←  1Samuel (17/31)  →
1. Tin, Philistia mite chuan indo turin an sipaite an khawm chiam mai a. Judai ram chhung Soko khuaah an pung khawm a, Ephes-damim hmunah Soko khua leh Azeka khaw inkarah tanhmun an khuar a.
2. Tin, Saula leh Israel mite chu an pung khawm a, Ela ruamah tanhmun an khuar a, Philistia mite lo dang turin an inzar darh a.
3. Tin, Philistia mite chu tlang pangah an awm a, tin, Israel mite chu a lehlam tlang pangah an awm a, an inkarah chuan ruam a awm a.
4. Tin, Philistia mite tanhmun atang chuan an mi chak, a hming Goliatha, Gath khuaa mi, tawng ruk leh khapa sang hi a lo chhuak a.
5. Dar lukhum hi a khum a, awmphaw a ha a; a awmphaw rih lam chu dar selel sangnga ani a.
6. A ngalah chuan dar ngalphaw a bun a, a hnungzangah chuan dar fei te a pai a.
7. A fei ngul chu themkawl ang hi a ni a; tin, a fei lu chu thir sekel zaruka rit a ni a: tin, a phaw kengtu chu ahmaah a kal a.
8. Tin, a ding a, Israel-ho sipaite chu a au a, an hnenah, "Engati nge in do tura in rawn inzar darh? Kei Philistia mi, nangni Suala chhiahhlawh in ni lo'm ni? Mi inthlang u la ka hnenah lo chhuk rawh se.
9. Min beih theiha min tihhlum chuan in chhiahhlawhah kan awm ang a, amaherawhchu keiin ka ngama ka tihhlum chuan ka chhiahhlawhah in awm ang a, kan rawng in bawl ang," a ti a.
10. Tin, Philistia mi chuan, "Vawiinah hian Israel-ho zipaite chu ka cho a ni, mi pakhat han thawh u la kan lo inbei ang e," a ti a.
11. Tin, Saula leh Israel-ho zawng awngin chu Philistia mi thusawite chu an han hriat chuan, an zam a, an hlau ta em em mai a.
12. Tin, Davida chu Jesaia fapa ani a, ani chu Bethlehem-juda-a Ephrat mi kha ani a, fapa pariat a nei a; ani chu Saula lal lai chuan upa tak, tar tak ani tawh a.
13. Tin, Jesaia fapa upate pathum chuan indonaah Saula chu an zui a. A fapate pathum indonaa kalte hming chu a upa ber Eliaba te, a dawttu Abinadaba te, a pathumna Sama te an ni.
14. Tin, Davida chu a naupangber a ni a; tin, a upate pathum chuan Saula an zui a.
15. Davida chu Saula hnen atangin Bethlehem-ah a pa beram enkawlin a va kal a va kal thin a.
16. Tin, Philistia mi chuan, zing leh tlai apiangah hian a va hnaih thin a, ni sawmli chhung a va intar lang thin a.
17. Tin, Jesaia chuan a fapa Davida hnenah chuan, "Vai epha khat leh he chhang hlawm sawm hi keng la, i unaute hnenah an riahhmunah va kalpui thuai rawh khai:
18. tin, bawnghnute khal tlang sawmhi an pawla sang hotu kensak la; tin, i unaute engtin emaw an awm han zawt la, an chanchin i hriatna han hawn ang che.
19. Saula leh anni leh Israel mi zawng zawngte chu Philistia mite beiin Ela ruamah chuan an awm e," a ti a.
20. Tin, Davida chu zing takah a tho a, beramte chu vengtu pakhat a kawltir a, Jesaian thu a pek ang chuan a keng a, a kal ta a; tin, indona hmuna chhuak mek sipaihote chu inbei tura an lo au dur dur lai takin ani chuan tawlailir awmna hmun chu a va thleng a.
21. Tin, Israel-ho leh Philistia mite chu inbei turin an lo inzar a, sipai leh sipai chu an lo inep a.
22. Tin, Davida chuan a bungrua chu bungraw enkawltu hnenah chuan a dah a, sipai hnen lamah chuan a va tlan a, a ute chu chibai a va buk a.
23. Tin, anmahni a biak lai chuan ngai teh, an mi chak Gath khuaa Philistia mi, a hming Goliatha chu Philistia mite sipai pawl zing ata a lo chhuak a, a thusawi ngai bawk kha a han sawi a: chu chu Davida chuan a lo hria a.
24. Tin, Israel mi zawng zawngte chuan chu mi an han hmuh chuan an tlanchhia a, an hlau em em mai a.
25. Tin, Israel mite chuan, "Kha mihring lo chhuaka kha in hmu em? Israel mite cho turin a lo chhuak a ni ngei mai; tupawh amah tihlum apiang chu lalin nasa takin sum lamin a tihausa ang a, tin, a fanu ape ang a, tin, a pa chhungkua chu Israel-ho zingah hian zalenin a awmtir ang," ant i a.
26. Tin, Davida chuan a kianga dingte hnenah chuan, "He Philistia mi hi tihluma Israel ho hmingchhiatna tirehtu chu engtia tih tur nge ni ang? He serhtan loh Philistia mi hi tu nge maw anih a, Pathian nung sipaite a han cho vei le?" a ti a.
27. Tin, mipuite chuan hetiang hian an chhang a, "A tihlumtu apiang chu kan sawi ang khan tih a ni ang," an ti a.
28. Tin, a u upa ber Eliaban mite hnena a thusawi lai chu a lo hria a; tichuan Eliaba chu Davida chungah chuan a thin a ur ta thut a, "Engah nge i lo chhuk ve ni? Thlalera beram tlem awmte kha tu nge i ventir ni? I chapozia leh i rilru that lohzia ka hria a ni; indo ent ur tein i lo kal mai mai a," a ti a.
29. Tin, Davida chuan, "Engnge maw ka tih le: a vang a awm a ni lo'm ni?" a tia .
30. Tin, ani chuan mi dang hnen lam a hawisan a, a sawi ngai bawk a sawi a: tin, mipuite chuan a hmaa an chhan ang bawkin an chhang leh a.
31. Tin, Davida thusawi chu an hriatin Saula hnenah an sawi chhawng a; tin, ani chuan a ko a.
32. Tin, Davida chuan Saula hnenah, "Amah avang chuan tuma rilru zam suh se; i chhiahhlawh hian chu Philistia mi chu ka va bei ang e," a ti a.
33. Tin, Saula chuan Davida hnenah, "Nang zawng chu Philistia mi bei tur chuan i kal thei em lo ang e, tleirawl chauh i la ni si a, ani zawng a tleirawl tirh ata indo mi a ni si a," a ti a.
34. Tin, Davida chuan Saula hnenah, "I chhiahhlawh hian ka pa beram ka veng thin a; sakeibaknei emaw savawm emaw a lo kala beram rual zing ata beram no alakte hian
35. ka um a, ka bei a, a ka ata chu ka chhanchhuak thin a sin: tin, mi bei tura a lo thawhte hian a bak hmulah ka man a, ka bei a, ka tihlum thin a ni.
36. I chhiahhlawh hian sakeibaknei leh savawmte ka tihlum ve ve tawh thin a; chu serhtan loh Philistia mi chu anmahni angin a awm ve mai ang maw le, Pathian nun gsipaite a cho vei a," a ti a.
37. Tin, Davida'n, "Sakeibaknei kutbawr ata leh sakawm kutbwar ata mi chhanchhuaktu LALPA chuan chu Philistia mi kut ata chu mi chhanchhuak ang," a ti a. Tin, Saula chuan Davida hnenah, "Kal teh le, i hnenah LALPA a wm ang chu," a ti a.
38. Tin, Saula chuan Davida chu ama thuam a bel a, dar lukum a khumtir a, awmphaw a haktir a.
39. Tin, Davida chua a thua chungah chuan a khandaih a pai a, kal ahan tum a; chutiang chuan a la tichhin ngai si lo a. Tin, Davida'n Saula hnenah, "Ka kalpui thei dawn hauh lo mai a, hetiang hian ka la tichhin ngai lo a ni," a ti a. Tichuan Davida chu a inhlip ta a.
40. Tin, a tiang chu a keng a, luitea lung mum mam thelthawl panga a thlang a, a beram ven ip a ipteah chuan a pai a; tin, a virvawm chu akeng a, Philistia mi chu a va pan hnai ta a.
41. Tin, Philistia mi chu a lo kal zel a, Davida chu a rawn pan hnai a; tin, phaw kengtu chu a hmaah a kal a.
42. Tin, Philistia mi chuan a han hawi vel a, Davida chu a han hmuh chuan a hmust hle mai a; sar veng vawng, mit meng mawi tak, tleirawl mai a ni si a.
43. Chutichuan Philistia mi chuan Davida hnenah chuan, "Ui emaw ka niha tiangte nena mi rawn pan chu le?" a ti a. Tichuan Philistia mi chuan a pathiante chhalin Davida chu anchhia a lawh a.
44. Tin, Philistia mi chuan Davida hnenah, "Lo kal teh, i sate kha chungleng savate leh ram sate ka lo eitir teh ang," a ti a.
45. Chutichuan Davida chuan Philistia mi hnenah chuan, "Nang zawng khandaih te, fei te, feite te kengin i lo thawk a; kei zawng sipaite LALPA, Israel sipaite Pathian i chova hmingin ka lo thawk zawk a ni.
46. vawiinah hian LALPA'n nang hi ka kutah min pe dawn a ni, tin, ka that ang chia i lu ka tansak ang che; tin, Philistia sipaiho ruangte chu vawiinah hian chungleng savate leh ram sate ka eitir dawn a ni; chutichuan, lei chunga mi zawng zawng hian Israelho zingah hian Pathian a awm tih chu an hre thei ang a:
47. tin, heta pungho zawng zawng hian LALPA chuan khandaih leh feiin a chhandam lo tih an hre thei ang a; indona chu LALPA indona ani si a, ani chuan ka kutah hian nangniho hi min pe dawn a ni," a ti a.
48. Tin, heti hi ani a, Philistia mi chu a lo thawh a, Davida bei tura a rawn hnaih chuan, Davida chu sipaiho lamah chua Philistia mi chu bei turin a tlan ta thuai a.
49. Tin, Davida chuan a ip chu a han zen a, lung a han phawrh a, a virvawm chuan ahan vawm a, Philistia mi chu a chaldar takah a han vawm a, a chalah chuan a lung chu a lut a, a tlu bawkkhup ta der mai a.
50. Chutichuan Davida chuan Philistia mi chu virvawm leh lungin a ngam a, Philistia mi chu a vawm a, a that ta a; Davida chuan khandaih a keng hauh lo a.
51. Tichuan Davida chu a tlan a, Philistia mi kiangah chuan a va ding a, akhandaih chu a la a, a pai ata chu a phawi a, chu chuan a that a, a lu a tan ta a. Tin, Philistia miten an mi chak chu a thi tih an hriatin an tlanchhe ta a.
52. Tin, Israel mi leh Juda mite chu an tho a, an au a, Philistia mite chu Gath thleng leh Ekron kulh kawngkhar thleng rawkin an um ta a. Tin, Philistia mite zinga hliamho chu Saaraim kawng tluanin Gath leh Ekron thlengin an tlu rum mai a ni.
53. Tin, Israel thlahte chuan Philistia mite an um chu an kirsan a, an riahhmun chu an suan ta a.
54. Tin, Davida chuan Philistia mi lu chu a la a, Jerusalem-ah a kalpui a, a ralthuam erawh chu a puan inah a dah ta a.
55. Saula'n Philistia mi bei tura Davida kal a hmuh khan sipai hotu Abnera hnenah chuan, "Abner, he tleirawl hi tu fa nge ni? a ti a. Tin, Abnera chuan, "I nunna chhalin ka sawi e, aw lalpa, ka hre hauh lo mai," a ti a.
56. Tin, lal chuan, "He naupang hi tu fa nge ni zawt chhuak rawh khai," a ti a.
57. Tin, Davida, Philistia mi a that lo haw chu Abnera chuan a hruai a, Philistia milu keng chungin Saula hnenah chuan a kalpui a.Tin, Saula chuan a hnenah, "Tu fapa nge i nih le tlangval?" a tia . Tin, Davida chuan a chhang a, "Bethlehem mi i chhiahhlawh Jesaia fapa ka ni," a ti a.
58. Tin, Saula chuan a hnenah, "Tu fapa nge i nih le tlangval?" a tia . Tin, Davida chuan a chhang a, "Bethlehem mi i chhiahhlawh Jesaia fapa ka ni," a ti a.
←  1Samuel (17/31)  →