←  1Samuel (30/31)  →
1. Tin, heti hi a ni a, ni thum nia Davida le amiten Ziklag an thlen chuan, Amalek-hoin Chim lam leh Ziklag khua chu an lo run tawh reng a, Ziklag khua chu an lo sawi sa a, an lo hal a;
2. hmeichhiate chu chu mi khuaa awm apiangte chu a lian atein salah an man a; tumah that loin an hruai a, an hawnpui tawh a.
3. Tin, Davida leh a mite khua an va thlen chuan, ngai teh, a lo kang fai vek tawh a; tin, an nupui te, an fapa te, an fanute chu salah an lo man tawh a.
4. Chutichuan Davida leh a hnena awmte chuan an aw an chhuah a, tap hlei thei tawh lo khawpin an tap a.
5. Tin, Davida nupuite pahnih Jezreel mi Ahinoami leh Karmel-a mi Nabala nupui Abigaili te pawh salah an hruai tawh a.
6. Tin, Davida chu a mangang hle mai a; mi tin, an fapate leh an fanute avanga mi zawng zawng an thin a nat em ema ama chu lunga den thu a sawi avangin; nimahsela Davida chu a Pathian LALPAAH chuan a intichak a.
7. Tin, Davida chuan Ahimeleka fapa puithiam Abiathar a hnenah chuan, "Puithiam kawr mi va laksak teh khai," a ti a. Tin, Abiathara chuan Davida chu puithiam kawr chu a va laksak a.
8. Tin, Davida chuan, "Chungho chu um i la ka la umpha ang em le?" tiin LALPA a zawt a. Ani chuan a chhang a, "Um rawh, i umpha ngei nge ang a, ichhanchhuak vek ngei ngei ang," a ti a.
9. Chutichuan Davida chu akal ta, amah leh a hnena mi zarukte nen; tin, Besor lui chu an va thleng a,a n mi hnutchiahte chu chutah chuan an awm ta a.
10. Davida erawh chuan a um zel a, amah leh mi zalite nen chuan, mi zahni chu an chauh tawh avangin Besr lui chu an kan ve thei ta lo v, an lo awm ta a ni.
11. Tin, phulah hian Aigupta mi an va hmu a, Davida hnenah chuan an hruai a, chhang an pe a, a lo ei a: tin, tui in tur an pe a;
12. tin, theipui hlawm tlang khat leh grep rah pho ro bawr hnh an pe a; tin, chung chu a han ei chuan a lo harh leh ta a; ni thum leh zan thum chaw ei lo leh tui in lo a ni si a.
13. Tin, Davida chuan a hnenah, "Tu mi nge i nih? Khawi atanga lo kal nge i nih?" a ti a. Tin, ani chuan, "Aigupta ram tlangval, Amalek mi chhiahhlawh ka ni a; tin, ni thum a ni ta a, ka dam loh avangin ka puin min kalsan ta mai a ni.
14. Kereth Chhim ram leh Juda chan Chhim ramte kan run bawk a; tin, Ziklag khua pawh kan hal a," a ti a.
15. Tin, Davida chuan a hnenah, "Chunghote awmnaah chuan min zuk hruai thei ang em?" a ti a. Tin, ani chuan, "Min that lo tur leh ka put kuta mi pe leh lo turin Pathian hming chalin ka hnenah chhia chham la, tichuanchungho awmnaah chuan ka zuk hruai ang che," a ti a.
16. Tin, a zuk hruai chhuk chuan, ngai teh, Philistia ram le Judai rama rallak tam tak an 1ak avangin ruai an theh a, an eiin an in a, an lo awm darh nuaih mai a.
17. Tichuan Davida chuan ni tlak atanga a tuk tlai lam thlengin a bei ta a, tlangval zali sanghawngsei chunga chuanga tlanchehote chau lo chu tumah dama chhuak reng reng an awm lo a.
18. Tin, Davida chuan Amahlek miten an lak zawng zawng chu a la leh vek a; tin, Davida chuan a nupui pahnihte chu a chhan chuak a.
19. Chutichuan a lian a tein, an fapa te, an fanu te, an rallak leh an thil lak reng reng engma chan an nei lo v, Davida chuan a laksak leh vek a.
20. Tin, Davida chuan beram rual leh ran rual zawng zawngte chu a la a, ran dangte hmaa an khalh a, "Heng hi Davida rallak anih hi," an ti a.
21. Tin, mi zahnih an chauh avanga Davida zui tei ta lo Besor luia an awmtirte hnen chu Davida chuan a va thleng a; tin, anni chu Davida hmuak tur leh a hnena awmte hmuak turin an kal chhuak a; tin, Davida'n mipuite kiang a va thlen chuan chibai a buk hlawm a.
22. Chutichuan Davida hnena kalhote zinga mi sualte leh Beliala mi zawng zawngte chuan an chang a, "Kan hnena an kal ve lo avangin rallak thil kan va chhuh leh reng reng chu kan pe ve lo ang a, an hruai a, an kal theihna'n an nupuite leh an fate theuh erwh chu an hruai kan phal ang," an ti a.
23. Chutichuan Davida'n, "Unaute u, LALPA, min humsaka min do tura lo thawkho kan kuta petu thil min pekte chu chutiang chuan in ti lo ang.
24. Tuin nge he thuah hian in thu pawm ang? Indonaa zuk kalte chan ang bawk chu bungraw venga lo awmte chuan an chang ve tur a ni alawm; inang vekin chan tur a ni," a ti a.
25. Tichuan chu mi ni atngin tun thleng hian Israelte tan thupekah leh dana luang turin a siam ta a.
26. Tin, Davida'n Ziklag khua a thlen chuan rallak thenkhat chu, "Hei, LALPA hmelmate laka rallak, lawmman atan ka thawn a che u," tiin.
27. Bethel-a awm te, Chhim Ramoth-a awm te, Jatir-a awm te;
28. Aroer-a awm te, Sipmoth-a awm te, Estemo-a awm te;
29. Rakal-a awm te, Jerameel khuatea awm te, Ken khuatea awm te;
30. Horma-a awm te, Korasan-a awm te, Atak-a awm te;Hebron-a awm te leh Davida leh a mite chettlatna thin hmun zawng zawng awm Juda upa, a thiante hnenah chuan a thawn a.
31. Hebron-a awm te leh Davida leh a mite chettlatna thin hmun zawng zawng awm Juda upa, a thiante hnenah chuan a thawn a.
←  1Samuel (30/31)  →