←  Esther (3/10)  →
1. Chung thil hnuah chuan lal Ahasuera chuan Agag mi Hamedatha fapa Hamana chu akaisantir a, a chawisang a, a mi liante zawng zawng aiin a thut chungnungtir a.
2. Tin, lal kawt hung kawngkaa awm, a mite zawng zawng chuan Hamana chu an zah a, chibai an lo buk thin a; chutianga tih turin lalin thu a pe a ni. Nimahsela Mordekaia chuan ahmaa kunin chibai a buk duh lo a.
3. Tin, lal mite, lal kawt hung kawngkaa awm zawng zawngte chuan Mordekaia hnenah,"Engati nge lal thupek i bawhchhiat?" an ti a.
4. Tin, heti hi a ni a, ni tin, a hnena an sawia a pawm chuan loh hnu chuan Mordekaia thu chu a ngaimawh nge ngaimawh lo tih hriatna'n Hamana chu an hrilh a, Juda mi a ni tih a lo hrilh tawh hlawh si a.
5. Tin, Hamanan Mordekaia a hmaa kuna chibai a buk loh a han hriat chuan Hamana chu thinrimin a khat ta teuh mai a.
6. Nimahsela Mordekaia chung chauha kut han thlak chu engmah thamah a ngai lo a, Mordekaia chi chu an hrilh tawh bawk si a; chuvangin Ahasuera ram chhung zawng zawnga Juda-ho Mordekaia chipuite chu tihhlum vek a tum ta a.
7. Lal Ahasuera kum sawm leh kum hnih a lal kum, thla khatna, Nisan thlaah Hamana hmaah ni tin, thla tin, thla sawm leh pahnihna Adar thla thlengin Aienna thum an vawr reng a.
8. Tin, Hamanan lal Ahasuera hnenah, "I ram then chhung tinah hnam eng emaw, hnam dang nen inang lo, intihrang an awm darh nuai a; an dante chu hnam dangte dan nen a inang lo riau mai a; lal dan pawh an zawm hek lo; chuvangin chutiang awmtir phal chu lal tan a manhla lo hle mai a.
9. Lalin rem a tih chuan tihlum vek tur ani tih ziak tlat ni se la; lal sum ina dah turin lal sum enkawltute kutah tangkaraw talent sangsawm ka pe ang e," a ti a.
10. Tin, lal chuan a zungbun a phawi a, Judate hmelma Agag mi, Hamedatha fapa Hamana chu a pe a.
11. Lal chuan Hamana hnenah, "Tangka leh chung mite pawh chu tha i tih ang anga tih tura pek i ni," a ti a.
12. Chutichuan thla khatna ni sawm leh ni thum niin lal lehkhaziaktute chu an ko a, Hamana thupek ang chuan lal upa te, ram then tin, awptute, hnam tin, puipate an thawn a, ram then tinah anmahni lehkhain, hnam tin, anmahni tawng theuhin; lal Ahasuera hminga thawn a ni a, lal zungbuna nem a ni.
13. Tin, lal ram then tinah, Juda mi zawng zawngte chu, thalai leh tar te, naupang te te te, hmeichhia te, ni khatah, thla sawm leh thla hnihna, Adar thla ni sawm leh ni thum ni takin tihboral vek a, thah vek a, tihchimit vek a, an sum chu rallaka laksak turin lehkha an thawn darh a.
14. Chu mi ni atana lo inpeih diam turin chu mi thupek chu ram then tina peka hnam tin hnena puan turin chu mi lehkha chu an thawh a.Lal thupekin an kal hmanhmawhtir a, thupek chu lal khawpui Susan-ah an puang a: lal leh Hamana chuan zu an in der der mai a; nimahsela Susan khua chu a mangang hle a.
15. Lal thupekin an kal hmanhmawhtir a, thupek chu lal khawpui Susan-ah an puang a: lal leh Hamana chuan zu an in der der mai a; nimahsela Susan khua chu a mangang hle a.
←  Esther (3/10)  →