| ← 2Chronicles (17/36) → |
| 1. | Tin, a fapa Jehosaphata a aiah a lal a, Israel mite do turin a indin nghet a. |
| 2. | Tin, Judai rama kulh nei khua zawng zawnga sipaite a dah a: Judai ram leh a pa Asan a lo lak Ephraim rama khuaahte chuan ralvengtute a dah a. |
| 3. | Tin, Jehosaphata hnena chuan LALPA a awm a; aala te zawng loa a pu Davida'n a zawh hmasak tawh kawng chu a zawh a, |
| 4. | an pi leh pute Pathian chu zawnga, Israel mite tih ang ti loa a thupekte a zawm zawk avangin. |
| 5. | Chuvangin LALPA'n a ram chu a kutah a tinghet a, tichuan Judai rama mi zawng zawngin Jehosaphata chu lawmman te an rawn pe a, a lo hausain a lo ropui ta hle mai a. |
| 6. | Tin, a rilru chu LALPA lamah a thle a; tin, Judai ram aa hmun sangte leh Aserite a thehthang bo vek bawk a. |
| 7. | Tin, kum thum a lal kumin ami lian Benhaila te, Obadia te, Zekaria-te Nethanela te, Mikaiate chu, Judai ram khuatea mite zirtir turin a tir chhuak bawk a: |
| 8. | tin, Levi mi, Semaia te, Nethania te, Zebadia te, Asahela te, Semiramotha te, Jehonathana te, Adonija te, Tobija te, Tobadonija te an tel ve a, tin, puithiam Elisama leh Jehorama an tel bawk a. |
| 9. | Tin, LALPA dan bu an keng a, Judai ramah chuan an zirtir a, Judai ram khua zawng zawng an fang a, mite an zirtir a. |
| 10. | Tin, Judai ram vel ram zawng zawnga mite chuan LALPA chu an hlau a, tumah Jehosaphata chu an do ngam lo a. |
| 11. | Tin, Philistia mi thenkhatin Jehosaphata chu lawmman an rawn pe a, chhia atan tangkaruate an pe bawk a; tin, Arabia mite pawhin ran rual, berampa sangsarih le zasarih le kelpa sangsarih le zasarih an rawn kaih a. |
| 12. | Tichuan Jehosaphat achu alo ropi ta hle mai a, Judai ramah kulhte leh thil dah khawmna khuate a siam a, |
| 13. | Judai ram khuaahte chuan hna tam tak a nei a; Jerusalem-ah sipai mi chak huaisente a ngah bawk a. |
| 14. | Tin, an chhungkua kua zela an awm dan chu hetiang hi a ni. Juda chhungkuaa sang hotu te chu, hotu Adana chuan mi chak huaisen nuaithum a hova; |
| 15. | a dawttu Jehohananan nuaihnih leh singriat a ho a; |
| 16. | tin, a dawt lehtu Zikria fapa Amasia chu inphal taka LALPA tana inpein, mi chak huaisen nuaihnih a ho a; |
| 17. | tin, Benjamin chhungkuate - mi chak huaisen Eliadan thal leh phaw hmang mi nuaihnih a ho a; |
| 18. | a dawttu Jehozabada chuan ralkap tura inpeih diam nuaikhat leh singriat a ho a. Heng zawng zawng hi Judai rama kulh nei khuaa lalin a dahte tiam loa lal hnena awm rengte an ni. |
| 19. | Tin, a fapa Jehosaphata a aiah a lal a, Israel mite do turin a indin nghet a. |
| ← 2Chronicles (17/36) → |