←  Amos (3/9)  →
1. Aw, Israel fate u, Aigupta ram atanga ka hruai chhuah chhungkuate u, LALPA'n hetia a sawiselna che u thu hi ngaithla rawh u,
2. Nangni chauh hi khawvela chhungkua zawng zawnga ka hriat in ni a: chuvangin in khawlohna zawng zawngahte chuan ka hrem ang che u, tiin.
3. An inrem chauh lo chuan mi pahnih an kal ang em ni?
4. Sakeibakneiin ngawah sa aman lai loh chuan, a rum ngai em ni? Sakeibaknei vanglaiin engmah a man loh chuan, a puk ata a rum ang em ni?
5. A tan chah a awm loh chuan, sava chu lei chunga thangah a awk loin lei atangin a per ang em ni?
6. Khawpuiah mi hlauh loin tawtawrawt an ham ang em ni? LALPA'n a tirh loh chuan khawpuiah chhiatna a lo awm ang em ni?
7. Dik takin lalpa PATHIAN chuan a rawngbawltu, a zawlneite hnenah a thuruk hrilh loin engmah a ti lo ang.
8. Sakeibaknei a rum a, tuin nge hlau lo ang? Lalpa PATHIAN chuan thu a sawi a, tuin nge hril lo thei ang?
9. Asdod khaw lal inahte leh Aigupta ram lal inahte chuan hril u langin, Samari tlang chungahte inkhawm u langin, tin, chuta buaina lian tak awmte leh chumi zinga hnehchhiahna awmte chu en rawh u, tiin.
10. Pawngnek leh tharum thawha an chhuhsakte chu an lal inahte an chhek khawm a, dik taka tih an tum hauh lo, LALPA thu chhuak chuan, An hmelmaten an ram chu an rawn hual ang a, an kulhte an tichhia ang, a ti.
11. LALPA chuan heti hian a ti a: Berampuin sakeibaknei ka ata a beram ke pahnih emaw, bengthem emaw, a chhan chhuak angin, chutiangin Samari khuaa khum kilah leh khum maimaw puan phan lukham chunga Israel fa awmte chu an chhan chhuak ang a ti a.
12. Engkimtithei pathian lalpa PATHIAN thu chhuak chuan heti hian a ti: Ngaithla ula, Jakob chhungte hriattir rawh u.
13. An bawhchhiatna avanga Israel ka hrem ni chuan Bethel khuaa maicham te ka tichim ang a, a kite a tliak vek ang a, leiah atla ang.Tin, thlasik in leh nipui in ka vaw chhia ang a; saingho inte chu a boral ang a, in ropui zawng zawng pawh tihchhiat an ni ang.
14. Tin, thlasik in leh nipui in ka vaw chhia ang a; saingho inte chu a boral ang a, in ropui zawng zawng pawh tihchhiat an ni ang.
←  Amos (3/9)  →