←  1Samuel (28/31)  →
1. Tin, heti hi a ni a, chung lai chuan Philistia mite chuan an sipaite chu Israel mite beia do turin an khawm chiam mai a. Tin, Akisa chuan Davida hnenah, "Nang leh mite chu sipaiho zingah ka hnenah in kal ngei dawn ani tih hre rawh," a ti a.
2. Tin, Davida chuan Akisa hnenah, "Aw le, i chhiahlawh thil tih theih dan chu i hre mai ang," a ti a. Tin, Akisa chuan Davida hnenah, "A that chu! Mi vengtuah ka siam kumkhua ang che," a ti a.
3. Samuela chu a ti taw a, Israel mi zawng zawn chuan an tah a, ama khua ngei Rama khuaah chuan an phum tah a. Tin, Saula chuan an ramhuai aienthiam zalwte leh dawithiamte chu a ram ata a hnawt chuak vek tawh a.
4. Tin, Philistia mite chu an pung khawm a, Sunem-ah chuan tanhmun an va khuar a: tin, Saula chuan Israel mi zawng zawng a khawm a, Gilboa-ah tanhmun an khuar ve a.
5. Tin, Saula'n Philistia sipaihote a hmu chuan a hlau a, a rilru a khur zawih zawih mai a.
6. Tin, Saula chuan LALPA a han rawn pawhin LALPA chuan mang emaw, Urim emaw, zawlnei emawin a chang lo reng reng a.
7. Chutichuan Saula chuan a chhiahhlawhte hnenah chuan, "Ramhuai aienthiam zawl hmeichhia hnena ka kala ka rawn turin min zawnsak raw u," a ti a. Tin, a chhiahhlawhte huan a hnenah, "Ngai teh, Endor khuaah ramhuai aienthiam zawl hmeichhia a awm a sin," an ti a.
8. Tin, Saula chu a inbawl danglam a, puan danglam a inbel a, amah leh midang pahnih nen an kal a, zanah hmeichhe hnen chu an va thleng a: tin, "Ramhuai aienna chuan ai mi ensak la, i hnena a hming ka lam apiang chu mi koh chauhsak ang che," a ti a.
9. Tin, hmeichhia chuan a hnenah, "Ngai teh, Saula thiltih chu i hria a, a rama ramhuai aienthiam leh dawithiamte chu a tibo zo tawh a, engati nge ka thihna turin ka nunna thang i kam dawn ni le?" a ti a.
10. Tin, Saula chuan LALPA hming chhalin, "LALPA nunna chhalin ka sawi e, he mi thil avang hian i chungah hremna a thleng lo ang," tiin a hnenah chhia a chham a.
11. Chutichuan hmeichhia chuan, "Tunge ka han koh chauhsak ang che?" a ti a. Tin, ani chuan, "Samuela mi han koh chhuahsak rawh," a ti a.
12. Tin, hmeichhia chuan Samuela a han hmuh chuan a au vak a; tin, hmeichhia chuan Saula hnenah, "Engati nge mi bum, Saula i ni reng si a?" a ti a.
13. Tin, lal chuan a hnenah, "Hlau suh; eng nge ni i hmuh tak le?" a ti a. Tin, hmeichhia chuan Saula hnenah, "Lei atanga Pathian lo chhuak ka hmu," a ti a.
14. Tin, a hnenah, "Eng ang nge anih?" a ti a. Ani chuan, "Putar pui hi a lo chhuak a, kawrfual a ha," a ti a. Tin, Saula chuan Samuela a ni tih a hria a, a hmaia lei siin chibai a buk a.
15. Tin, Samuela chuan Saula hnenah, "Engati nge hetianga mi koh chauh buai ni?" a ti a. Tin, Saula chuan a chhang a, "Ka mang a ang em em atin a ni: Philistia mite chuan min do a, Pathian lah chuan min hawisan a, zawlnei emaw, mumang emaw pawhin min chang ta lo reng reng a: chuvang chuan ka tih tur min hrilh turin ka ko ta che a ni," a ti a.
16. Tin, Samuela chuan, "Chutia LALPA'n a hawisan chia i hmelma a lo ni ta tih hre reng chung si chuan engah nge thu mi zawh?
17. Keimah hmanga a sawi ang khan LALPA chuan i chungah a ti ta a nih chu: LALPA chuan i kut ata ram chu a chhuhsak a, i thenawm, Davida ngei chu a pe ta a ni.
18. LALPA thu i awih loh avang leh Amalek-ho chungah a thinurna nasa tak ang khan i hlen loh avangin tunah hian i chungah he thil hi a ti ta ani hi.
19. Chu lo pawh chu, LALPA chuan nangmah leh Israel-hote pawh chu Philistia mite kuta a pe ang a; tin, naktukah hian nang leh i fapate chu ka hnenah in lo awm ang: LALPA chuan Israel sipaihote pawh chu Philistia mite kuta a pe ang," a ti a.
20. Chutichuan Samuela thusawi avang chuan Saula chuan a hlau ta em em mai a, leiah a tlu ta der mai a; tha leh zung reng reng a nei lo a, nileng leh zankhua chaw ei lo ani si a.
21. Tin, hmeichhia chu Saula hnenah chuan a kal a, a lungngai em em tih a hria a, a hnenah, "Ngai teh, i chhiahhlawhnuin i sawi chu ka awih a, thih leh thih ka hnena i thusawite chu ka pawm a ni.
22. Chuvangin nang pawhin i chhiahhlawhnu thu chu awih ve thung ang che; chaw tlem tal ka han hlui ang chia, tichuan i hawn huna thahrui i neih theihna'n ei ang che," a ti a.
23. Nimahsela a du lo a, "Ka ei lo ang," a ti a. Nimahsela a chhiahhlawhte chuan hmeichhia nen chuan an tir lui a; an thu chu a awih ta a. Chutichuan lei ta chu a tho a, khumah chuan a thu a.Tin, hmeichhia chuan sebawng no chawm thau a inah chuan a nei a, a va talh thuai a, tin, chhangphut a la a, a hmet a, dawidim tel lo chhang a siam a; tin, Suala leh a chhiahhlawhte hmaah chuan a va hlui a; tin, an lo ei ta a. Chutichuan an tho a, chu mi zan chuan an kal ta a.
24. Tin, hmeichhia chuan sebawng no chawm thau a inah chuan a nei a, a va talh thuai a, tin, chhangphut a la a, a hmet a, dawidim tel lo chhang a siam a; tin, Suala leh a chhiahhlawhte hmaah chuan a va hlui a; tin, an lo ei ta a. Chutichuan an tho a, chu mi zan chuan an kal ta a.
←  1Samuel (28/31)  →