←  2Kings (12/25)  →
1. Jehua kum sarih a lal kum chuan Jehoasa chu a lal tan a; Jerusalem khuaah kum sawmli a lal a; a nu hming chu Zibi, Beer-seba khua ami a ni.
2. Tin, puithiam Jehoiadan Jehoasa chu a zirtir chhung zawng LALPA mithmuha thil tha a ti thin a.
3. Amaherawhchu hmun sangte zawng thehthang bo a ni chuang lo; hmun sangahte chuan mite chu an la inthawiin rimtui an la hal reng thin.
4. Tin, Jehoasan puithiamte hnenah, "LALPA ina lak luh thil serh tlanna sum zawng zawng, chhiar tawhte zinga kal apiangte tana tuk, an nun tlanna sum te, tupawhin LALPA ina lak luh an phal sum zawng zawngte chu,
5. puithiamten an hmelhriatte hnen atangin lo la theuh se la; tichuan in chia a che lai apiang, siam rawh se," a ti a.
6. Nimahsela heti hi a ni a, lal Jehoasa chu kum sawmhnih leh kum thum a lal hnu pawhin puithiamte chuan in chhia chu an la siam lo fo a.
7. Tichuan lal Jehoasa chuan puithiam Jehoiada leh puithiam dante chu a ko a, an hnenah, "Engati nge in che laite hi in siam loh? Tunah zawng in hmelrhiatte hnen ata tangka chu la tawh suh u la, in chhe siamna'n pe chuak tawh zawk rawh u," a ti a.
8. Tin, puithiamte chuan mite hnen ata tangka lak tawh loh leh, in hhe laite siamtu nih loh chu an remti a.
9. Amaherawhchu puithiam puithiam Jehoiadan bawm a la a, a chin a rek pawp a, LALPA ina luha ding lampang, maicham bulah a hung a; chutah chuan LALPA ina tangka rawn lak luh zawng zawng chu kawngkhar vengtu puithiamte chuan an la dah zel a.
10. Tin, heti hi a ni a, bawmah huan tangka a tam ta hle tih an hriatin, lal lehkha ziaktu leh puithiam lalber chu an han kal a, an fun a, LALPA ina tangka awm chin hu an chiar a.
11. ,12 Tin, an tangka chhiar chu hnathawkho, LALPA in satute chunga hotute an pe a, anni chuan LALPA in beitu, themthiamte leh in satute hlawhah te, lun gchhertute leh lung lai chhuaktute hlawhah te, LALPA in he laite siamna tur thing leh lung cherahte leh in siamna'n mamawh apiangahte leh in siamna'na mamawph apiangahte an hmang thin a.
12. ,11 Tin, an tangka chhiar chu hnathawkho, LALPA in satute chunga hotute an pe a, anni chuan LALPA in beitu, themthiamte leh in satute hlawhah te, lun gchhertute leh lung lai chhuaktute hlawhah te, LALPA in he laite siamna tur thing leh lung cherahte leh in siamna'n mamawh apiangahte leh in siamna'na mamawph apiangahte an hmang thin a.
13. Amaherawhchu LALPA in chunga an tangka rawn lak huan LALPA in atan tangkaraw note, khawnvar puan chehna te, maihunte, tawtawrawtte, rangkachak bungbel te, tangkaraw bungbelte an siam lo;
14. hnathawktute an pe thin a, LALPA in siamna chuan an hmang zawk thin a ni.
15. Tin, hnathawktute pek atana tangka an vawntirate pawh kha an en zuipui lem chuang lo; anni chuan rinawm takin an ti si thin a.
16. bawhchhiat thawina thilhlan tangka leh, sual thawina thilhlan tangkate chu LALPA inah chuan a la lut lut lo; puithiamte pual a ni.
17. Tichuan Suria lal Jazaela chuan gath khua a han bei a, a han la a; tin, Hazaela chu Jerusalem-a kal zel a tum a.
18. Tin, Juda lal Jehoasa chuan Juda lal a puteho Jehosaphata te, Jehorama te, Ahazia te lo hlan tawh thil serh zawng zawng leh, ama thil serhte leh, LALPA ina mi leh lal ina ro dah khawmnaa mi rangkachak awm zawng zawngte chu a la vek a, Suria lal Jazaela a thawn a; tichuan Jerusalem chu a hawisan leh ta a.
19. Tichuan Joasa chanchin dang te, a thiltih zawng zawngte chu Juda lalte lal lai thu ziakna bua a chuang a ni lo'm ni?
20. Tin, a mite chu an tho a, an phiar tu a, Joasa chu Silla pan chukna kawnga Millo inah an bei a, an tihlum a.Ama mi, Simeatha fapa Jozakara leh Somera fapa Jehozabada ten an that a ni; tichuan a pi leh pute zingah Davida khawpuian an phum a; tin, a fapa Amazia chu a aiawhin a lal ta a.
21. Ama mi, Simeatha fapa Jozakara leh Somera fapa Jehozabada ten an that a ni; tichuan a pi leh pute zingah Davida khawpuian an phum a; tin, a fapa Amazia chu a aiawhin a lal ta a.
←  2Kings (12/25)  →