←  2Chronicles (23/36)  →
1. Tin, a kumsarih kumah chuan Jehoiada chu a intichak a, sipai za hotu, Jehorama fapa Azaria te, Jehanana fapa Ismaela te, Obeda fapa Azaria te, Adaia fapa Maaseia te, Zikria fapa Elisa phata te hnenah thu a thlung a.
2. Tin, Judai ram an fang a; Judai ram khaw tina Levi-hote leh Israelte chhungkaw puipate an khawm a. Jerusalem an han thleng a.
3. Tin, pungkhawmho zawng anwg chuan Pathian inah lal hnenah chuan thu an thlung a. Tin, an hnenah, "Ngai teh u, LALPA'n Davida fapate chungchang thu a lo sawi angin lal fapa chu a lal tur a ni.
4. In tih tur chu hetiang hi a ni: Puithiamte leh Levi-ho chawlhnia lo kal thinte chu hmun thuma thena hmun khat kawngkhar vengtute in ni ang a.
5. Tin, hmun thuma thena hmun khat chu lal inah in awm ang a; tin, hmun thuma thena hmun khat chu kulh kawngkaah; tin, mipui zawng zawng chu LALPA in kawt hung chhungah an awm ang.
6. Nimahsela puithiamte leh rawngbawltu Levi-hote chauh lo chu tumah LALPA inah lut suh se; anni chu an thianghlim avangin an lut ang a, mipui zawng zawng erawh chu LALPA ngaichangin an awm tur a ni.
7. Tin, Levi-hoin an hriamhrei kengin lal chu an din hual ang a; tin, tupawh ina lo lut chu thah tur a ni a; tin, lal chu a chauh leh a luhin a hnenah awm zel rawh u," a ti a.
8. Chutichuan Levi-ho leh Juda zawng zawngte chuan puithiam Jehoiada thupek ang zawng zawng chuan an ti a; tin, mahni hote theuh chawlhnia lo kal turte leh chawlhnia tin turte chu an hruai a; puithiam Jehoiada chuan a tin tur pawl chu a la tintir si lo a.
9. Tin, puithiam Jehoiada chuan sipai za hotute chu LALPA ina awm lal Davida fei leh phawte leh phaw liante chu a pe a.
10. Tin, mite chu hriamhrei keng theuhin in ding lampang atangin vei lampang thlengin maicham leh In hualin lal a din hualtir a.
11. Chutichuan lal fapa chu an rawn hruai chuak a, lallukhum an khumtir a, thuhriattirna chu an pe a, lalah an siam a, Jehoiada leh a fapate chuan hriak an thih a, "Pathianin lal chu humhim rawh se," an ti a.
12. Tin, Athaliin mipui lal chawimawia an zi mur mur thawm chu a hriatin LALPA inah mipui zingah chuan a va kal a;
13. tin, a han en a, ngai teh, kawngkaa ban bulah lal chu a ding a, a kianga sipai hotute leh tawtawrawt hamtute nen; tin, chu mi rama mi zawng zawng chu an hlim em em a, tawtawrawtte an ham dur dur a; tin, hla satute chuan an thil ri theite tumin fakna hla an saho a. Tichuan Athali chuan a puante a pawtthler a, "Phiar rukna! phiar rukna a ni ta le!" a ti a.
14. Tin, puithiam Jehoiada chuan sipaite chunga hotua ruat sipai za hotute chu a hruai chuak a, an hnenah, "Sipaihote karah chhuahtir u la, tin, tupawh a zui apiang chu khandaiha sahhlum ni rawh se," a ti a; puithiam chuan, "LALPA inah zawng thah tur a ni lo e," a lo ti tawh si a.
15. Chutichuan kawng an kian a, tin, sakawr luhna kawngkaah lal inah a kal a, chutah chuan an that a ni.
16. Tin, Jehoiada chuan amah leh mipui zawng zawng leh lal karah chuan LALPA mite ni turin thu a thlung ta a.
17. Tin, mipui zawng zawng chu Baala inah an kal a, an tichhia a, a maicham te, a lemte an tisawm dep a, Baala puithiam Matana chu maicham bula an that a.
18. Tin, Jehoiada chuan, Mosia dan bua a ziak anga hlim tak leh hla sa chunga Davida'n LALPA ina LALPA hnena halral thilhlan hlan tura a lo ruat puithiam Levi-ho hnuaia thawk turin Davida thupek angin LALPA biak in vengtu turte pek angin LALPA biak in vengtu turte chu a ruat a.
19. Thianghlim lo tawh phawt chu an luh lohna'n LALPA in kawng khar vengtute a ruat a.
20. Tin, za chunga hotu te, mi tha te, mipui awptute chu mi rama mi zawng zawngte chu a hruai a, LALPA ina lal chu an han hruai thla a; kawngkhar chhakta zawkah lal in lamah an kal a, lal chu an ram lalthutthlengah chuan an thuttir ta a.Chutichuan chu rama mi zawng zawng chu hlim takin an awm a, khua chu ralmuangin a awm ta a: Athali chu khandaihin an that a.
21. Chutichuan chu rama mi zawng zawng chu hlim takin an awm a, khua chu ralmuangin a awm ta a: Athali chu khandaihin an that a.
←  2Chronicles (23/36)  →