←  2Chronicles (3/36)  →
1. Chutichuan Solomona chuan Jerusalem-ah, Moria tlang, a pa Davida hnena LALPA inlarna, Jebus mi Ornana hruihzawl, Davida'n hmun a lo buatsaihsaah chuan LALPA in chu a sa tan ta a.
2. A lal kum li kum, thla hnihna, ni hnih niin a sa tan a.
3. Pathian in sak dan tur Solomonan a han rel dan chu hetiang a ni. A dung lam chu tawng teh dan hluiin tawng sawmruk a ni a, a vang lam chu tawng sawmhnih a ni.
4. A hma lama hulhliap dung lam chu in vang lam chen bawk tawng sawmhnih a ni a, a san lam chu za leh sawmhnih a ni a; a chhung chu rangkachak hlir hlak tiin a luan a.
5. Tin, pindan lian zawk bangah chuan far thing a bel a, chu chu rangkachak hlir hlak tiin a luan a, chutah chuan tum thing leh khaidiat lem a chuantir a.
6. Tin, a timawi turin in chu lunghlutein a chei a; rangkachak chu Parvaim rangkachak a ni.
7. In chu, kalkhang te, bang te, a chhuat te, a kawngkharte chu rangkachakin a chuantir a.
8. Tin, hmun thianghlim ber a siam a; a dung lam chu in vang lam che bawk, tawng sawmhnih a ni a, a vang lam chu tawng sawmhnih a ni a; rangkachak hlir hlak tiin a luan a, talent zaruk a tling a.
9. Tin, a kilhna rih lam chu rangkachak sekel sawmnga a ni. Tin, pindan chungnungte chu rangkachakin a luan a.
10. Tin, hmun thianghlim berah chuan cherub lem panih a siam a; chung chu rangkachakin a luan a.
11. Tin, cherub thlate chuan tawng sawmhni a awh a; cherub pakhat thla chu tawng nga a ni a, bang a va thleng a; tin, a thla lehlam pawh chu tawng nga bawk a ni a, cherub pakhat thla chu a va thleng a.
12. Tin, cherub pakhat thla pawh chu tawng ngaa ni a,bang chu a va thleng a; a thla lehlam chu tawng nga bawk a ni a; cherub pakhat thla chu ava thleng a.
13. Chung an thla an cherub-te chuan tawng sawmhnih awhin an thla an zar a, an ding a, in chung lam hawiin an ding a.
14. Tin, puanzar tur a dumpawl te, a senduk te, a senlar te, la zai sin taktein a siam a, chuta chuan cherub lemte a chuantir a.
15. Tin, a hma lama chuan tawng sawmthum leh tawng ngaa sang ban pahnih a phun a, chu mi chhip chu tawng nga ve ve a ni.
16. Chu mi hmunah chuan khaidait a siam a, ban chipte chu a zem a; tin, pawmgranet za a siam a, khaidiatah chuan a khai a.Tin, biak in hma lama chuan bante chu a phun a, pakhat ding lamah, pakhat vei lamah; tin, ding lama mi chu Jakin a ti a, vei lama mi chu Boaz a ti a.
17. Tin, biak in hma lama chuan bante chu a phun a, pakhat ding lamah, pakhat vei lamah; tin, ding lama mi chu Jakin a ti a, vei lama mi chu Boaz a ti a.
←  2Chronicles (3/36)  →