Ecclesiastes (2/12)  

1. Ka rilruin, Khawi nge! Nuamsipbawl ka'n ching teh ang, a nuam teh reng emaw ka ti a, mahse hei pawh hi eng a lo ni lo.
2. Nuih hi a atthlakzia ka chhar chhuak a, hlimhlawp lah eng ruai a ni lo.
3. Van hnuai mihring fate dam chhung tawite hman ral dan the ber a ni law maw tin, finna zawngin uain-a intihhlima nuam tawl ka tum ta a.
4. Hna nasa tak ka thawk a; inte ka insak a, grep huante ka insiam a.
5. Huante leh ngaw nuamte ka insiam a, tah chuan theikung zawng zawngte ka phun a.
6. Ngawa thing thang laite chawmna'n dilte ka siam a.
7. Chhiahhlawhpate leh chhiahhlawhnute ka lei a, ka ina piang chhiahhlawhte ka nei bawk a; bawng rualte leh beram rualte pawh ka nei teuh a, ka hmaa Jerusalema lo awmte zawng zawng aia nasain.
8. Tangkarua leh rangkachakte leh lalte ro leh ram bial ro tha bikte ka la khawm a; hmeichhe zai mi leh mipa zai mite ka siam a, mipa fate lawmzawng hmei tam tak nen.
9. Chutichuan, ka lo ropui a, ka hmaa Jerusalema awmte zawng anwg chu ka khum a: ka finna pawh a ngai reng a ni.
10. Tin, ka mit itzawng apiang chu ka hlah lo a, ka thinlung pawh eng lawmnaah mah ka sum lo; ka thawhrimna zawng anwg avangin ka thinlung a lawm si a; chu chu ka thawhrimna zawng zawnga ka lawmman a ni.
11. Tichuan, ka kut chhuak zawng zawngte leh ka thawhrimnaa ka thiltih zawng zawngte ka han en hian, ngai teh, thil zawng zawng hi engmah lo leh thil lothlawn mai a lo ni a, ni hnuaiah hian hlawkna reng reng alo awm lo e!
12. Tichuan, fin emaw, at emaw, tlawktlaw emaw eng nge lem chuang tih ka ngaihtuah a; lal pawhin a hmaa lalte tih tawh bak eng nge a tih theih chuan?
13. Thim aiin eng a tha angin at ai chuan fin a tha;
14. Mi fing chuan a kalna a hria a, mi a chuan a hre lo a, mahse khawrel thuhmun an zaa chungah a thleng tho tih ka hmu.
15. Ti ka rilruah chuan, Mi a chungah thleng ang bawk chu ka chungah pawh a thleng dawn a, eng atan nge ka fin bik le? ka inti a. Tichuan ka rilruah chuan, hei pawh hi engmah lo mai a lo ni, ka ti a.
16. Mi fing pawh, mi a pawh, kumkhuaa hriatrengna chu a awm si lo; ni lo la thleng turahte chuan an vaia theihnghilh daih an ni dawn si a. Mi a ang bawka mi fing pawh a thih turzia mai chu!
17. Tichuan, nun hi ka hua a ni; ni hnuaia thiltih reng reng hi mi tilungngaitu vek a nih vangin: thil zawng zawng hi engmah lo leh thil lothlawn mai a lo ni si a.
18. Tichuan, ni hnuaia ka thawhrimna zawng zawnga ka thiltihte chu ka haw ta: ka hnua lo awm tur atan chuan ka hnutchhiah tur a ni mai si a; mi fing a nih leh mi a a nih pawh tu nge hria ang?
19. Mahse, ka thawhrimna zawng zawnga ka thiltihte chungah leh ni hnuaia finna hmanga ka thawhrim rah zawng zawng neitu a ni mai dawn si a. Hei pawh hi engmah lo mai a lo ni.
20. Chutichuan, ka han hawi vel a, ni hnuaia ka thawhrimna zawng zawnga ka thawh takte chungchang chuan ka thinlung bei ka tidawng ta.
21. Mi, finna leh hriatna leh thiamnate nena thawkrimtu chuan, thawk ve hauh lo mi hnenah chuan rochun atan a hnutchhiah mai tur a ni. Hei pawh hi engmah lo leh thil tha lo tak a ni.
22. Miin a thawh hahna zawng zawngah leh rilru rim taka ni hnuaia a thawhnaah chuan eng nge a hmuh?
23. A dam lai ni zawng zawngte chu tuarna hlir a ni a, a hnathawhte lah vuivaina mai a ni si a; zanah pawh a rilru a hahdam chuang hek lo. Hei pawh hi thil engmah lo mai a lo ni.
24. Mihring tan chuan ei leh inte leh a thawrimnaa a rilru tihnawm aliama tha a lo awm lo. Hei pawh hi Pathian kuta mi a ni tih ka lo hre ta.
25. Amah loin tu nge ei leh bar leh intinuam thei awm ang?Amah tilungnitu hnenah chuan finna te, hriatna te, lawmnate a pe si a: mi sualte erawh chu, Pathian tilungnitu hnena pek chhawn tur, lak khawm leh chhak khawm hna a pe zawk a ni. Hei pawh hi engmah lo leh thil lothlawn mai a lo ni.
26. Amah tilungnitu hnenah chuan finna te, hriatna te, lawmnate a pe si a: mi sualte erawh chu, Pathian tilungnitu hnena pek chhawn tur, lak khawm leh chhak khawm hna a pe zawk a ni. Hei pawh hi engmah lo leh thil lothlawn mai a lo ni.

  Ecclesiastes (2/12)