←  Amos (8/9)  →
1. Lalpa PATHIAN chuan inlarna min hmuhtir leh a, mipui thei bawm ka hmu a.
2. Tin, anin Amosa, eng nge i hmuh? a ti a. Tin, LALPA chuan ka hnenah, ka mi Israelte tawpna tur a tuah ta, ka hel tawh lo ang, a ti a.
3. Lalpa Pathian thu chhuak chuan, Chumi niah chuan biak in hlate chu lusun hlaah a chang ang a; mithi ruang a tam ang a, hmun tinah ngawi rengin an paih chhuak ang a ti a.
4. Heihi ngaithla rawh u, Aw! tlachhamte ei zo duh a, ram mirethei tibo duhte u,
5. Buh kan zawrh theihna'n thla thar chu eng tikahnge a ral ang a, chhangphut buh kan hralh theihna'n chawlhni chu engtikah nge a ral ang, titu; ephah titein sekel tirit a, dik lo taka bumna buk hmang a;
6. tangkaruaa mirethei lei a, mi tlachhamte chu pheikhawk bun khata lei a, buhsi kan hralh theihnan, titute u.
7. LALPA chuan, jakoba ropuina chhalin chhia a chham a, Mathei loin an hnathawh reng reng ka theihnghilh hauh lo ang, tiin.
8. Hemi avang hian ram chu a khurin a chhunga awm apiangte chu an lungngai dawn lo vem ni? A ni, lui ang chuan a lo lian vek ang a; Aigupta ram lui angin a lo buaiin a kam ang a.
9. Tin, Lalpa Pathian thu chhuak chuan, chumi niah chuan, heti hi a lo ni ang a, chhun laiah ni ka tlaktir ang a, nisat lai chuan lei chu ka ti thim ang a.
10. In ruaithehte chu lungngaihnaah leh, a tawpna chu khakna ni angin ka siam ang a.
11. Lalpa PATHIAN thu chhuak chuan, Ngai teh u, nite chu a lo thleng mek a ni; chung niahte chuan ramah chuan tam ka tir ang a, chaw tamna ni loin, LALPA thu hriatna tamna zawk chu.
12. Tin, tuifinria atangin tuifinriatah leh hmar atangin chhakah pawh an vakvai ang a; LALPA thu chu zawng turin kil tinah an tlan ang a, an hmu lo ang.
13. Chumi niah chuan nula leh tlangval thalaite meuh pawh tuihalin an thi dang ang a.Samari pathian lim chhala chhechhham a, 'Dan pathian hmingin' titu emaw 'Beersheba pathian hmingin' titu emaw pawh chu an tlu ang a, an tho leh tawh lo ang.
14. Samari pathian lim chhala chhechhham a, 'Dan pathian hmingin' titu emaw 'Beersheba pathian hmingin' titu emaw pawh chu an tlu ang a, an tho leh tawh lo ang.
←  Amos (8/9)  →