1Samuel (18/31)  

1. Tin, Heti hi ani a, Saula hnena thu a sawi zawh chuan Jonathana nunna leh Davida nunna chu a lo inzawm ta chiah mai a, tichuan Jonathana chuan ama Nuna ahmangaih ang chiahin a hmangaih ta a.
2. Tin, Saula chuan chumi ni chuan a awmtir ta nghal a, a pa inah a hawntir phal ta lo a.
3. Chutichuan Jonathana leh Davida chuan thu an thlung a, ama nunna ang chiaha a hmangaih avangin.
4. Tin, Jonathana chuan a puan sin lai a hlip a, Davida a pe a, a thuam leh a khandaih leh a thalngul leh a taihrenna lamin a pe a.
5. Tin, Saula'n a tirhna apiangah Davida chu a kal thin a, fel takin a che thin a: tin, Saula chuan ral kap mite hotu atan a siam a, chu chu mi zawng zawng ngaihah leh Sauala chhiahhlawhte ngaihah pawh a tha em em a ni.
6. Tin, heti hi ani a, an lo hawna Davida, Philistia mi that a lo haw chuan, Israel khaw tinah hmeichhiate hla sa leh lam chungin, khuangte leh thil ri theite nen, hlim takin lal Saula hmuak turin an lo chhuak a.
7. Tin, hmeichhiate chuan lam chungin hlain an inchhawn a, "Saula'n a sang a sang a that, Davida'n a singa sing," an ti a.
8. Chutichuan Saula chu a thinur ta viau mai a, chung thu chuan a tilawm lo hle mai a; "Davida chu a singa sing thatah an ngai a, kei erawh chu a sanga sang chauh thatah min ngai a; ram tih ngawt loh chu aneih tur dang eng nge awm tawh?" at ia .
9. Chutichuan Saula chuan chu mi ni atang chuan Davida a hmumawh ta a.
10. Tin, heti hi a ni a, a tukah chuan Saula chungah chuan Pathian tirh ramhuai a lo thleng ta chiam mai a, in chhungah chuan thu a sawi ta bual bual ma a; tin, Davida chuan ni danga a tih ang bawkin tingtang a tum a; Saula chuan a fei a keng reng a.
11. Tin, Saula chuan fei chu a han lek a, "Bangh sawn Davida ka khawh bet tlat teh ang," a ti a. Davida chuan vawi hnih a kiansan a.
12. Tin, a hnenah LALPA a wm avang leh Saula chu a kalsan avangin Saula chuan Davida chu a hlau a.
13. Chuvang chuan Saula chuan a hnen atangin a insawntir a, sang chunga a sipai hotuah a siam a; tin, mipui zingah chuan a lutin a chhuak thin a.
14. Tin, Davida chu a thiltih apiangah fel takin a che thin a; LALPA chu a hnenah a awm a.
15. Tin, Saula chuan fel takin a che thin tih a hmuhin a hlau hle mai.
16. Nimahsela Israel-ho leh Juda-ho zawng zawngte chuan Davida chu an ngaina em em a; an zinga luta chhuak thin a ni si a.
17. Tin, Saula chuan Davida hnenah, "Ngai teh, ka fanu upa zawk Merabi hi i nupuiah ka neihtir ang che; huai takin mi tanphawt mai la, LALPA indonate chu do ang che," a tia . Saula chuan, "Kei chuan a chunga kutthlak loin Philistia miten a chungah kut thlak zawk rawh se," a ti a ni a.
18. Tin, Davida chuan Saula hnenah, "Tunge maw ka nih a, ka Nuna leh Israel-te zinga ka pa chhungte pawh eng nge maw an nih a, lal makpa ka han nihna tur chu?" a ti a.
19. Nimahsela heti hi ani a, Saula fanu Merabi chu Davida neihtir a lo hun chuan Meholath mi Adriela nupui atan a pe ta mai a.
20. Tin, Saula fanu Mikali chuan Davida chu a hmangiah a; Saula chu an hrilh a; chu chuan a tilawm a.
21. Tin, Saula chuan, "A awhna thang a lo nih theihna'n leh, Philistia miten a chungah kut an thlak theihna'n ani hi ka pe teh ang," a ti a. Chuvang chuan Saula chuan Davida hnenah, "Vawiinah hian ka makpa i ni nawn leh ang," a ti a.
22. Chutichuan Saula chuan a chhiahhlawhte chu thu a pe a, "A ruk tein Davida bia ula, 'Ngai teh, lal chu i chungah a lawm hle mai a, a chhiahhlawh zawng zawng pawhin an hmangaih che a ni; chutichuan lal makpaah awm ang che,' ti rawh u," a ti a.
23. Tin, Saula chhiahhlawhte chuan chung thu chu Davida beng hriatah an sawi a. Tin, Davida chuan, "Mi rethei leh tuma ngaihsan mang loh keini ang tan hian lal makpa han nih chu thil namenah in ngai em ni?" a ti a.
24. Tin, Saula chhiahhlawhte chuan, "Davida chuan chutiangin a ti a ni," tiin an hrilh a.
25. Tin, Saula chuan, "Davida hnenah, hetiang hian sawi ang che u, 'Lal chuan lal hmelma phuba lakna'n Philistia mite serhvun za tih loh chu man engmah a duh lo ve, a ti,' ti rawh u," a ti a. Saula chuan Davida chu Philistia mite kuta thihtir a rilruk tlat a.
26. Tin, a chhiahhlawhten chung thu chu Davida an han hrilh chuan lal makpa a han ni tur chu Davida chu a lawm hle mai a. Tin, ni tiam te chu a la ral lo a;
27. Davida leh amite chu an tho a, Philistia mite zahnih an va that a; tin, Davida chuan an serhvun a rawn hawn a, tichuan lal makpa anih theihna turin lal chu kim takin an pe a. Tichuan Saula chuan a fanu Mikali chu nupuiah a neihtir ta a.
28. Tin, Saula chuan Davida hnenah chuan Pathian a awm tih a hre chiang ta a; tin, Saula fanu Mikali chuan ani chu ahmangiah a.
29. Tichuan Saula chua nDavida chu a hlau zual ta sauh mai a; Saula chu Davida hmelma ani ta kumkhua a.Chutichuan Philistia-ho miliante chu an va thawk chhuak thin a; tin, heti hi a ni a, an thawh chhuah apiangin Davida chu Saula chhiahhlawh zawng zawngte aia felin a che thin a; tichuan a hming chu an chawisang ta hle mai a.
30. Chutichuan Philistia-ho miliante chu an va thawk chhuak thin a; tin, heti hi a ni a, an thawh chhuah apiangin Davida chu Saula chhiahhlawh zawng zawngte aia felin a che thin a; tichuan a hming chu an chawisang ta hle mai a.

  1Samuel (18/31)