← Daniel (11/12) → |
1. | Tin, kei chu, Media mi Daria kum khatnaah khan amah tinghet tur leh tichak turin ka ding a. |
2. | Tin, tunah hian thudik chu ka entir ang che. Ngai teh, Persia ramah chuan lal pathum an lo chhuak ang a, a pali na chu a dang zawng ai khan a hausa zawk hle ang: a hausakna avanga a intihchak hunah chuan Grik ram do turin mi zawng zawng a chawk tho ang. |
3. | Tin, lal chak tak, thuneihna ropui taka rorel tur chu a lo chhuak ang a, a thu thuin a ti ang. |
4. | Tin, a lo chhuah hun chuan a ram chu phel darh ani ang a, kawlkil liah semin a awm ang, a thlahte hnenah ni loin, a thuneihnaa a rel thin ang zel ni hek loin;a ram chu he mite ni lo, midang tan chhuhsak in a awm zawk dawn a ni. |
5. | Tichuan, chhimlam lal chu chak a ang a; a hotute zinga pakhat erawh chu amah aiin a chak zawk ang a, thuneihna anei ang a, a thuneihna chu thuneihna ropui tak a ni ang. |
6. | Tin, kumte tawpah chuan an inzawm ang a; chhimlam lal fanu chu hmarlam lal hnenah inremna siam turin a lo kal ang: mahse chakna chu a nei rei lo ang a; ani pawh kha a ning hek lo ang a, a chakna pawh lal fanu chu pek boin a awm zawk ang a, a rawn hruaitute leh a hringtu, chutih laia amah tichak tu nen. |
7. | Mahse a zung atanga chawr no ata chu mipakhat ama hmunah a ding ang a, chu chu sipai rual nen a lo kal ang a, hmarlam lal kulhah chuan a lut ang a, anmahni a bei anga, a hneh ang: |
8. | tin, an pathiante, an lim chhunte nen, an tangkarua leh rangkachak bungbel tha tak takte nen, Aigupta ramah a kalpui vek ang a; tin, kum engemawti chu hmar lam lal lakah a chawl rih ang. |
9. | Tin, chhim lam lal ramah chuan hmar lam lal chu a lo lut ang a, mahse ama ramah a kir leh ang. |
10. | Tin, a fapa ten an do ang a, sipai rual nasa tak an ko khawm ang a, an lo kal ang a, an chim hneh ang a, an pal tlang ang: tin, an lo kir lah ang a, an do vang a, a kulh ngei pawh. |
11. | Tin, chhim lam lal chu a thinur em em ang a, a lo chhuakin amah abei ang- hmar lam lal ngei chu: tin, mipui tamtak nen a chhuak ang a, mi tamtak a kutah pek a ni ang. |
12. | Tin, mi tamtak chu hruaibo an ni ang a, a thinlung a sang ang a, sing lai te chu a titlu ang a, mahse a ding hlen lo ang. |
13. | Tin, hmar lam lal chu a lo thawk leh ang a, mipui a hmaa mi aia tam zawk nen a chhuak ang a, tin, hun tawp, kum tawp ngeiah chuan sipai rual nasa tak leh thuam nasa tak nen a rawn pan ang. |
14. | Tin, chung hunah te chuan mi tam tak, chhim lam lal do turin an ding ang: i chite z nga pawngnek mite pawh inlarna chu tithleng turin an inlek ang a, mahse an tlu ang. |
15. | Chutichuan, hmar lam lal chu a lo kal ang a, mual pawng a siam ang a, khawpui kulh nghet nei chu a la ang: tin, chhim lam chakna chuan a dal zo lo ang, a mi thlante pawhin; dal zo tur chakna reng a awm lo ang. |
16. | Tichuan, a rawn dotu chuan a duh ang angin a ti ang a, a hmaah tumah an ding lo vang: tin, a ni chu ram ropuiah chuan a ding ang a, a kutah chhiatna a awm ang. |
17. | Tin, a ram pumpui chakna nen lo kal a tum ang a, inremna asiam ang a, chutiangin a ti ang: tin, a tihkhawloh turin a hnenah hmeichhe fanu a pe ang a, mahse a hlawhtling lo ang a, a hlawkpui hek lo ang. |
18. | Hemi hnuah hi chuan thliarkar lam a hawi ang a, tam tak ala ang: mahse hotu pakhat chuan sawichhiatna a chhak chhhuah chu a tibang ang a; a ni, a sawichhiatna chu ama chung vekah a lettir ang. |
19. | Tichuan, ama ram ngei kulhte lam chu a hawi leh ang a, mahse a petek in a tlu ang a, hmuh zawh a ni tawh lo ang. |
20. | Tichuan, ama hmunah chuan mi pakhat, ram ropui naa chhiahkhawntu kal tlang tirtu tur chu a lo ding chhuak ang: mahse nirei lo teah thinurna vang ni loin, tihboralin a awm ang. |
21. | Tin, a hmunah chuan mi hmusitawm, ram chawimawina pek loh chu a lo ding chhuak ang: mahse ram muan laiin a lo kal ang a, tawngkam thiamin ram chu a chang ang. |
22. | Tin, a hmaa mi chu tui lian chaknaa hrut boin an awm ang a, keh sawm in an awm ang: a ni thuthlung hotu chenin. |
23. | tin, a hnena thuthlung siam hnuah chuan hlemhle takin a che ang: a lo ding chhuak ang a, mipui tlem tete nen pawh a lo chak dawn a ni. |
24. | Muan hun laiin ram bial tha ber berah a lo thawk ang a, a pate leh a pa pate tih ngailoh chu a ti ang: mite zingah chuan rallak leh rallak thilte, sumte a vawrh darh ang: a ni, kulh nghet chungah te chuan a phiarrukte chu a phiar rih ang. |
25. | Tin, a thiltihtheina leh a huaina chu, sipai rual nasa tak nen, chhim lam lal chungah a thawk tho ang a; tin, chhim lam lal chuan sipai rual nasa tak leh chak tak nen a lo do ang a, mahse a ding zo lo ang, a chungah chuan phiarruk eng eng emaw an lo phiar dawn si a. |
26. | A ni, a chaw tuihmel eitute ngei chuan amah an tiboral ang a, asipai rual te chu hnawl boin an awm ang a, tam tak chu thahin an awm ang. |
27. | Tin, he'ng lalte hi zawng an thinlunga pawi khawih hmang an ni ve ve ang a, dawhkan hmun khatah dawt an sawi ang: mahse a hlawhtling lo ang, a tawp chu hun ruat ah chuan a ni dawn si a. |
28. | Tichuan, sum tam tak nen ama ramah a kir leh ang a, a thinlung chu thuthlung thianghlim doin a awm ang: chutiangin a ti ang a, ama ram ngeiah a kir leh ang. |
29. | Hun ruatah chuan a lo let ang a, chhim lam ah a kal ang a, mahse a hnuhnung zawkah hi chuan a hmasa ang a ni lo ang. |
30. | Kittim lawngte chuan amah an rawn do dawn a ni; chitichuan a lungni lo ang a, akir ang a, thuthlung thianghlim chungah chuan a thinur ang a, chutiangin a ti ang; a ni, a kir leh ang a, thuthlung thianghlim hawisantute chu a lawm ang. |
31. | Tin, sipai te chuan an beihsak ang a, hmun thianghlimte an tibawlhhlawh ang a, kulh ngei pawh chu; tin, halral thilhlan awm fo chu an tibo ang a, tiauna tenawmna chu an dintir zawk ang. |
32. | Tin, thuthlung chunga suak sual taka titute chu tawngkam thiamin a tikhawlo ang; mahse mi an pathian hretute kha chu an nghet ang a, thil nasa tak an ti ang. |
33. | Tin, mi zinga a fingate chuan mi tamtak an zrtir ang a, mahse khandaihte, meialha te, sal tanna te leh rawkral te in mi tamtak an tlu ang. |
34. | Tin, an tluk pawhin puihna tlem te tea dawmin an awm ang a, mahse mi tam takin fak derin anmahni an fin ang. |
35. | Tin, a finga te zinga thenkhatte chuan, anmahni tifai tur leh tithianghlim tur leh tivar turin an tluk phah ang, tawpna hun thleng pawhin: hun ruatah a la nih fo avangin. |
36. | Tin, lal chuan a duh ang angin a ti ang a; amah a in chawisang anga, pathian tinreng chungah a in tilian ang a, pathiante pathian kalhin thil mak tak takte a sawi ang: tin, thinurna hrik thlak zawh a nih hma chu a hlawhtling ang, ruat sa chu tih ngei tur a ni si a. |
37. | A thlah tute pathiante chu a pawisa lo ang a, hmeichhiate ngainat pathian leh pathian dang reng reng pawh a pawisa hek lo ang: mi zawng zawng chungah a in tilian dawn si a. |
38. | Mahse chu mi ai ah chuan kulhte pathian chu a chawimawi ang a, pathian, a pate pawhin an hriat ngailoh kha rangkachak nen, tangkarua nen, lunghlute leh thil duhawmte nen a chawimawi ang. |
39. | Tin, pathian dang tak tanpuinain kulh nghet tak tak te chu a bei ang a, tupawh a pawm apiang chu a tiropui ang: tam tak chungah ro a reltir ang a, ram chu man neiin a sem ang. |
40. | Tin, tawpna hunah chuan chhim lam lalin amah a rawn nawr ang a; tin, hmar lam lal chuan tawlailir nen, sakawr chung chuang mi leh lawng tam tak te nen thawngaleivir ang maiin amah a lo bei ang; ramte chu a lut ang a, a chim hneh ang a, paltlang ang. |
41. | Ram ropui pawh chu a lut ang a, tam tak chu tihtluk a ni ang: mahse a kut ata he'ng hi chu chhan chhuah an ni ang-Edom leh Moab Amon mi tha thate. |
42. | Ramte chungah pawh a kut a lek ang a, Aigupta ram pawhin a pumpelh lo ang. |
43. | Tichuan, rangkachak leh tangkaraw dahkhawmte chungah leh Aigupta ram thil hlute zawng zawng chungah thu a nei ang: tin, Libua mite leh Ethiopia mite chu a kaiza veng an ni ang. |
44. | Mahse, chhak lam leh hmar lam atanga thu thangin amah a tibuai ang: tichuan mi tamtak tiboral tur leh timang turin thinur takin a chhuak ang.Tin, tuipui leh tlang thianghlim ropui tak inkarah chuan a lal puanin chu a hung ang a, mahse a tawpna thleng a ni ang a, tumahin an pui lo ang. |
45. | Tin, tuipui leh tlang thianghlim ropui tak inkarah chuan a lal puanin chu a hung ang a, mahse a tawpna thleng a ni ang a, tumahin an pui lo ang. |
← Daniel (11/12) → |