←  2Kings (23/25)  →
1. Tin, lal chuan mite a tir a, Judai ram leh Jerusalem khawpuia upa zawng zawng a hnenah an ko khawm chiam a.
2. Tin, lal chu Judai rama mi zawng zawng nen, Jerusalem khuaa mi zawng zawng nen, puithiamte leh zawlneite nen, mipui zawng zawngte nen chuan a lian a tein LALPA inah chuan an han chho a; tin, LALPA ina an lehkhabu chara thuthlung bua chuang zawng zawng chu an benghriatah a chhiar a.
3. Tin, lal chu ban hrulah a ding a, chu mi lehkhabua chuang thuthlung thu chu tinghet turin thinlung zawng zawng leh thlarau zawng zawnga LALPA zui tur leha thupekte, a thu hriattir te, a thuruatte pawm turin LALPA hmaah huan thu a thlung a: tin, mipui zawng zawng pawhin an thlunpui a,
4. Tin, lalin puithiam lalber Hilkia te, a dawttu puithiam te, kawngkhar vengtute chu LALPA biak in chunga Baala leh, Aseri leh, vana thil awmho zawng awng tana siam bungbel zawng zawngte chu la chhuak vek turin thu a pe a: tihuan Jerusalem pawn lam, Kidron phulah a hal a, a vapte chu Bethel-ah a kalpui a.
5. Tin, milem beho puithiamte, Juda lalten Judai ram khawpui hmun angahte, Jerusalem vela rimtui hal tura an lo ruatte chu a bantir a; Baala tan te, ni tan te, thla tan te, arsi tan te, vana awmho zawng awn tan tea rimtui altute pawh chu.
6. Tin, LALPA ina Aseri chu Jerusalem pawn lam, Kidron luiah a la chhuak a, Kidron luiah chuan a hal a, a rap sawm dep a, a dip chu mi naran te thlanah a theh a.
7. Tin, Aseri puan tahho hmeichhe awmna, LALPA ina mipa inzuarho awmna inte chu a thiatsak a.
8. Tin, Juda khawpui atate chu puithiam zawng zawng a hruai chhuak a, puithiamhote rimtui halna hmun sangte chu Geba tanga Beer-seba thlengin a tibawrhbang vek a; khawpui kawngka luha vei lampanga khawpui awptu Josua kawngka luha kawngkatea hmun sangte chu a tichim a.
9. Hmun sang puithiamte chu Jerusalem-a LALPA maichamah an han chho ve lo na a, an unaute zingah chhang dawidim telh loh erawh chu an ei ve thin.
10. Tin, tumahin an fapa emaw, an fanu emaw Moleka puala meia an luhtir tawh lohna turin, Hinoma thlahte ruama Topeth chu a tibawrhbang a.
11. Tin, LALPA in luhnaa a in ual chhunga lal in vengtu Nathanmeleka pindan bula Juda lalten ni tana sakawr an pekte chu a suan bo vek a; ni tawlailirte chu a hal a.
12. Tin, Ahaza in chnawng chunga Jud alalten maicham an siamte leh Manasean LALPA in hung chhung kawtlai pahniha maicham a siamte chu lal chuan a tichim a, a tisawm berh a, anawite chu Kidron luiah a paih a.
13. Tin, Jerusalem bul chiatna tlang ding lampanga Zidon ho pathian tenawm tak Astarethi tan te, Moab-o pathian tenawm tak Kemosa tan te, Amona thlahte pathian tenawm tak Milkoma tan te, Israel lal Solomonan hmun sang a siamte chu lal chuan a tibawrhbang a.
14. Tin, lungphunte chu a tikeh sawm vek a, Aseri-te chu a kit thlu a chung hmuanhte chuan miring ruh a dah ta a.
15. Tin, chu lo pawh chu Israelte thil tihsualtirtu Nebata fapa Jeroboaman Bethel-a maicham leh hmun sang a siam chu, chu mi maicham leh hmun sang lamin a tichim bawk a; tichuan hmun sang chu ahal a, a rap sawm dep a, Aseri chu a hal ta a.
16. Tin, Josia chu a han hawi a, tlanga thlante chu a han hmu a; tichuan thlana ruhte chu a va laktir a, chung thu lo sawitu Pathian miin a lo sawi, LALPA thu ang ngeiin maichama chuan a hal a, a tibawrhbang a.
17. Tichuan ani chuan, "Saw tu lungphun nge ka han hmuh saw?" a ti a. Tin, khuaa mite chuan, "Pathian mi, Judai ram atanga lo kal, Bethel-a maicham chunga i tih tak hi lo sawi lawktu thlan anih saw," tiin an hrilh a.
18. Tin, ani chuan, "Engmah tih suh u; tumahin a ruhte chu la sawn suh se," a ti a. Chutichuan a ruhte chu Samari ram atanga zawlnei lo kala ruhte nen engmah an tih lo.
19. Tin, Israel lalten LALPA tihthinrima an sak Samari ram khuatea hmun sang in zawng zawngte pawh chu Josia chuan a suan bo a, Bethel khuaa a tih ang chiahin a tihsak ve a.
20. Tichuan chuta hmun sang puithiam awm zawng zawngte chu maicham chungah a that a, chungah chuan mihring ruhte a hal a, Jerusalem-ah a haw leh ta a.
21. Tin, lalin mi zawng zawng hnenah, "He thuthlung bua chuang ang hian LALPA, in Pathian tan Kalhlen Kut nei rawh u," tiin thu a pe a.
22. Israelte chunga roreltuten ro an rel achin, Israel lalte lal chhung zawng zawng te, Juda lalte lal chung zawng zawng te pawhin chutiang taka Kalhlen Kut chu an la nei lo;
23. lal Josia lal kum sawm leh kum riat kuma chuan chu Kalhlen Kut chu Jerusalem khuaah LALPA tan an nei ta chauh a ni.
24. Tin, LALPA ina puithiam Hilkian a char lehkhabua dan thu chuangte kha a tihngheh theihna'n ramuai aienthiam zawl te, dawithiam te pathian lem te, milem te Judai ram leh Jerusalem khuaa thil tenawm an hmuh thin zawng zawngte chu Josia chuan a tibo vek bawk a.
25. Mosia dan zawng zawng anga thinlung zawng zawng le thlarau zawng zawng leh chakna zawng zawnga LALPA pawm, amah ang reng reng a hmaa lal tumah an awm lo a; a hnuah pawh amah ang chu tumah an awm leh tawh hek lo.
26. Chuti chung pawhin LALPA chuan a thinrimna nasa tak Manasean a lo tihthinrimna zawng zawng avanga Juda chunga a thinrimna alh chu a la tire chuan glo.
27. Tin, LALPA'n, "Israel ka sawn bo ang hian Juda pawh hi ka hmuh pahk loah ka sawn bov e ang a, he khua ka thlan Jerusalem ngei leh, 'Chutah chuan ka hming ch a awm ang,' ka tih in hi ka thehthang bo daih ang," a ti a.
28. Tichuan Josia hanhin dang te, a thiltih zawng zawngte chu Judalalte lal lai chanchin ziakna buaa chuang a ni lo'm ni?
29. A lal lai chuan, Aigupta lal Pharoa-nekoa chu Assuria lal bei turin Euphrates luiah a han chho va: tin, lal Josia chuan ani chu a han bei a; tin, ani chuan amah chu a hmuh veleh Megiddo khuaah a that ta a.
30. Tin, a mite chuan Megiddo atang chuan a ruang chu tawlailirin an kalpui a, Jerusalem-ah an luhpui a, ama thlana an phum ta a. Tichuan chu mi rama mite chan Josia fapa Jehoahaza chu an hrua a, hriak an thih a, a pa aiah lalah an siam ta a.
31. Jehoahaza chu a lal tantirhin kum sawmhnih leh kum thum a ni a; Jerusalem-ah thla thum a lal a: a nu hming chu Hamutali, Libna khuaa Jeremia fanu a ni.
32. Tin, a pi leh pute tih dan ang zawng zawng LALPA mithmuha thil tha lo tak a ti thin a.
33. Tin, Pharao-nekoa chuan Jerusalema rorel thei tawh lo turin Hamath rama Ribla khuaah a tantir a; tin, an ram chu tangka talent zakhat leh rangkachak talent khat a chawitir a.
34. Tin, Pharoa-nekoa chuan Josia fa Eliakima ch a pa Josia aiahc huan a laltir a, a hming chu Jehoiakima tiin a thlaksak a; Jehoahaza eraw chu a hruai daih a; Aigupta ramah a kal a, chu tah chuan a thi ta a.
35. Tin, Jehoiakima chuan tangka leh rangkachak chu Pharoa a pe phawt a; an ramte chu Pharoa thupek angin a tangkaa pe turin chhiah a chawitir ve thung a: Pharao-neka hnenah pek turin mi tin, chawi tura a tuk zat theuh ang zelin chu mi rama mite ta tangka leh rangkachak a chawitir a.
36. Jehoiakima chu a lal tantirhin kum sawmhnih leh kum nga a ni a; Jerusalem-ah kum sawm leh kum khat a lal a: a nu hming chu Zebidi, Ruma khuaa Pedaia fanu a ni.Tin, a pi leh pute tih dan ang zawng zawng LALPA mithmuha thil tha lo tak a ti thin a ni.
37. Tin, a pi leh pute tih dan ang zawng zawng LALPA mithmuha thil tha lo tak a ti thin a ni.
←  2Kings (23/25)  →