1Chronicles (9/29)  

1. Chutichuan Israel zawng zawngte chu thlahte chhiarnaa chhiar an ni a; tichuan ngai teh, Israel lalte lehkhabuah a chuang a ni; tin, Judate chu an bawhchhiatna avangin babulon-ah sala hruaiin an awm a.
2. Tin, an chanpual khua luah tantute chu Israel-ho te, puithiam ho te, Levi-ho te, Nethin-hote an ni.
3. Tin, Jerusalem-ah chuan Juda thlah te, Benjamina thlah te, Ephraima leh Manasea thlahte an awm a;
4. Uthaia chu Amihuda fapa ani a, chu mi chu Omria fapa a ni a, chu mi chu Imria fapa a ni a, chu mi chuBania fapa a ni a, chungte chu Juda fapa Pereza thlahte an ni.
5. Tin, Silon-ho thlahte chu Asaia chu an zinga upa ber a ni a, a fate nen.
6. Tin, Zera thlahte chu Jeuela, a unaute nen, 690 an ni.
7. Tin, Benjamina thlahte chu, Salua chu Mesulama fapa a ni a, chu mi ch Hodavia fapa a ni a, chu mi chu Haenua fapa a ni a;
8. tin, Ibneia chu Jerohama fapa a ni a, Ela chu Uzia fapa a ni a, chu mi chu Mikria fapa a ni a, Mesulama chu Sephatia fapa ani a, chu mi chu reuela fapa a ni a, chu mi chu Ibnija fapa ni;
9. tin, anmahniho chhuanah chuan unau 956 an ni. Chung zawng zawngte chu an hnam zinga an chhungkaw puipate an ni.
10. Tin, puithiamte chu Jedaia te, Jehoiariba te, Jakina te,
11. Hilkia fapa Azaria te an ni a; chu mi chu Mesulama fapa a ni a, chu mi chu Meraiotha fapa a ni a, chu mi chu Pathian ina hotu Ahituba fapa a ni a;
12. Jerohama fapa Adaia te nen, chu mi chu Pasura fapa ani a, chu mi chu Malkija fapa a ni a, Adiela fapa maasaia te nen, chu mi chu Jazera fapa a ni a, chu mi chu Mesulama fapa a ni a, chu mi chu Mesilemitha fapa a ni a, chu mi chu Imera fapa a ni a;
13. an unaute chu chhungkaw puipa, 1,760 an ni a; Pathian ina rawngbawl hna thawk mi tak an ni.
14. Tin, Levi-hote chu, Hasuba fapa Semaia a ni a, chu mi chu Azrikama fapa ani a, chu mi chu Hasabia fapa a ni a, chu mite chu Meraria fapate an ni;
15. tin, bakbakara te, Heresa te, Galala te, Matania te an ni a, chu mi chu Mika fapa ani a, chu mi chu Zikria fapa a ni a, chu mi chu Asapha fapa a ni.
16. Tin, Semaia fapa Obadia, chu mi chu Galala fapa a ni a, chu mi chu Jeduthuna fapa a ni; tin, Asa fapa Berekia, chu mi chu Netophat-ho khuaa mi Elkana fapa a ni a.
17. Tin, kawngkhar vengtute chu Saluma te, Akuba te, Talmona te, Ahimana te, a unaute nen an ni, Saluma chu hotu ber a ni;
18. ani chu tun hmain lal kulh kawngka chhakta vengtu ani thin a: anni chu Levia thlahte riahhmun kawngkhar vengtu an ni.
19. Tin, Korea fapa chu Saluma a ni a, chu mi chu Ebiasapha fapa ani a, chu mi chu Kora ani ,chungte chu an unau an chhungte Kora-hote nen rawngbawltu, biakbuk kawngkharte vengtu an ni a; tin, an pute chu LALPA riahbuk rawngbawltu, a luhnate vengtu an ni thin;
20. tun hma chuan Elazara fapa Phinehasa chu an hotu ani a, LALPA chu a hnenah a awm a.
21. Meselemia fapa Zekaria chu inbiakna puan in kawngkhar vengtu a ni a.
22. Chung kawngkhar vengtu atana thlan zawng zawngte chu zahnih leh sawm leh pahnih an ni.Davida leh zawlnei Samuelan an thawh tur an lo ruatte chu mahni khua theuha thlahte chhiarnaa ziak an ni.
23. Chutichuan anmahni leh an fate chuan LALPA in kawngkhar, biakbuk in kawngkharte chu enkawlin, vengtu chan an chang thin a ni.
24. A kil pali- chhak lampangah te, thlang lampangah te, hmar lampangah te, chhim lampangahte chuan - kawng khar vengtute an awm thin a.
25. Tin, khuaa mi an unaute chu, ni sarih apiangin hunbi nei tein an hnena awm turin an kal ve thin tur a ni a:
26. kawngkhar vengtu hotu palite chu Levi hnamte an ni a, Pathian ina sum dahna leh pindan enkawltu an ni si a.
27. Tichuan enkawl hna chu an hna a nih avang leh, tuk tina kawng hawn chu an hna a nih avangin Pathian in velahte chuan an riak thin a ni.
28. Thenkhat chuan rawngbawlna bungbel an enkawl a; an dah luh dawn leh lak chhuah dawnin an chhiar zel thin a ni.
29. Thenkhatte chu bungrua te, hmun thianghlma bungbel zawng zawng te, chhangphut dip tak te, uain te, hriak te, beraw leh rimtuite enkawl tura ruat an ni a.
30. Tin, puithiam fapa thenkhatte chuan rimtui an siam thin a.
31. Tin, kora hnam, Saluma fapa upa ber, Levi mi matthithia chu bela thil kan lam ngaihtuahtu a ni.
32. Tin, Kohath-ho thlahte zinga mi an unau thenkhatte chu chhang dah, chawlhni apianga buatsaiha chhang dahtute an ni.
33. Chungte chu hla satuho, Levi-ho chhungkaw puipa, bhiak in pindan nghaktu, rawngbawlna danga awlte an ni: chhung leh zana thawk reng an ni a.
34. Chungte chu anmahni chhuan zawng zawnga htou, Levi-ho chhungkaw puipate an ni a, Jerusalem-a awm an ni.
35. Tin, Gibeon-ah chuan Gibeon-ho thlahtu Jeiela a awm a, (A nupuia hming chu Maaki a ni)
36. a fa tir chu Abdona a ni a, Zura te, Kisa te, Baala te, Nera te, Nadaba te;
37. Gedora te, Ahiova e, Zekaria te, Miklotha te an ni leh a.
38. Tin, Miklothan Simeama a hring a. Anniho pawh chu Jerusalem-ah an unauzain an unaute depah an awm a.
39. Tin, Neran Kisa a hring a; tin, Kisan Saula a hring a, tin, Saula'n Jonathana te, Malki-sua te, Abinadaba te, Esbaala te a hring a.
40. Tin, Jonathana fapa chu Merib-baala a ni a: tin, Merib-baala chuan Mika a hring a.
41. Tin, Mika fapate chu Pithona te, Meleka te, Tahrea te, Ahaza-te an ni.
42. Tin, Ahazan Jara a hring a; tin, Jaran Alemetha te, Azmavetha te, Zimria te a hring a; tin, Zimrian Moza a hring a:
43. tin, Mozan Binea a hring a; chu mi fapa chu Rephaia ani a, chu mi fapa chu Elasa a ni a, chu mi fapa chu Azela a ni:tin, Azela chuan fapa paruk a nei a, anhmingte chu Azrikama te, Bokerua te, Ismaela te, Searia te, Obadia te, Hahana te an ni: chungte chu Azela fapate an ni.
44. tin, Azela chuan fapa paruk a nei a, anhmingte chu Azrikama te, Bokerua te, Ismaela te, Searia te, Obadia te, Hahana te an ni: chungte chu Azela fapate an ni.

  1Chronicles (9/29)