←  Ecclesiastes (8/12)  →
1. Mi fing ang hi tu nge awm? Thil hrilhfiahna pawh tu nge hria? Finna chuan a hmel a tieng a, a hmel pum chhuak pawh a dang ta.
2. Pathian hmaa i thutiam avang chuan lal thupek pawisa turin ka ti a che.
3. A hma ata chhuah hmanhmawh suh la, thil tha lo tilui suh: A duh duha ti thin a ni si a.
4. Lal thu chu thu tawp anih avangi tu nge a hnenah, "Eng nge i tih ni?" ti thei ang?
5. Thupek pawm apiang chuan engmah a tuar lo ang a, mi fing rilru chuan ningkhawng a hria a ni.
6. Thil tinreng hian ningkhawng a nei si thin a, mihring buaina chu a tan nasa hle mah se.
7. Thil lo awm tur chu a hre si lo a, a lo awm dan tur chu tu nge hrilh thei ang le?
8. Mi thlarau chelh theihna leh thih ni chunga thuneihna nei tumah an awm lo; indo chhungin chawlh a awm lo a, suahsualnain a neitute a chhan chhuak hek lo ang.
9. Ni hnuaia thiltih zawng zawng kim takin ka ngaihtuah a, hei zawng hi ka chhinchhiah a ni; mi, mi dang chungah pawi khawpin a intilal thin a.
10. Tin, mi suaksualte an phum ka hmu thin a, an liam ta a, thil tidikte pawh hmun thianghlim ata chu an kal bo a, khawpuiah chuan hriat an ni ta lo a. Hei pawh hi engmah lo mai a lo ni.
11. Thiltih sual chungah hremna hlen nghal mai a nih thin loh avangin, mihring fate thinlung chu thil sual ti turin a lo ngampa tawh thin a ni.
12. Mi sual chuan vawi za pawh thil sual tiin dam rei bawk mah se la, Pathian tihtute'n, amah ngei an tih vangin a tha tho ang tih ka hria:
13. Mahse, mi suaksual tan kha chuan a tha lo ang a, a ni tihseite pawh kha hlimthla ang lek a ni si a, Pathian tihna a neih loh vangin.
14. Lei chungah hian engmah lo a lo awm a lo awm a, mi felte chuan mi suaksualte tawn awm tak an tawng a; mi suaksualte lahin mi felte tawn awm tak an tawng lawi si a. Hei pawh hi engmah lo mai a lo ni ka ti a ni.
15. Tichuan, ni hnuaiah hian ei leh in leh nuam taka awm aliama til tha engmah mihringin a neih loh avangin nawmna hi tha ka ti mai e: chu chu ni hnuaia a dam chhung ni Pathianin a pek zawng zawnga a thawhrimnaahte chuan a tel zel dawn si a.
16. Finna hre tur leh lei chunga thiltih tak zawng zawng hre tura chhun leh zan mu lo chhing loa ka rilru ka han hman chuan.Pathian thiltih zawng zawng, ni hnuaia tih takte chu miin a hmu chhuak thei lo tih ka hmu ta a. Miin zawng eng ang mah se la, a hmu chhuak lo ang; mi fingin hriat inring teh mah se, a hmu chhuak thei bawk hek lo ang.
17. Pathian thiltih zawng zawng, ni hnuaia tih takte chu miin a hmu chhuak thei lo tih ka hmu ta a. Miin zawng eng ang mah se la, a hmu chhuak lo ang; mi fingin hriat inring teh mah se, a hmu chhuak thei bawk hek lo ang.
←  Ecclesiastes (8/12)  →