'na lalin rangkachak tiang a lama a lehnate chauh lo chu lal hnena a in chhung rila lut chu tihhlum zel tur ani tih dan awm chu an hre theuh a; hei, ni sawmthum chhung chu lal hnena lut turin koh ka la ni lo a," tiin Mordekaia hnena sawi turin thu a chah a.
12. Tin, Estheri thuchah chu Mordekaia an hrilh a.
13. Tin, Mordekaia chuan Estheri a va chhantir leh a, "Juda mi zawng awngten an pumpelh loh tur chu lal inna chuan i pumpelh dawn bik emaw tih inring suh.
14. Tun hun anga i ngawih mai mai chuan hmun danga Judate tan himna leh chhuahna a lo awm pawhin nang leh i pa chhungte chu kan boral ang; lal nihna i lo chan hi hetih hun atan ngei hian a ni dawn lo'm ni?" va ti turin a tir a.
15. Chutichuan Estheri chuan Mordekaia va chhang leh tur chuan a tir a,
16. "Susan-a awm Juda mi zawng zawng ko khawm vek la, keimah avangin chaw nghei u la, ni thum leh zan thum engmah ei lo leh in loin awm rawh u; kei leh ka nulahote pawhin kan nghei ve ang a; tin, dan lo angin lal hnenah ka lut ang a; tin, ka boral leh ka boral a ni mai ang," tiin.Chutichuan Mordekaia chu a kal a, Estherin thu a pek zawng zawng ang chuan a ti a.
17. Chutichuan Mordekaia chu a kal a, Estherin thu a pek zawng zawng ang chuan a ti a.
←  Esther (4/10)  →