| ← 2Chronicles (19/36) → |
| 1. | Tin, Juda lal Jehosaphata chu thlamuang takin Jerusalem-a a inah a haw leh ta a. |
| 2. | Tin, zawlnei Hanania fapa Jehua chuan alo hmuak a, lal Jehosaphata hnenah, "Mi suaksual chu i tanpuiin LALPA hawtute chu i hmangaih dawn a ni maw? He mi avang hian LALPA thinurna i chunga a lo awm ta a ni. |
| 3. | Amaherawhchu he ram ata Aseri i thehthang bo a, LALPA i zawn avang hian thatna kawng eng emaw zawng i la nei cheu a ni," a ti a. |
| 4. | Tin, Jehosaphata chu Jerusalem-ah a awm a; tin, Beer-seba atanga Ephraim tlang ram thlengin a mite zingah a kal leh a, LALPA an pi leh pute Pathian lamah a hruai kir leh hlawm a. |
| 5. | Tin, khaw tinah Judai ram kulh nei khua zawng zawngahte chuan roreltute a dah a. |
| 6. | roreltute hnenah chuan, "In thiltih chu ngun taka ngaihtuahin ti rawh u; mihring tana rorel in ni lo a, LALPA tan a ni zawk si a; rorelnaa chuan in hnenah a tel zel a ni. |
| 7. | Chuvangin LALPA hlau u la, fimkhur takin ti rawh u; LALPA kan Pathianah chuan khawlohna leh thlei bik neihna leh tham einate a awm lo a ni,"a ti a. |
| 8. | Tin, Jehosaphata chuan Jerusalem-ah LALPA rorel tur leh thubuaite remtu atan Levi-hote puithiam te, Israel chhungkaw puipate a dah bawk a. |
| 9. | Tin, "LALPA tih chungin rinawm takin, rilru dik tak puin in ti tur a ni. |
| 10. | Khawii khuaa mi pawhin thubuai an rawn sawi a, tualthah te, dan leh thupek thu-ah te, thuruat leh rorel thu-ahte an rawn inkhin chuan, LALPA chunga thil an tihsual lohna'n fimkhur turin hrilh ang che u, nangmahni leh in unaute chungah thinurna a lo thleng dah rual ang e; chutiang chuan ti u la, thiam loh in chang dawn lo nia.Tin, ngai teh u, LALPA lam thu zawng zawngah chuan puithiam lalber Amaria chu in hotu a ni a; tin, lal lam thu zawng zawngah chuan Juda te chhungkaw chunga roreltu Ismaela fapa Zebadia a ni: Levi-hote pawh in hotute an ni ve ang. Huai takin ti u la, mi thate hnenah chuan LALPA chu awm rawh se," a ti a. |
| 11. | Tin, ngai teh u, LALPA lam thu zawng zawngah chuan puithiam lalber Amaria chu in hotu a ni a; tin, lal lam thu zawng zawngah chuan Juda te chhungkaw chunga roreltu Ismaela fapa Zebadia a ni: Levi-hote pawh in hotute an ni ve ang. Huai takin ti u la, mi thate hnenah chuan LALPA chu awm rawh se," a ti a. |
| ← 2Chronicles (19/36) → |