| Amos (1/9) → |
| 1. | Juda lal Uzia lal lai leh Israel lal Joasa fapa Jeroboama lal laia, lirnghin hma kum hnihah khanin, Tekoa-ah ran rual vengtute zinga mi Amosa thu Israel chungchang a hmuh chu. |
| 2. | Tin, ani chuan, LALPA chu Zion tlang atangin a rum hum hum ang a, Jerusalem khua atangin a aw a chhuah ang a; beram vengtute ran tlatna hmunte chu an lungngai ang a, Karmel tlang chhip chu a vuai ang, a ti a. |
| 3. | LALPA'n heti hian a ti: Damaska khaw bawhchhiatna pathum avangin, a ni pali avangin, a hremna chu ka tireh lo ang; Gilead ram chu buh rawtna thirte chuan an rawt avangin: |
| 4. | nimahsela Hazaela inah mei ka tir ang a, Benhadada lal inte a kang zo ang. |
| 5. | Tin, Damaska khaw kawngkhar thir chu ka titliak ang a, Aven ruam ata a luahtute leh Eden in ata lal tiang kengtu chu ka tibo ang a; tin, suria ram mite chu Kir ramah salah an awm ang, LALPA'n a ti a. |
| 6. | LALPA chuan heti hian a ti: Gaza khaw bawhchhiatna pathum avangin, a ni pali avangin, a hremna chu ka tireh lo ang; Edom hnena pek turin mi zawng zawng sala an hruai avangin: |
| 7. | nimahsela Gaza khaw kulh chungah mei ka tir ang a, a lal inte chu a kang zo vang: |
| 8. | Tin, Asdod khua ata a luahtu leh Askelon khua ata lal tiang keng tu ka tiboral ang a; tin, Ekron khaw chungah ka kut ka lek ang a, tin, Philistia mi la awmte chu an boral ang. Lalpa PATHIAN chuan a ti. |
| 9. | LALPA'n heti hian a ti: tura khaw bawh chhiatna pathum avangin, ani pali avangin, hremna chu ka tireh lo ang; Edom hnenah mi zawng zawng chu an pek a, inunauna thu an thlun chu an hriat reng loh avangin: |
| 10. | nimahsela tura khaw kulh chungah mei ka tir ang a, a lal inte chu a kang zo vang,a ti . |
| 11. | LALPA'n heti hain a ti; Edom bawhchhiatna pathum avangin, a ni pali avangin, a hremna chu ka tireh lo ang; a unau chu khandaihin a um a, a khawngaihna zawng zawng a paih bo a, a thinurna chuan a pawh thler fo thina, kumkhuain a thinrimna chu a vawn reng a vangin: |
| 12. | nimahsela Teman hmun chungah mei ka tir ang a, Bozra khaw lal inte chu a kang zo vang, a ti a. |
| 13. | LALPA'n heti hian a ti: A mon fate bawhchhiatna pathum avangin, a ni pali avangin a hremna chu ka tireh lo ang: an ram an tihzauh theih nan, Gilead khaw hmeichhe nau paite an tai thler avangin:nimahsela Raba khaw kulh chungah mei ka chhem alh ang a, tin, indo nia au nen, thawngaleivir nia thlipui nen, a lal inte chu a kang zo ang a; an lal chu salah an man ang a, a miliante nen arualin, LALPA chuan a ti. |
| 14. | nimahsela Raba khaw kulh chungah mei ka chhem alh ang a, tin, indo nia au nen, thawngaleivir nia thlipui nen, a lal inte chu a kang zo ang a; an lal chu salah an man ang a, a miliante nen arualin, LALPA chuan a ti. |
| Amos (1/9) → |