←  1Samuel (23/31)  →
1. Tin, "Ngai teh, Philistia mite chuan Keila khua an bei a, hruia buhte chu an laksak vek mai a," tiin Davida chu an hrilh a.
2. Tichuan Davida chuan LALPA chu, "Chung Philistia mite chu ka zuk bei ang em?" tiin a rawn a. Tin, LALPA chuan Davida hnenah, "Philistia mite chu zuk bei la, Keila khua chu zuk hum him rawh," a ti a.
3. Tin, Davida mie chuan a hnenah, "Ngai teh, Judai rama awm chung pawh hian kan hlau ani a, Keila khuaa zuk kala Philistia sipaite zuk beih chu a va hlauhawm lehzual awm ve!" an ti a.
4. Chutichuan Davida chuan LALPA chu a rawn leh a. Tin, LALPA chuan a chhang a, a hnenah, "Tho la, Keila khuaah chhuk rawh, Philistia mite chu i kutah ka pe ang e," a ti a.
5. Chutichuan Davida leh a mite chu Keila khuaah an kal a, Philistia mite chu an zuk bei a, an rante chu an laksak a, an that chiam a. Chutiang chuan Davida'n Keila khuaa mite chu a humhim ta a.
6. Tin, heti hi ani a, Ahimeleka fapa Abiathara Keila khuaa Davida hnena a tlan lai khan puithiam kawr kenga chuk thla a ni a.
7. Tin, Keila khuaah Davida chu a kal tih Saula an hrilh a. Tin, Saula chuan, Pathianin ka kutah a pe ta anih chu; kulh kawngka leh a kalhna nei khuaah chuan lutin a inkhung ta si a," a ti a.
8. Tin, Saula chuan mi zawng zawng chu indo turin keila khua zuk beia Davida leh amite zuk hual turin a ko khawm a.
9. Tin Davida chuan Saula'n a chungah thil tha lo a suangtuah tih chu a lo hria a, puithiam Abithara hnenah chuan, "Puithiam kawr kha han la the khai," a ti a.
10. Chutichuan Davida chuan, "Aw LALPA Israelte pathian, i chhiahhlawh hian, Saula chuan keimah avangin khua chu tichhe turin Keila khuaah chuan lo chhum a tum tih ka hre tlat a.
11. Keila khua amite hian a kutah min pe ang em? i chhiahhlawhin ka lo hriat ang chuan Saula chu a lo chuk dawn em? Aw LALPA, Israelte Pathian, khawngaih takin i chhiahhlawh hi mi hrilh ang che," a ti a. Tin, LALPA chuan, "A lo chhuk dawn," a ti a.
12. Chutichuan Davida chuan, "Keila khuaa mite chuan kei leh ka mite hi Saula kutah min pe ang em?" a ti a. Tin, LALPA chuan, "An pe ang che," a ti a.
13. Chutichuan Davida leh a mite, zaruk emaw lai chu an tho a, Keila khua ata chu an chuak a, kalna remchang lai apiangah chuan an kal ta a. Tin, Davida chu Keila khua ata a tlan chhuak ta tih Saula an hrilh a; tichuan thawh chhuah a thulh ta a.
14. Tin, Davida chu thlalerah, kulh biungahte a awm a, Ziph thlalera tlang ramah a awm ta reng a. Tin, Saula chuan amah chu ni tin, a zawng a, nimahsela Pathianin a kutah a pe lo a.
15. Tin, Davida chu thlalerah, kulh biungahte a awm a, Ziph thlalera tlang ramah a awm ta reng a. Tin, Saula chuan amah chu ni tin, a zawng a, nimahsela Pathianin a kutah a pe lo a.
16. Tin, Saula fapa Jonathana chu a tho a, ramhnuaiah Davida hnenah chuan a kal a, Pathianah a kut a tihchaksak a.
17. Tin, a hnenah, "Hlau shauh suh, ka pa Saula kut chuan a zawng chhuak lo ang che, Israelte lalah i awm ang a, kei i dawttu ka ni ang; chu pawh chu ka pa Saula hian a hre reng a ni," a ti a.
18. Tin, an pahnih chuan LALPA hmaah thu an thlung a; tin, Davida chu ramhnuaiah a awm reng a, Jonathana chu a in lamah a haw ta a.
19. Chutichuan Ziph mite chu Gibea-ah Saula hnenah an han chho a, "Davida chu ka hnenah ramhnuai kulhbingah, thlaler chhim lampang Hakila tlangah a biru reng a ni lo'm ni?
20. Chuvangin aw LALPA, i nunnain lo chhuk a duhthusam ang ngei chuan lo chhuk tawh la, tin, keini lo tih ve tur chu lal kuta amah lo hlan chu a ni ang," an ti a.
21. Tin, Saula chuan, "LALPA chuan malsawm che u r awh se; nangniho chuan min khawngaih hle a ni.
22. Kal u la, va chian lehzual u la, a hnuhma va chhui u la, chutah a hmutu pawh va chain fel leh te te rawh u; fing vervek takin thil a ti thin tih miin min hrilh a ni.
23. chuvangin abihrukna hmun zawng zawngte hre diam vek u la, tin, ka hnenah lo kal leh ngei ngei u la, tin, in hnenah ka kal ve dawn nia; tin, heti hi a ni ang a, he rama a wm phawt chuan Juda mi sang tam tak zing ata chu ka zawng chhuak ang," a ti a.
24. Tin, an tho a, Saula kal hmain Ziph-ah chuan an kal ta a: nimahsela Davida leh a mite chu thlaler chhim lam Araba-ah Maon thlalerah chuan an awm a.
25. Tin, Saula leh a mite chu amah zawng turin an kal a. Tin, Davida an hrilh a: chutichuan lungpui pan chuan a chhuak a, Maon thlalerah chuan Davida chu a um ta a.
26. Tin, Saula chu tlang lehlam pangah a kal a, tin, Davida leh amite chu tlang lehlam pangah an kal a; tin Davida chu Saula hlauin hmanhmawh takin a tlan a; Saula leh amite lah chuan Davida leh amite chu man tumin an hual vel si a.
27. Nimahsela Saula hnenah chuan, "Hmanhmawh la, lo kal rawh, Philistia mite chuan kan ram an rawn bei a ni," tiin zualko a lo thleng a.
28. Chutichuan Saula chuan Davida a um chu a kirsan a, Philistia mite bei tur chuan a kal ta a; chuvangin chu mi hmun chu Sela-hamalekoth an ti a.Tin, Davida chu chuta ta chu a chho a, Engedi kulhbingah te chuan a awm ta a.
29. Tin, Davida chu chuta ta chu a chho a, Engedi kulhbingah te chuan a awm ta a.
←  1Samuel (23/31)  →