←  Deuteronomy (6/34)  →

---

1.

,2 Tin, luah tura in va kaina rama in zawm tur leh nangni leh in fapate leh in tupaten LALPA in Pathian chu in tih a, in damchhung zawnga a dan zawng zawng leh a thupek ka pek che u hi in zawmna tur leh in lo chen rei theihna tura LALPA in Pathianin nangmahni zirtir tura thu min pek, thu pek te, dan te, rorel te chu hengte hi ani.

2.

,1 Tin, luah tura in va kaina rama in zawm tur leh nangni leh in fapate leh in tupaten LALPA in Pathian chu in tih a, in damchhung zawnga a dan zawng zawng leh a thupek ka pek che u hi in zawmna tur leh in lo chen rei theihna tura LALPA in Pathianin nangmahni zirtir tura thu min pek, thu pek te, dan te, rorel te chu hengte hi ani.

3.

Chuvangin aw, Israel mite u, in hmuingil a, LALPA in pi leh pute Pathianin a tawngtiam che u angin hnutetui leh khawizu luanna rama nasa taka in lo pun theih nan ngaithla u la, zawm turin fimkhur rawh u.

4.

Aw Israel mite u, ngaithla teh u, LALPA kan Pathian chauh chu LALPA a ni a;

5.

LALPA in Pathian chu in thinlung zawng zawngin, in rilru zawng zawngin, in chakna zawng zawngin in hmangaih tur a ni.

6.

Tin, he'ng thu, vawiina ka pek che u hi in thinlungah a cham reng ang a;

7.

in fate thahnemngai takin in zirtir ang a, in ina in thut lai te, kawnga in kal lai te, in mut lai te, in thawh hun tein in sawi thin tur a ni.

8.

Tin, chhinchhiahna atan in banah in zem ang a, in mit leh mit inkara chalhrenna atan a awm bawk tur a ni.

9.

Tin, in in kawngka bianga te, in kawngkharah te in ziak tur a ni.

10.

,11 Tin, heti hi a ni ang a, LALPA in Pathianin in pu, Abrahama te, Isaaka te, Jakoba te hnena chhechhama a pek che u ram, in din ni hauh lo, khaw ropui leh mawi tak tak te, in tihkhah ni hauh lo, thil tha tinrenga khat in te, in chhun ni hauh lo, tuikhur chhun sa te, in chin ni hauh lo, grep huan leh oliv thing te awmnaa a hruai luh che u a, in ei a, in tlai hle hun chuan,

11.

,10 Tin, heti hi a ni ang a, LALPA in Pathianin in pu, Abrahama te, Isaaka te, Jakoba te hnena chhechhama a pek che u ram, in din ni hauh lo, khaw ropui leh mawi tak tak te, in tihkhah ni hauh lo, thil tha tinrenga khat in te, in chhun ni hauh lo, tuikhur chhun sa te, in chin ni hauh lo, grep huan leh oliv thing te awmnaa a hruai luh che u a, in ei a, in tlai hle hun chuan,

12.

fimkhur hle ang che u, chutilochuan Aigupta ram ata, bawih ata hruai chhuaktu che u LALPA chu in theihnghilh mai dah ang e.

13.

LALPA in Pathian chu in tih ang a, ama rawng chu in bawl ang a, a hming chhalin chhia in chham tur a ni.

14.

Pathian dang, in vela mite pathiante chu in be tur a ni lo,

15.

in zinga awm LALPA in Pathian chu Pathian thikthuchhia a ni; LALPA in Pathian thin chu in chungah a thawk ang a, leilung ata hi a tiboral mai dah ang che u.

16.

Masa-a in fiah ang khan LALPA in Pathian chu in fiah tur a ni lo.

17.

LALPA in Pathianin a pek che u, thupek te, a thuhriattir te, a dan te hi fimkhur takin in zawm tur a ni.

18.

,19 In hmuingilna tur leh LALPA'n a sawi tawh anga in hmelma zawng zawngte hnawt chhuak tura LALPA'n in pi leh pute hnena chhia a lo chham tawh ram tha tak chu in va luah theihna'n, LALPA mithmuha dik leh tha chu in ti tur a ni.

19.

,18 In hmuingilna tur leh LALPA'n a sawi tawh anga in hmelma zawng zawngte hnawt chhuak tura LALPA'n in pi leh pute hnena chhia a lo chham tawh ram tha tak chu in va luah theihna'n, LALPA mithmuha dik leh tha chu in ti tur a ni.

20.

Tin, in faten, 'LALPA kan Pathianin thu apek che u thuhriattir te, dan te, rorel te hi engtizia nge ni le?' tia nakin lama an la rawn zawh hun che u chuan,

21.

nangnin in fate hnenah, 'Aigupta ramah Pharoa bawih kan ni a, LALPA'n Aigupta ram ata chu kut chak takin min hruai chhuak a;

22.

tin, LALPA'n kan mithmuhah Aigupta ram chungah te, Pharaoa chungah te, a chhungte zawng zawng chungah te, chhinchiahna leh thil mak nasa tak leh mangantlak takte a entir a;

23.

keini erawh chu min pek tura kan pi leh pute hnena chhia a lo chham ram chu min pek theihna'n chuta ta chu min hruai chhuak a.

24.

Tichuan he'ng dan zawng zawngte hi zawm tur leh kan that renga tura LALPA kan Pathian chu tih turin LALPA chuan thu min pe a, vawiin nite anga mi nungdama min zuah reng theihna'n.A thu min pek anga LALPA hmaa a thupek zawng zawng zawm tura kan fimkhur chuan kan tan damna a ni dawn a ni,' in ti tur a ni.

25.

A thu min pek anga LALPA hmaa a thupek zawng zawng zawm tura kan fimkhur chuan kan tan damna a ni dawn a ni,' in ti tur a ni.

---

←  Deuteronomy (6/34)  →