2Chronicles (15/36)  

1. Tin, Odeda fapa Azaria chungah Pathian thlarau a lo thleng a;
2. Asa hmuak turin a kal chhuak a, a hnenah, "Asa leh Juda mi zawng zawng leh Benhamin mite u, ka thu ngaithla teh u: a lama in tan chhung zawng LALPA chu in lamah a tang a, amah in zawn chuan in hmu ang a, amah in hawisan chuan ani pawhin a hawisan ang che u.
3. Israel mite chu rei tak Pathian tak nei lo leh zirtirtu leh puithiam nei lo leh dan nei loin an lo awm a:
4. amaherawhchu an mangana LALPA Israelte Pathian lam an hawi a, an zawn veleh an hmu a a ni kha.
5. Tin, chung lai chuan a chhuaklam leh a lut lamte tan ralmuanga awmna a awm lo a, ram chunga awm zawng zawngte tan manganna nasa tak hlir a ni zawk a.
6. Hnam leh hnam, khua leh khua an intichhe rem rum a; Pathianinhreawm tinrengin a timangang anih kha.
7. Nimahsela nangni zawng chak takin awm u la, inthlahdah su u, in thiltih man chu in hmu dawn a ni," a ti a.
8. Tin, Asan chung thute leh zawlnei Odeda thu sawite chu a hriatin a inti huai a, Judai ram leh Benjamin ram zawng zawng ata leh Ephraim tlang rama a khawlak ata thil tenawmte chu a thehthang bo vek a; LALPA hulhliap bula LALPA maicham chu a din tha a.
9. Tin, Judai ram leh Benjamin rama mi zawng zawng, a hnena khawsa ve Ephraim leh Manase leh Simeon rama mite nen a ko khawm vek a: LALPA a Pathian a hnenah a awm tih an hratin Israel ram atangin an rawn bel ta huai huai mai si a.
10. Chutichuan Asa kum sawm leh kum nga a lal kum, a thla thumnaah Jerusalem-ah an pung khawm chiam a.
11. Tin, chu mi ni chuan an rallak bawngpa zasarih leh beram sangsarihin LALPA hnenah an inthawi a.
12. Tin, an rilru leh an thinlung zawng zawngin LALPA an pi leh pute Pathian zawng tur leh
13. tupawh LALPA Israelte Pathian zawng lo chu alian ate, a hmei apain tihhlum tur thu an thlung a.
14. Tin, LALPA hnenah aw ring takin, au rawlin tawtawrawt ri nen, tawtawrawt bi nei ri nen chhia an chham a.
15. Juda mi zawng zawng chu lungsi taka chhechham an ni avangin an lawm tlang hle a, LALPA chu tihtakzetin an zawng a, hmuh pawh an hmu ta reng a, hmun tinah ralmuangin an awm ta a.
16. Tin, lal Asa nu Maakai pawh chu milem tenawm tak Aseri a siamsak avangin a lalnu nihna a ban a; tin, Asa chuan a milem chu a sat thlu a, a tisawm dep a, Kidron luiah a hal a,
17. amaherawhchu Israel ram ata hmun sangte chu thehthang bo a ni lo a; nimahsela Asa rilru chu a lal chhung chuan a fel hle reng a.
18. Tin, a pan thil a lo hlan leh ama lo hlan tangkarua te, rangkachak te, bungbelte chu Pathianina a la lut a.Tin, Asa lal lai kum sawmthum leh kum nga chhung chuan indo reng reng a awm lo a.
19. Tin, Asa lal lai kum sawmthum leh kum nga chhung chuan indo reng reng a awm lo a.

  2Chronicles (15/36)