←  2Kings (18/25)  →
1. Tin, Ela fapa Israel lal Hosea kum thum a lal kum chuan heti hi a nia, Juda lal Ahaza fapa Jezekia ch a lal tan a.
2. A lal tantir chuan kum sawmhnih leh kum nga a ni; tin, Jerusalem-ah kum sawmhnih leh kum kua a lal a; a nu hming chu Abii, Zekaria fanu a ni.
3. Tin, apu Davida thiltih apiang ti vein LALPA mithmuha thil tha tak a ti thin a.
4. Hmun sangte a thehthang bo a, lungphunte a tichim a, Aseri te a kit a; tin, Mosia dar rul siamte chu a tikeh sawm vek a; chung lai hun thleng chuan Israela thlahten a hnenah rimtui an hal thin a ni; chu chu Nehustan an ti thin.
5. Ani chan LALPA Israelte Pathianc hu a ring a; chutichuan a hnua Juda lal zawng zawngte zingah amah ang tumah an awm lo a, ahmaah pawh an awm hek lo.
6. LALPA chu a vuan tlat a, amah a zui ch a bang du lo a, a thupek LALPA'n Mosia a pekte chu a zawm a.
7. Tichuan LALPA chua hnenah a awm a; a chhuahvana apiangah a hmuingil zel a Assuria lal chungah a el a, a rawng a bawl ta lo a.
8. Philistia-hote chu Gaza khaw thelngin a ram chin zawng zawngte nen, ralvengtute in sang atanga kul neih khaw thlengin a hneh vek a.
9. Tin, lal Hezekia kum lia lal kum Israel lal Ela fapa Josea kum sarih a lal kum chuanheti hi a ni a, Assuria lal Salmanesera chuan Samari khua a han bei a, a han hual a.
10. Tin, kum yhum a vei kumin a la ta a; Hezekia kum ruk a lak kum, Israel lal Hosea kum kua a lal kumin ani Samari khua chu an lak ni.
11. Tin, LALPA an Pathian thu chu an pawm duh loh a, a thuthlung chu an bawhchiat zawk a, LALPA'n a chiahlawh Mosia th a pek zawng zawngte ngei kha an pawm duh loha an tih duh loh avangin,
12. Assuria lal chuan Israel-hote chu Assuria ramah a hruai a, hala ramah te, Gozan rama Habor luiah te, Media-ho khuaahte a awmtir ta a ni.
13. Tin, lal Hezekia kum sawm leh kum li a lal kumin Assuria ram lal Senakeriba chu Judai rama khua kulhpi nei zawng zawng bei turin a han chho a, a la ta a.
14. Tin, Juda lal Hezekian Lakis khuaaAssuria lal hnenah chuan, "Thil ka lo tisual ta a ni e, mi kiansan leh mai rawh, i mi tuk apiang chu ka tuar zel ang e," tiin thu a tahwn a. Tin, Assuria lal chuan Juda lal Jezekia chu tangka talent zathum leh rangkachak talent sawmthum a tuk a.
15. Tichuan Jezekia chuan LALPA ina tangka awm zawng zawng leh lal ina ro dah khawmnaa mi zawng zawng chu a pe a.
16. Chumi tum ngei chuan Jezekia chuan LALPA biak in kawngkhara mi leh, Juda lal Jezekian bana rangkachak a luante chu a la thla vek a, Assuria lal a pe a ni.
17. Tin, Assuria lal chuan Tartan te, Rabsari te leh Rabsake te sipai tam tak nen Lakis khua atangin Jerusalem khuaa lal Jezekia hnenah chuan a tir a. Tin, Jerusalem khua chu an han thleng a. Tin, an han thlen chuan puan sutu phul kalkawnga dil chakta zawk tuilakna kiangah chuan an ding a.
18. Tin, lal chu an han auh chuan, in chhung lam hotuHilkia fapa Eliakima te, lehkha ziaktu Sebna te, chanchin ziaktu Asapha fapa Joa te chu an hnenah an va chhuak a.
19. Tin, Rabsake-a chuan an hnenah, "Hezekia hnenah han sawi tawh u khai, ;Lal ropui tak Assuria lal chuan heti hian a ti, I rin i nghahna hi ngnge ni le?
20. Indona atan chuan remruat thiam leh chakna kan eni a ni, i ti a; nimahsela chu chu tawngka mai a ni. Tunge i rina ka chunga i hel tak ni le:
21. Ngai teh, he luang sawp tiang, Aigupta hi i ring ta a ni a; chu chu miina rinchhan chuan a kutah a chhun ang; Aigupa lal Pharaoa chu amah ringtu zawng zawng chungah chuan chutiang chu a ni thin.
22. Ani hloh leh, ka hnenah, LALPA kan Pathian chu a ni kan rin ni in tih chuan, ani chu Jezekian Juda-ho leh Jerusalemho hneah Jerusalem khuaa he maicham hmaah hian in be tur a ni, tiin a hmun sangte leh a maichamte a lak bosak a kha a ni lawm ni?' tiin.
23. Chutichuan ka pu Assuria lal nen chuan thu intiam rawh u khai, tichuan sakawr sanghnih ka pe ang che, a chunga chuangtu turte i hmuh theih dawn phawt chuan.
24. Engtin nge tawlailirte leh sakawr chung chuang mite thu-ah Aigupta chunga i rinna ngahtin, ka pu mite zinga te ber hotu pakhat pawh hi i dan kir zawh dawn tehlul ni?
25. Tin, he ram hi LALPA thu loa tichhe tura lo cho em ka nih? LALPA'n ka hnenah, "Chu ram chu han bei la, tichher rawh,' a ti a ni,' tiin" a ti a.
26. Tin, Hilkia fapa Eliakima leh Sebna leh Joa te chuan Rabsake hnenah, "Khawngaih takin i chhiahhlawhte hi Suria tawngin min be tawh zawk rawh; chu chu kan hre thei si a: kulh chunga mite benghriatah hian Juda tawngin min be tawh suh," an ti a.
27. Nimahsela Rabsake-a chuan an hnenah, "Ka pu chuan in pu hnen leh in hnen chauhvah he'ng thu hi sawi turin mi tir em ni?Kulh chunga thuho, nangni leh anni mahni ek la ei tur leh mahni zun la in turte hnenah hian mi tir bawk ani lawm ni?" a ti a.
28. Tin, Rabsake chu a din ga, Juda tawngin aw ring takin a au a, "Lal ropui tak Assuria lal thu hi ngaithla rawh u.
29. Lal chuan heti hian a ti, 'Hezekia bumin awm suh u; ani chuan a kut ata a chanhim thei dawn si lo che u a:
30. Hezekia chuan, LALPA'n min chhanhim ngei ang a; tin, he khawpui hi Assuria lal kutah pek ani lo ang, tiin LALPA chu rintir che u suh se.
31. Hezekia thu chu pawm suh u: Assuria lal chuan heti hian a ti a ni, Min rem ula, ka hnenah hian lo chhuak rawh u; tin, nangmahni ram anga bu leh uain ram, chhang leh grep huan ram, olive leh khawizu ram, thi loa in nun theihna tur rama ka rawn hruai hma loh che u chuan mi tinin mahni grep hruia mi leh mi tinin mahni theipui kunga mi ei theuh u la, mi tinin mahni tuikhur tui tlan theuh rawh u.
32. Hezekia'n, LALPA'n mi chhanhim ang, tia a thlem che u pawhin pawm duh suh u.
33. Hnam tinte pathian zawng zawng zinga mi reng rengin an ram chu Assuria lal lakah an chhanhim tawh ngai em ni?
34. Hamath leh Arpad pathiante kha khawiah nge an awm tak? Sepharvaim te, Hena te, Iva te pathiante pawh kha khawiah nge an awm tak? Samari khua kha ka lakah an chhanhim em ni?
35. Ram tin pathian zawng zawngte zinga mi chuan tute nge an ram ka lakah chhanhim a, LALPA chuan Jerusalem khua hi ka lakah a han chanhim tehlul ang?' tiin," a ti a.
36. Anni erawh chu an ngawi reng a, kam khat mahin an chang lo: lal thupek dan chu, "Ani chu chhang suh u," tih a ni si a.Chutichuan lal in chung lam hotu Hilkia fapa Eliakima te, lehkhaziaktu Sebna te chanchin ziaktu Asapha fapa Joa te chu an silhfen pawhthlerte inbelin Jezekia hnenah chuan an kal a, Rabsakea thu sawite chu an hrilh a.
37. Chutichuan lal in chung lam hotu Hilkia fapa Eliakima te, lehkhaziaktu Sebna te chanchin ziaktu Asapha fapa Joa te chu an silhfen pawhthlerte inbelin Jezekia hnenah chuan an kal a, Rabsakea thu sawite chu an hrilh a.
←  2Kings (18/25)  →