←  Deuteronomy (7/34)  →
1. LALPA in Pathianin in va luah tur rama a hruai luh che u a, in hmaa hnam tam tak, Hit-ho te, Girgas-ho te, Amor-ho e, kanan-ho te, Periz-ho te, Hiv-ho te, Jebus-ho te, in aia ropi leh thil tithei zawk hnam sarih te a hnawhchhuah hun leh
2. LALPA in Pathianin a pek hun che u a, in thah hunah chuan, in tiboral vek tur a ni; anmahni nen thu intlung tur a ni lo a, in khawngaih tur ani hek lo;
3. nupui pasalah in nei tur ani hek lo, in fanute chu an fapate in neihtir tur a ni lo a, an fanute chu in fapate in neihtir tur a ni hek lo.
4. In fapate, mi zui lai hi pathian dangte biakna lamah an hruai kawi mai ang a; tin, LALPA thin pawh chu in chungah a thawk ang a, a tiboral thuai mai ang che u.
5. An chungah hetiang hian in ti zawk tur a ni; an maichamte in tichim ang a, an lungphunte in tike sawm ang a, an Aserte in kir ang a, an milem siam chawpte inhal vek tur a ni.
6. LALPA in Pathian tan hnam thianghlim in ni si a; leilunga hnam ahluana a pual bik ni tura LALPA in Pathianin a thlan che u in ni a.
7. Hnam dang aia in tam avangin LALPA'n in chungah a hmangaihna a fuktir a, a thlang che u a ni loa; hnam zawng zawnga hnam tlem ber in ni a sin;
8. LALPA'n a hmangaih che u avang leh in pi leh pute hnena chhia a lo chham chu hlen a duh avang zawkin a sin LALPA'n Aigupta lal Pharaoa kut ata kut chak takin bawih ata a tlan chhuah che u ni.
9. Chuvangin LALPA in Pathian chu Pathian ani tih hre rawh u; Pathian rinawm, amah hmangaiha a thu zawmtu chunga chhuan sang thlenga thuthlung leh khawngaihna nghat renga,
10. amah hawtute tiboral tura anmahni chung la laa thungrul thin a ni; amah hawtute chu a rial rei lo ang a, anmahni chung la laah a thungrul ang.
11. chuvangin thupek te, dan te, rorel te zawm tura vawiina thu ka pek che u hi in zawm tur a ni.
12. Tin, heti hi ani ang a, he'ng rorelte hi in ngaihthlak a, in zawm a, in tih avangin LALPA in Pathianin in pi le pute hnena chhia a lo chham thuthlung leh khawngaihna chu in chungah a nghat ang a;
13. a hmangaih ang che u a, mal a sawm ang che u a, a tipung ang che u; pek tura in pi leh pute hnena chhia a chham ramah chuan in rila rah leh in lei rah pawh mal a sawm ang, in buh te, in uain te, in hriak e, in bawng no leh in beram note pawh.
14. Hnam dang zawng zawnga malsawmna dawng nasa ber in ni ang a; in zingah ahmei apa ching reng reng an awm lo ang, in ran zingah pawh.
15. Tin, LALPA'n hri zawng zawng a tihkiansak vek ang che u a, in hriat tawh hnu Aigupta ram hrite chu in chungah a lentir lo ang a, a hawtute che u zawng zawng chungah a lentir zawk ang.
16. LALPA in Pathianin a pek tur che u hnam zawng zawngte in tiboral vek tur a ni; in khawngaih tur ani lo a, an pathian rawng pawh in bawl tur a ni lo; in tan thang a ni dawn si a.
17. In rilrua, 'Heng hnamte hi kan aiin an tam si a, engtin nge kan luhchhuah theih ang?' ti in nih chuan,
18. anni chu hlau suh u la; LALPA in Pathianin Pharaoa leh Aigupta mi zawng zawng chunga a tiltihte kha hre rawh u,
19. fiahna nasa tak in mit ngeia inhmuh te, chhinchhiahna te, thil mak te, kut chak tak e, ban phar tea LALPA in Pathianin a hruai chhuahna che u kha; khatiang khan LALPA in Pathianin in mi hlauhte chungah chuan a ti zel ang.
20. LALPA in Pathian chuan an zingah khawinghal a tir leh nghal ang, a la dam, in laka birute chu an boral vek thlengin.
21. Anni chu in hlau tur ani lo; LALPA in Pathian chu in zinga a awm si a, Pathian ropui tak, tihbaiawm tak mai chu.
22. LALPA in Pathian chuan chung hnamte chu zawi zawiin a hnawhchauhsak hret hret ang che u a; in tiboral nghal mai tur a ni lo a, chutilochuan ram sate in pawi khawih khawpin a lo pung mai ang.
23. An boral hma loh chu LALPA in Pathianin a pe ang che u a, buai namen lohin a tibuai ang.
24. An lalte chu in kutah a pe ang a, an hming chu van hnuai ata hi in thai bo daih tur a ni; in tih boral der tlengin a chelh tur che u tumah reng reng an awm lo ang.
25. An pathian lem siam chawpte chu in hal tur a ni; chu mia tangkarua emaw, rangkachak emaw chu in it tur a ni lo a, in tan in la tur ani hek lo, chutilochuan in awk dah ang e; LALPA in Pathian ngaihin thil tenawm a ni si a:in in chunga thil tenawm la lutin chu thil ang chuan anchhe dawna i insiam tur a ni lo; ten namen loa tenin in haw hle tur a ni, anchhe dawng thil a ni si a.
26. in in chunga thil tenawm la lutin chu thil ang chuan anchhe dawna i insiam tur a ni lo; ten namen loa tenin in haw hle tur a ni, anchhe dawng thil a ni si a.
←  Deuteronomy (7/34)  →