←  2Kings (15/25)  →
1. Israel lal Jeroboama kum sawmhni leh kum sarih a lal kum chuan Juda lal Amazia fapa Azaria a lal tan a.
2. A lal tantir chuan kum sawm leh kum ruk mi a ni a, Jerusalem-ah kum sawmnga leh kum hnih a lal a; a nu hming chu Jekoli, Jerusalem mi a ni.
3. Tin, a pa Amazia thiltih ang apiang ti vein, LALPA mithmuha thil tha tak a ti thin a.
4. Amaherawhchu hmun sangte zawng thehthang bo a ni chuang lo; hmun sangahte chuan mite chu an la inthawi in, rimtui an la hal reng thin.
5. Tin, LALPA'n lal chu a rawn hrem ta a, chutichuan a thih ni thlengin a lo phar a, in hrangah a awm ta a. Tin, lal fapa Jothama chu an rama mite rorelsakin in chhung lam hotuah a awm ta a.
6. Tichuan Azaria chanchin dang a thiltih zawng zawngte chu Juda lalte lal lai thu ziakna buah a chuang ani lawm ni/
7. Tin, Azaria chu a pi leh pute hnenah chuan a muhil a; tin, api leh pute zingan Davida khawpuiah an phum ta a; tin, a fapa Jothama chu a aiawhin a lal ta a.
8. Juda lal Azaria kum sawmthum leh kum riat a lal kum chuan Jeroboama fapa Zekaria chu Israelte chngah Samari khuaan thla ruk a lal a.
9. Tin, a pute tih ang bawk LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualnate kha a kalsan lo a.
10. Tin, Jabesa fapa Saluman ama a phiar ru a, mipuite hmaah a bei a, a tha a, a aiawhin a lal ta a.
11. Tichuan Zekaria chanchin dangte chu ngai teh, Israel lalte lal lai thu ziakna buah chuan a chuang a ni.
12. Chu chu LALPA'n Jehua hnena, "I fapate chu chhuan lina thlengin Israel-te lalthutthlengah an thu ang," tih thu a sawi kha a ni. Tichuan chutiang tak chu a lo ni ta ngei reng a.
13. Juda lal Uzzia kum sawmthum leh kum kua a lal kum chuan Jabesa fapa Saluma chu a lal ta a; Samari khuaah thla khat chhung a lal a.
14. Tin, Gadia fapa Menahema chu Tirza khua atangin a han chho a, Samari khuaa a kal a, Jabesa fapa Saluma chu Samari khuaa chuan a bei a, a that a, a aiawhin a lal ta a.
15. Tichan Saluma chanchin dang te, aphiarrukna thute chu ngai teh, Israel lalte lal lai thu ziakna buah a chuang a ni.
16. chutichuan Menaheman Tirza atang chuan Tipsa khua leh a chhunga awm zawng zawngte leh a ramte chu a bei a; an inhawn loh avangin a bei a ni; chunga nau pai lai hmeichhia zawng zawngte chu a pir thler a.
17. Juda lal Azaria kum sawmthu leh kum kua alal kum chuan Gadia fapa Menahema chu Israelte chungah a lal ta a, Samari khuaa kum sawm a lal a.
18. Tin, LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualnate khaa dam chungin a kalsan lo.
19. Asuria lal Pulan ram chu a rawn bei a; ram chu a neih nghehpui theihna'n Menahema chua Pula chu tangka talent sang a pe a.
20. Tin, Meahema chuan Assuria lal pek atan Israel mi neinungho zawng zawng lakah chuan tangka sekel sawmnga theuh a khawn a. Chutichuan Assuria lal chu a haw leh a, chu ramah chuan a awm reng lo.
21. Tichuan Menahema chanchin dang te, a thiltih zawng zawngte chu Israel lalte lal lai thu ziakna buaha c huang a ni lawm ni.
22. Tin, mMenahema chu a pi leh pute hnenah a muhil a; tin, a fapa pekahia chu a aiawhin a lal ta a.
23. Juda lal Azaria kum sawmnga a lal kum chuan Menahema fapa pekahia chu Israelte chungah Samari khuaan a lal tan a, kum hnih a lala a.
24. Tin, LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualnate khaa a kalsan lo.
25. Tin, a sipai hotu Remalia fapa pekan ama chu a phiar ru a, Samari khua a lal ina kulhah Argoba nen, Ariea nen a that ta a; a hnenah chuan Gilead mi sawmnga an awm ve a; tichuan Pekahia chu a that a, a aiawhin alal ta a.
26. Tichuan Pekahia chanchin dang te, a thiltih zawng zawngte chu ngai teh, Israel lalte lal lai thu ziakna buah chuan a chuang a ni.
27. Juda lal Azaria kum sawmnga leh kum hnih a lal kum chuan Remalia fapa peka chu Israelte chngah Samari khuan a lal tan a, kum sawmhni a lal a.
28. Tin, LALPA mithmua thil tha lo tak a thi thin a; Israelte thil tihsualtirtu Nebata fapa Jroboama sualnate kha a kalsan lo.
29. Israel lal Peka lal laiin Assuria lal Tiglath-pilesearn Ijon khua te, Abel-beth-maaka khua te, Janoa khua te, Kedes khua te, Hazor khua te, Gilead leh Galili ram te, Naphtali ram zawng zawng chu a la a; tin, Assuria raman salah a hruai a.
30. Tin, Ela fapa Josean Remalia fapa peka chu a phiar ru a, a bei a, a that a, Uzzia fapa Jothama kum sawmhnih a lal kum chuan a aiawin a lal ta a.
31. Tichuan Peka chanchin dang te, a thiltih zawng zawngte chu ngai teh, Israel lalte lal lai thu ziakna buah chuan a chuang a ni.
32. Israel lal Remalia fapa peka kum hniha lal kum chuan Juda lal Uzzia fapa Jothama chu a lal tan a.
33. A lal tantirh chuan kum sawmhnih leh kum nga mi a ni a; Jerusalem-ah kum sawm leh kum ruk a lal a; a nu hming chu Jerusi, Zadokmaia fanu a ni.
34. Tin, a pa Uzzia thiltih ang apiang ti vein LALPA mithmuha thil tha tak ati thin a.
35. Amaherawhchu hmun sangte zawng thehthang bo a ni chuang lo; hmun sangahte chuan mite chu an la inthawiin, rimtui an hal reng thin. LALPA in kawngka chhakta zawk chu a siam tha a.
36. Tichuan Jothama chanchin dang te, a thiltih zawng zawngte chu Juda lalte lal lai thu ziakna buah a chuang ani lo'm ni?
37. Chung lai chuan Suria lal Rezina leh, Remalia fapa peka chu Juda-ho bei turin LALPA'n a tir tan ta a.Tin, Jothama chu api leh pute hnenah a muhil a, a pi leh pute zingah a pu Davida khawpuiah an pum ta a; tin, a fapa Ahaza chu a aiawhin a lal ta a.
38. Tin, Jothama chu api leh pute hnenah a muhil a, a pi leh pute zingah a pu Davida khawpuiah an pum ta a; tin, a fapa Ahaza chu a aiawhin a lal ta a.
←  2Kings (15/25)  →