2Samuel (7/24)  

1. Tin, heti hi a ni a, lal chu a inah a awm a, LALPA'n an vela a hmelmate zawng zawng laka ralmuangaa awmtir hnu chuan,
2. Lal chuan zawlnei Nathana hnena, "Hei kei chu sidar thing inah ka awm a, nimahsela Pathian bawm chu puan in maiah a awm a," a ti a.
3. Tin, nathana chuan lal hnenah, "I rilrua awm ang tak chuan ava ti rawh, LALPA i hnenah a awm alawm," a ti a.
4. Tin, heti a ni a, chu mi zan vek chuan Nathana hnenah,
5. "Ka chhiahlawh Davida chu va hrilh rawh, 'LALPA chuan heti hian a ti, Ka awmna turin nangin in min saksak dawn em ni?
6. Israela thlahte Aigupta ram ata ka hruai chauh atangin tun thlengin inah ka awm lo a, puan inah leh biak bukah ka awm zel zawk thin a.
7. Tin, Israela thlahte zawng zawng zinga ka kalna zawng zawngah pawh, ka mi Israelte chawm turathu ka pek roreltute hnenah, 'Engati nge sidar thingin in min saksak loh,' tiin ka sawi ngai em ni?
8. Chuvangin ka chhiahhlawh Davida hnenah, Sipaite LALPA chuan heti hian a ti a a ni, beram tlatna hmun ata i beram veng lai chu ka mi Israel mite chunga hotu atan ka la chia:
9. tin, i kalna apiangah i hnenah ka awm zel a, i hmaah chuan i hmelmate ka tibo zel a; leia mi ropui takte hming ang hming ropui tak ka siam ang che.
10. Tin, ka mi Israelte tan hmun ka ruat ang a, anmahni pual hmunah an awma an insuan tawh lohnan anni chu ka phunang a; tun hma ang khan suahsualna faten an tirethei tawh lo ang a, ka mi Israelte chunga roreltute kan ruat lai ang kha a ni tawh hek lo vag;
11. tin, i hmelma zawng zawng lak ata hi ka chawlhtir ang che. Tin, chu lo rengah pawh LALPA'n, chhungkua chu LALPA chuan a dinsak ang che tih a hrilh che a ni.
12. I ni a kina i pute hnenah i mut hunah chuan, i hnua i thlah, i rila rah tur chu ka tungding ang a, a ram chu ka tinghet ang.
13. Ani chuan ka hming atan in a sa ang a, tin, a aram lalthutthleng chu kumkhua atan ka tinghet ang.
14. A pa ka ni ang a, ani chu ka fapa ani ang a: thil a tihsual chuan,mihring tiang leh mihring fate vuaknain ka thunun ang a;
15. nimahsela i hmaa ka sawn bo Saula hnen hngaihna chuan ani zawng a kalsan lo ang.
16. Tin, i chhungkua leh iram chu chtuana tihngheh tlat a ni ang a, i lalthutthleng chu chatuana tihngheh ani ang,' a ti," tiin LALPA thu a lo thleng a.
17. Chung thu zawng zawng ang zel leh chu inlarna ang chiah chuan Nathana chuan Davida hnenah a sawi a.
18. Chutichuan lal Davida chu a lut a, LALPA hmaah chuan a thu a; "Aw LALPA Pathian, tu nge maw ka nih a, ka chhungte pawh tu nge maw an nih a, heti chen chen min hruai?
19. Aw LALPA Pathian, chung pawh chu nanga mit hmuhah chuan thil te tham mai zawng ani ; nimahse i chhiahhlawh chhungkaw lo awm dn tur thu chu kum tm tak chung atan i lo sawi tawh bawk a; Aw Lalpa PATHIAN, hengte paw hi miringte tih dan ang bawk a ni a.
20. Davida hian i hnenah eng nge a sawi leh chuan ang? I chhiahhlawh hi i hre vek si, aw Lalpa PATHIAN,
21. I chhhiahhlawh hriat turin i thu avang leh nangma thinlung ang zelin he'ng thil ropui tak hi i ti ta a.
22. Chuvang chuan aw LALPA Pathian, nang chu i ropui a ni; kan benga kan hriat danin nangmah ang reng reng an awm lo a, nangmah lo chu Pathian reng reng an awm hek lo.
23. Aigupta ram ata leh hnam tin, leh an Pathian lak ata i tana i thlan chhuah, i mite hmaa in tan thil ropui tak leh i ram tana thil hlauhawm tak ti tur leh ama hming ropui tak siam tura Pathianin ama mite atana a rawn thlan chauh, i mi Israelte ang reng reng hi khawvelah hian hnam dang tu nge awm?
24. Chutichuan i mi Israelte chu chatuana i mite an lo nih theihna'n i tan i tinghet ta a; tin, LALPA, nang chu an Pathian i lo ni ta a.
25. Tichuan aw LALPA Pathian, i chhiahhlawh chungchang thu leh a chhungte chungchang thu i sawi chu chatuan atan tinghet la, i sawi tawh ang khan ti ang che.
26. Tin, "Sipaihote LALPA chu Israelte Pathian a ni,' tiin i hming chu chatuana chawimawiin awm rawh se; tichuan i chhiahlawh Davida chhungte i hmaah tihnehin an awm ang.
27. Aw, Sipaihote LALPA, Israel Pathian, i chhiahhlawh hnenah, 'chhungkua chu ka dinsak ang che,' tiin i puang tawh si a: chuvangin i chhiahhlawh chuan he tawngtaina hi i hnenah a thlen ngam a ni.
28. Aw Lalpa PATHIAN, nang chu Pathian i ni a, i thu chu thu tak a ni a, tin, he thil tha hi i chhiahhlawh hnenah i tiam tawh a:Chuvangin i chhiahlaw chhungte chu i hmaa chatuana an awm reng theihna'n malsawm ang che; Aw Lalpa PATHIAN, nang chuan i sawi tawh si a; tin, i malsawmnain i chhiahhlawh chungte chu chatuana malsawmin awm rawh se,"a ti a.
29. Chuvangin i chhiahlaw chhungte chu i hmaa chatuana an awm reng theihna'n malsawm ang che; Aw Lalpa PATHIAN, nang chuan i sawi tawh si a; tin, i malsawmnain i chhiahhlawh chungte chu chatuana malsawmin awm rawh se,"a ti a.

  2Samuel (7/24)