←  1Corinthians (5/16)  →

---

1.

In zingah inngaih a awm tih thu a thang vel chiam a ni; chuting inngaih chu Jentailte zingah pawh awm ngai hlei lo, in zinga mi pakhatin a pa nupui a neih kha.

2.

Tin, chu thil titu chu in zing ata hnawh chhuahna'na lungngaih tak aruangin in uang zawk si a.

3.

Keimah ngei hi, taksain ka tel lo na a, thlarauvah erawh chuan ka tel a, thil chuti kau titu chu tunah pawh Lalpa Isua hmingin inzinga tel ang takin ka ngaihtuah zo tawh;

4.

nangni leh ka thlarau chu kan Lalpa Isua thiltihtheihnaa inkhawmin,

5.

mi chutiang chu, a thlarau Lalpa niah chuan chhandamin a awm theihna'n a tisa tiboral turin, Setana pe i la ka ti a ni.

6.

In uan chhan hi a tha lo e, Dawidim tlemtein chhang hlawm chu apumin a fan chhuak thin tih in hre lo em ni?

7.

Dawidim tel lo in ni ang bawkin chhang hlawm thar in lo nih theihna'n dawidimhlui chu thianfai rawh u. Kan Kalhlen Kutna tur pawh an talh tawh si a, Krista ngei chu;

8.

chuvangin i kut ang u, dawidim hluia kut loin, nunchhiat leh sualna dawidima kut hek loin takna leh dikna chhang, dawidim telh lohin i kut zawk ang u.

9.

Ka lehkha thawnah khan inngaih hmangte pawl lo turin in hnenah ka ziak kha;

10.

he khawvela inngaih hmangte emaw, duham leh hleprute emaw, milem betute emaw hi zawng pawl hauh loh tur ti ka ni lo e; chutiang ni se la chuan khawvel ata kal chhuak ngei tur in ni dawn si a.

11.

Tunah erawh chuan tupawh, unau hming pu siin, inngaih hmang mi emaw, miduham emaw, milem be mi emaw, hauh hmang mi emaw, zu ruih hmang mi emaw, hlepru mi emaw ni se la, pawl lo turin inhnenah ka ziak a ni; mi chutiang hnenah chuan ei pawh ei lo turin.

12.

Pawn lam mite chu keia lo ngaihtuah tur em ni? Pathianin a ngaihtuah ang chu!In zinga mite chu nangmahni ngaihtuah tur a ni lo'm ni? Mi sual chu in zing ata hnawt chhuak rawh u.

13.

In zinga mite chu nangmahni ngaihtuah tur a ni lo'm ni? Mi sual chu in zing ata hnawt chhuak rawh u.

---

←  1Corinthians (5/16)  →