←  2Corinthians (4/13)  →
1. Chu mi avang chuan khawngaihna kan hmuh ang zela he rawngbawlna hi kan neih avangin kan dawl lo a;
2. thil zahthlak inthupte chu kan malmak ta zawk a, ngamthlemna thu kan hmang lo a, Pathian thu mi bumna'n kan hmang hek lo; thutak hriattirPathian mithmuhin mi tin chhia leh tha hriatna mit kan intluntir zawk thin a ni.
3. Nimahsela, kan Chanchin Tha hi khuhin a awm chuan boral mekahte hian a ni, khuha a awm ni;
4. Krista, Pathian anpui, a ropuizia Chanchin Tha eng chuan anmahni a chhun en theih lohna turin chungahte chuan he khawvel pathian hian ring lote rilru a tidel ta a.
5. Mahni thu kan hril si lo a, Krista Isua chu Lalpa a nih kan hril zawk thin a, keini pawh Isua avanga in bawih kan nih kan hril bawk thin.
6. Isua Krista hmelah chuan Pathian ropuizia hriatna eng chu min pe turin, "Thim ata eng a eng chhuak ang," titu Pathian chuan kan thinlungte hi a chhun eng ta si a.
7. Nimahsela, thiltihtheihna nasatzia chu keimahni hnena mi ni loin, Pathian ta a nih theih zawkna turin chu ro chu hlum belahte kan vawng a ni.
8. Lehlam lehlama neksawrin kan awm a, nimahsela kan thaw a ipik si lo; mangangin kan awm a, nimahsela kan bei a dawng si lo;
9. tihduhdahin kan awm a, nimahsela kalsanin kan awm si lo; vuak thlukin kan awm a, nimahsela tihboralin kan awm si lo;
10. kan taksaah hian kumkhuain Isua thihna chu kan pu zel thin a, Isua nunna pawh kan taksaah hian a lan theihna'n.
11. Keini mi nungdama la awmte hi Isua avnga thi tura mantirin kan awm fo a, Isua nunna pawh kan tisa thi theiah hian a lan theihna'n.
12. Chutichuan, keimahniah hian thihnain a thawk thin a, nangniah erawh chuan nunnain a thawkzawk thin a ni.
13. Amaherawhchu, "Ka ring a, chuvangin thu ka sawi a ni," tih ziak ang khan, chu mi rinna rilru ngei puin keini pawhin kan ring ve a, chuvangin thu kan sawi bawk a;
14. Lalpa Isua kaithotu chuan keini pawh Isua hnenah min kaitho ve dawn a, nangmahni nen min dintir dawn tih kan hre si a.
15. Engkim nangmahni thatna tur a ni si a, khawngaihna chu mi tam zawk zara tihpuna awmin, Pathian ropuina turin lawmthu nasa tak a sawitir theihna'n.
16. Chu mi avangin kan dawl lo a,kan pawn lam mihring hi lo awngrawp telh telh mah se la, kan chhung lam mihring chu ni tin siam thar zelin a awm zawk a ni.
17. Kan hrehawm nep tak, tun mit khap kar chhung chauha awm tur hian ropuina nasa tak chatuan atan min siamsak nasa tulh tulh a ni;thil hmuh theihte hi en loin, thil hmuh theih lohte chu kan en zawk si a; thil hmuh theihte rei lo te atan a ni a, thil hmuh theih lohte erawh chu chatuan atan a ni si a.
18. thil hmuh theihte hi en loin, thil hmuh theih lohte chu kan en zawk si a; thil hmuh theihte rei lo te atan a ni a, thil hmuh theih lohte erawh chu chatuan atan a ni si a.
←  2Corinthians (4/13)  →