←  2Corinthians (10/13)  →
1. Tin, kei Paula, in zinga in mithmuha thuhnuairawlh taka awm a,in hnena awm loh veleha nangmahni lam zuam si thina ngei hian, Krista zaidamna leh nunnemnain kan ngen a che u;
2. a ni, in hnena ka awm hunah thenkhat, tisa anga awma min ruatte chunga huai taka awm ka tum ngamna ang hian ka zuam lohna tur che uin ka ngen a che u.
3. Tisaah awm mah i la, tisa indo angin kan indo lo a,
4. (keini inralthuamnate chu tisaa mi a ni si lo a, kulhpui nghet takte thiatna tura Pathian zarah thil ti thei tak a ni zawk),
5. hnialnate leh thil sang tinreng Pathian hriatna dal tura sang taka siamte chu thiatin, ngaihtuahna tinreng Krista thu awihna salah kan hruai a;
6. in thu awihzia a famkim hunah chuan thu awih lohna zawng zawng phuba la turin kan inpeih bawk a.
7. In mithmuha thil awmte chu a ni, in en thin ni. Tupawhin Krista ta nia a inrin chuan hei hi mahniin ngaihtuah leh rawh se, amah chu Krista ta a ni ang bawkin keini pawh kan nih ve hi.
8. Kan thuneihna (nangmahni thiatna'n ni lo a, nangmahni siam that zawkna'na Lalpa'n min pek hi) chhuang nasa lehzual mah i la ka mualpho dawn si lo a;
9. ka lehkha thawnte chuan tihhlauh che u tum anga ka lan lohna'n chu chu ka ti a ni.
10. "A lehkha thawnte chu a ritin a khauh a, a taksa lam erawh chu a awm nem a, a tawng pawh a sitawm a ni," an ti si a.
11. Chutiang mi chuan hei hi ngaihtuah rawh se, in hnena kan awm loh laia lehkha thawna thua kan awm angin in hnena kan awm hunah pawh thiltihah kan awm bawk ang.
12. Thenkhat mahni insawimawite zingah chuan kan inchhiar tel ngam lo a, anmahni nen kan intehkhin ngam hek lo; amaherawhchu anni zawng mahni leh mahni intehin, mahni leh mahni intehkhinin rilru nei loin an awm.
13. Keini erawh zawng kan tehna tawk aliamah chuan kan uang lo ang a, Pathianin bial min chantir a, chu tehna ang zel chuan kan uang zawk ang, nangmahni pawh bial hial tura tehna chu.
14. Bial phak loh pui bial che u angin kan huam zau lutuk si lo; Krista Chanchin Tha hrilin in khaw thleng pawhin kan lo kal kha:
15. kan tehna tawk liama mi, mi dang thawh rimte chu kan chhuang lo a; in rin a than angzia zelin, kan bial chin ang zelah, in zingah nasa taka tihlenin kan awm ang tih beiseina kan nei zawk a,
16. buatsaih sa kawng thu-ah chuan mi dang bial chhuang loin, in piah lam ram thleng pawha Chanchin Tha kan hrilh theihna'n.
17. Nimahsela, "A chhuang apiangin Lalpa chu chhuang rawh se,"Mahni insawi mawi chuan fak a hlawh si lo a, Lalpa'n a sawi mawi chuan fak a hlawh zawk a ni.
18. Mahni insawi mawi chuan fak a hlawh si lo a, Lalpa'n a sawi mawi chuan fak a hlawh zawk a ni.
←  2Corinthians (10/13)  →