3John (1/1)

---

1.

Upa chuan, duh tak Gaia, tih tak zeta ka hmangaiha hnenah chuan:

2.

Duh tak, i thlarau chuan malsawmna a hmuh angin, engkimah malsawmna i hmuh leh i dam theihna'n ka tawngtai thin a ni.

3.

Unaute lo kalin i takzia (thutaka i awm thinzia chu) min rawn hriattir lai khan ka lawm em em si a.

4.

Ka fate thutakah an awm tih ka hriat aliama lawmna nasa zawk reng ka nei lo e.

5.

Duh tak, unaute, mikhual ni mahsela, an chunga i tih apiangah rinawm takin i ti thin a;

6.

Chung mite chuan kohhranho hmaah i hmangaihna an hriattir tawh; anni chu an zinnaah chuan Pathian mi ni awm renga i puihbawm chuan a tha ang;

7.

Hming avang hian Jentailte hnen ata engmah la loin a lo thawk chhuak a ni.

8.

Chutichuan, thutak thawhpuitute kan nih theihna'n chutiang mi chu keinin kan lawm tur a ni.

9.

Kohhranho hnenah khan thu tlem chu ka ziak tawh; nimahsela Diotrepha, an zinga chungnun duh thin kha min lawm si lo.

10.

Chuvangin, ka lo kal chuanin a thiltihte ka hriat chhuahtir leh ang, kan chungah thu sual sawiin a kamtamzia hi; chu pawh chu tawk a ti lo a, amah ngeiin unaute a lawm lo a, a lawm duhte pawh a khap a, kohhranho zing ata a hnawt chhuak thin.

11.

Duh tak, sual chu zir suh la, tha chu zir zawk ang che. Thil tha titu chu Pathian laka mi a ni; thil sual titu chuan Pathian a hmu ngai lo.

12.

Demetria chuan mi zawng zawng fak a hlawh a, thutaka fak ngei a hlawh bawk a; a ni, keini pawhin kan fak a ni; kan fakna hi a dik a ni tih i hria e.

13.

I hnenah thu tam tak ziak tur ka nei a, nimahsela lehkhatui leh lehkhaziaknain i hnena ziak ka duh loa;rei lo te chinah hmuh che ka beisei zawk a,tichuan inhmatawnin kan inbia ang. Thlamuanna i chungah awm rawh se. Kan thianten chibai an buk a che. An hming lam theuhin thiante chu chibai mi buksak ang che.

14.

rei lo te chinah hmuh che ka beisei zawk a,tichuan inhmatawnin kan inbia ang. Thlamuanna i chungah awm rawh se. Kan thianten chibai an buk a che. An hming lam theuhin thiante chu chibai mi buksak ang che.

---

3John (1/1)