←  Daniel (6/12)  →
1. Daria chuan ram awp tura thuneitu za leh sawmhnih, ram pumpuia dah darh chu tha a ti a;
2. tin, an chungah chuan hotu pathum a ruat leh a, an zinga pakhat chu Daniela a ni a; he thuneitute hian an hnena chanchin an thlen chhawn zela, Darian chhiatna reng a neih lohna'n.
3. Tin, he Daniela hi rilru tha fawr bik pu a nih avangin hotu dangte leh thuneitute aiin a lang bik hle a; lal pawhin ram pumpui chunga dah a rilruk a.
4. Tichuan hotu te leh thuneitute chuan ram chung thuah chuan Daniela chungah remchang an zawng ta a; mahse remchang reng an hmu thei lo a, dik lohna an hmu thei hek lo; a rinawm em em si avangin, amahah chuan tihsual emaw, dik lohna emaw hmuh tur a awm si lo a.
5. Tichuan, he'ng mite hian, A pathian dan thuah a chunga remchang kan hmuh nghal loh chuan he Daniela chungah hian remchang kan hmu dawn lo e,'' an ti a.
6. Tichuan, hotute leh thuneitute chu lal hnenah chuan an inhawr khawm a, hetiang hian an sawi a: Lal Daria, kumkhuain dam ang che.
7. Ram hotute, aiawhtute leh thuneitute, remruattu leh awptute zawng zawng chu ni sawmthum chhunga, aw lalber, nangma hnenah chauh lo chuan, pathian emaw mihring emaw hnena dilna nei apiang chu sakeibaknei puka paih tur, tiin lal hian dan siamin khap tlat se la, tih an remti tlanga.
8. Tunah hian, aw lalber, khapna chu tinghet la, Media leh Persia dan danglam ngailo ang zelin thu ziak hi danglam leh tawh hlek lo turin hming ziak hnan ang che,'' tiin
9. Chutichuan, lal Daria chuan thu ziak leh khapnaah chuan hming a ziak ta a.
10. Tin, Daniela chuan thu ziak chu hming ziak hnan a ni tih a hriat veleh a inah a lut a (a pindana tukverhte chu Jerusalem lam hawi a hawn a ni a), a hmaa a tih dan ang bawkin nikhatah vawithum a thingthi a, a tawngtai a, a pathian hnenah lawmthu a hrilh a.
11. Tichuan, he'ng mite hi an inkhawm a, Danielan a pathian hnenah dilna leh ngenna a hlan thin tih a hmu chhuak ta a.
12. Tin, lal chu an rawn hnaih a, a hmaah chuan lal khapna thu kha an sawi a. Ni sawmthum chhunga, aw lalber, nangma hnenah chauh lo chuan pathian emaw, mihring emaw hnena dilna nei apiang chu sakeibaknei pukah paih an ni ang, tia khapna ah khan hming i ziak lawm ni kha?'' an ti a. Lal chuan Chu thil chu a nghet e, Media leh Persia dan danglam ngai lo ang zelin,''tiin a chhang a, Daniela, Juda saltang fate zinga mi khan, aw lalber, a pawisa lo chia, khapna hming i ziak hnan pawh kha a pawisa hek lo: ni khatah vawithum dilna a nei zawk a ni,''an ti a
13. Tin, lal chuan hengthu hi a hriatchuan pawi a ti em em a, Daniela chu chhanchhuah a rilruk tlat a, chhan chhuak turin nitlak thlengin a bei a.
14. Tin, he'ng mite hi lal hnenah chuan, an rawn in hawrkhawm leh a, lal hnenah chuan, Aw lalber, Media leh Persia dan in khapna emaw, dan emaw lalberin a tihngheh tawh chu a danglam ngailo tih hria ang che,'' an ti a.
15. Tichuan lal chuan thu a pe ta a. Daniela chu an rawn hruai a, sakeibaknei pukah chuan an rawn paih ta a. Lal chuan Daniela hnenah, I Pathian, a rawng i bawl fo thin khan a chhanhim ang che,'' tiin a sawi a.
16. Tin lung an rawn la a, puk kawngka chu an rawn khar a; tin, lal chuan Daniela chung thu hi a danglam tawh hlek lohna'n ama zungbun ngei leh a miropuite zungbuna nemin a chhinchhiah a.
17. Tin, lal chu a in ah chuan a kal a, chaw ngheiin a zankhua a: a hmaah chuan thil ritheite an rawn la hek lo a, mutmu pawh a tuah thei hek lo.
18. Tichuan, a tuk zing takah chuan lal chu a tho a, hmanhmawh takin sakeibaknei puk lamah chuan a kal ta a.
19. Tin, Daniela awmna puk a rawn hnaih chuan tah aw in a au va: lalber chuan Daniela hnenah, Aw Daniel, Pathian nung chhiahhlawh, i Pathian a rawng i bawl fo thina chuan sakeibaknei lak ata a chhanchhuak thei che em? a ti a.Daniela chuan lal hnenah, Aw lalber, kumkhuain damang che;
20. ka pathian chuan a vantirhkoh a rawn tir a, sakeibaknei ka te a tichip a, engmah mi tina lo e, a ti a.
21. Tichuan, lal chu a lawm ta em em a, Daniela chu puk ata lak chhuak tur thu a pe ta a. Chutichuan, Daniela chu puk ata an la chhuak a, na lai reng reng amahah a awm lo a, a pathian a rin tlat avangin.
22. Tin, lal chuan thu a pe a, Daniela hektute chu an rawn hruai a. Sakeibaknei pukah chuan an paih lut ta a, anni ho leh an fate leh an nupuite nen; sakeibaknei chuan anni chu an ching nawk nawk a, an ruhte chu an titliak sawm vek a, puk mawng pawh an thleng hman hek lo.
23. Tichuan, lal Daria chuan mi tinte, hnam tinte, tawng tinte zawng zawng, lei pum puia chengte hnenah chuan lehkha a ziak a, tIn chungah remna tih punin awm rawh se.
24. Ka ram awp zawng zawngah hian miten Daniela Pathian chu hlauin khur rawh se, tiin thu pek ka siam e. Ani chu Pathian nung a ni a, a nghet kumkhua a, a ram chu tihchhiat rual a ni lo ang a, awp pawh a tawp thleng zakin a awp dawn si a.
25. Ani chuan a chhhanhim a, a chhanchhuak a, lei leh van ah hian chhinchhiahna te leh thilmakte a ti a; ani hi sakeibaknei thiltihtheihna lak ata Daniela chhan chhuak tu chu a ni, tiin.Chutichuan he Daniela hi Daria rorel lai leh Persia mi Kura rorel lai chuan a hmuingil ta hle a.
26. Chutichuan he Daniela hi Daria rorel lai leh Persia mi Kura rorel lai chuan a hmuingil ta hle a.
←  Daniel (6/12)  →