←  2Chronicles (4/36)  →

---

1.

Tin, dar maicham, a dung lam tawng sawmhnih, a vang lam tawng sawm hnih, a san la tawng sawm a siam bawk a.

2.

Dar zem bial lian pui, a tlang leh a tlang inkara tawng sawm tla, a san lam tawng nga a chung bawk a: a tlang chu tawng sawmthum bial vel a ni.

3.

A tlang hnuai chu kuhmum lemte hian a vel chuak a, tawng khatah sawm zel, dar zel vel chuan a awm a. Kuhmum lem chu tlar hnih a ni a, dar zema chun belhbawm a ni.

4.

Chu chu bawngpa sawm leh pahni chungah a innghat a, pathumin hmar lam an hawi a, pathumin thlang lam an hawi a, pathumin chhim lam an hawi a, pathumin chhak lam an hawi a; hnung lam an inchhawn theuh a,

5.

tuizem chu kutphah bawka chhah a ni a, tin, 1200 dawng a ni, a tlang chu no tlang ang, lili par anga siam a ni.

6.

Insilna tur maihun sawm a siam bawk a, ding lampangah panga a hung a, vei lampangah panga a hung a; chung hchu halral thillan silna tur a ni a; dar zem eraw chu puithiamte insilna tur a ni.

7.

Tin, a siam dan tura ruat angin rangkachak khawnvar dahna sawm chu a siam a, biak in chungah chuan ding lamah panga, vei lama panga a dah a.

8.

Dawhkan sawm a siam bawk a, biak in chungah chuan ding lamah panga , vei lama panga a dah a. Tin, rangkachak maihun za a siam a.

9.

Chung lo pawh chu kawtzawl puithiamho ta leh a pawn zawka kawtzawl zau a siam a, kawngkharpui a siam bawk a, darin a luan a.

10.

Tin, zem chu in ding lampangah chak lama chhim chhawngin a hung a.

11.

Tin, Hurama chuan bel te, vutlawhna te, maihunte a siam a. Chutichuan Pathian in atana lal Solomona a siamsak chu Hurama chuan a peih ta a;

12.

ban pahnih te, bel anga bawk te, ban chhipa bel anga bawk pahnih te, ban chhipa bel anga bawk pahnih tuamna tial chik chek pahnih te,

13.

chu mi tuamna tial chik chek pahnih atana pawmgranet zali te, ban chhipa bel anga bawk pahnih tuamna tur tial chik chek ve ve atana pawmgranet tlar hnih te.

14.

Hunchhan te, hunchhan chunga belte pawh a siam a;

15.

zem pakhat leh a hnuaia sebawngpa sawm leh pahnihte nen.

16.

Bel te, vutlawhna te, sathurna te leh a bungbel zawng zawngte pawh chu Hurama chuan LALPA in atan dar nawtleta lal Solomonaa siamsak a ni.

17.

Chungte hu Jordan phai zawla Sukoth le Zereda belei hmuna lal chuan a chhung a.

18.

Chutiang chuan Solomonan bungbel tam tak a siam a; dar chu buk sen rual a ni lo.

19.

Tin, Solomona chuan Pathian ina bungbel awm zawng zawng chu a siam a, rangkachak maicham te, chhang chhiahna dawhkan te;

20.

ruat anga hmun thianghlim hmaa chhit tur khawnvar dahna te, a khawnvar chawpin, rangkachak hlir hlain a siam a;

21.

tin, pangpar te, khawnvarte leh chaichehte chu rangkachak, rangkachak hlir hlakin a siam a;tin, khawnvar puan chehna te, maihun te, fian te, mei laknate chu rangkachak hlir hlak bawkin: tin, in chhung luhna, in chhung ril zawk hmun thianghlim ber kawngkharte leh a in, Biak in kawngkhar te chu rangkachakin a siam a.

22.

tin, khawnvar puan chehna te, maihun te, fian te, mei laknate chu rangkachak hlir hlak bawkin: tin, in chhung luhna, in chhung ril zawk hmun thianghlim ber kawngkharte leh a in, Biak in kawngkhar te chu rangkachakin a siam a.

---

←  2Chronicles (4/36)  →