←  2Chronicles (16/36)  →
1. Asa kum sawmthum leh kum ruk a lal kumin Israel lal Baasa chuan Judate a han bei a, Juda lal Asa hnenah lut tur leh chhuak tur danna'n Rama khua a siam a.
2. Chutichuan Asan LALPA in leh lal ina ro tangkarua leh rangkachakte chu a la chhuak a, Damaska-a Suria lal Benhadada hnenah,
3. "Ka pa le i pa kara thuthlung a awm ang bawkin kan kara thuthlung a awm a, ngai teh, tangkarua leh rangkachakte ka thawn a che; ti teh, Israel lal Baasa hian mi tinsanna turin a hnena i thuthlun kha thiat leh teh mai," tiin a thawn a.
4. Tin, Benhadada chuan lal Asa thu chu a lo pawm a; tichuan Israel khuate chu bei turin sipai hotute a tir a; Ijon kua te, Dan khua te, Abelmaim khua te, Naphtali rama bungraw dahna khua zawng zawngte an bei a.
5. Tin, heti hi a ni a, Baasan chu mi thu chu a lo hriat veleh Rama khua a siam lai chu a chawlhsan a, a thiltih tum chu a thulh ta a.
6. Chutichuan lal Asa chuan Juda mi zawng zawng chu a hruai a, Baasan Rama khaw siamna'na lung leh thing a hmante chu an la vek a, chu chuan Geba leh Mizpa khua a siam a.
7. Tin, chu mi lai chuan zawlnei Hanania chu Juda lal Asa hnenaha lo kal a, a hnenah, "LALPA i Pathian ring loin Suria lal i ring a, chuvangin Suria lal sipai rualte chu i chauh ta a ni.
8. Ethiopia-ho leh Lub-hoe chu sipa rual lian tak, tawlailir leh sakawr chung chuang mite tam tak an ni lawm ni kha? Nimahsela LALPA i rin avang khan i kutah a pe a nih kha.
9. A lama rilru dik tak putute chunga a chakzia tilang turin khawvel zawng zawngah LALPA mit chu a leng ruai ruai thin a ni. atthlak takin thil i ti a nih hi; tun achinah chuan do i nei reng rawh ang," a ti a.
10. Chutichuan Asa chu zawlnei chungah chuan a thinrima, tan ina a kung ta a;a thu sawi avangin a thinrim ta hle mai a ni. Tin, Asa chuan mi thenkhate pawh a tiduhdah leh ta nghal zel a.
11. Tin, ngai teh u, Asa chanchin chu a bul atanga a tawp thlengin Juda leh Israel lalte chanchin ziakna buah a chuang a ni.
12. Tin, kum sawmthum leh kum kua a lal kumin Asa chu a ke a lo na ta a; a na chu nasa tak a ni; nimahsela a natnaah chuan LALPA ruai loin damdawi thiamte a ruai zawk a.
13. Tin, Asa chu a pi leh pute hnenah a muhil a, kum sawmli leh kum khat alal kumin a ti a.Tin, Davida khawpuia a ma puala a ker, ama thlanah an phum a, rimtui tui tak, rimtui siamtuten rimtui chi hrang hrang an siama khat khumah an zalh a, a pualah meipui nasa tak an chhep a.
14. Tin, Davida khawpuia a ma puala a ker, ama thlanah an phum a, rimtui tui tak, rimtui siamtuten rimtui chi hrang hrang an siama khat khumah an zalh a, a pualah meipui nasa tak an chhep a.
←  2Chronicles (16/36)  →