←  1Chronicles (18/29)  →
1. Tin, chu mi hnua chuan heti hi a ni a, Davida'n Philistia mite chu abei a, a hneh a, Gath khua leh a khawperte chu Philistia mite a chuhsak a.
2. Tin, Moa-ho abei leh a. Moab mite ch Davida chiah khua an lo ni ta a. chhiahte an pe thin a.
3. Tin, Davida chuan Euphrates luia a ram din nghet tura a kal pahin Zoba lal Hadarezera pawh Hamat bulah a bei leh a.
4. Tichuan Davida chuan tawlailir sangkhat leh sakawr chun ghchuang mi sangsarih leh sipai singhnih a mansak a; tin, Davida chuan tawlailir hnuk mi sakawr zawng zawng chu a tha a chah sak a, tawlailir za hnuk tur erawh chu a zuah a.
5. Tin, Damaska-a Suria mite Zoba lal Hadarezera chan turin an lo kal a, tin, Davida'n Suria mi singhni leh sangnih a that a;
6. chutichuan Davida chuan Damaska-a Suria mite zingah chuan sipai a dah a; tichuan Suria mite chu Davida chiah khua an lo ni a, chhiahte an pe thin a. Tin, LALPA chan Davida chu a kalna apiangah a hnehtir zel a.
7. Tin, Davida chuan Hadarezera-hote rangkachak phawte a laksak a, Jerusalemah a hawn a.
8. Tin, Davida chuan Hadarezera khua Tibhat leh Kun-a mi Davida chuan dar tam tak a hawn a, chung chuan Solomona dar tuizem, a hunna leh a suahna dar note a siam a.
9. Tin, Hamat lal Toua chuan Zoba lal Hadarezera sipai zawng zawng Davida'n a hneh ti alo hria a,
10. Hadarezerea chu a run a, a thah avanga chibai buk tur leh lawmpui turain a fapa Hadoramaa chu Davida hnenah a tir a; Hadarezera leh Toua hi lo indo thin an ni si a; rangkachak leh tangkarua leh dar bungbel tinreng a kensak bawk a.
11. Chungte pawh chu ram dang a ngam zawng zawnga mi tangkarua leh rangkachak alakte nen chuan Davida'n LALPA hnenah ahlan a; Edomho laka mi te, Moab-ho laka mi te, Amona thlahte laka mi te, Philistia-ho laka mi te, Ameklek-ho laka mi te,
12. Chu lo pawh, Zeruii fapa Abisaian Edom-ho singkhat leh sangriat Chi ruamah a that a.
13. Tin, Edom rama chuan sipaite a dah a; tichuan Edom mi zawng zawng chu Davida chhiah khua an lo ni ta a. Tin, LALPA'n Davida chu akalna pianga ahnehtir zel a.
14. Chutichuan Davida chuan Israel mi zawng zawng chungah ro a rel a; a mi zawng zawng chungah chuan fel takin ro a rel a.Tin, Zeruii fapa Joaba chu sipai hotu ber a ni a; tin, Ahiluda fapa Jehosaphata chu chanchin ziaktu a ni. Tin, Ahitua fapa Zadoka leh Abiathara fapa Abimeleka chu puithiam an ni a, tin, Savsa chu ziaktu a ni a; tin, Jehoiada fapa Benaia chu Keret mi leh Pelet mite hotu ani a, tin Davida fapa te chu lal thu zaisatu ber an ni.
15. Tin, Zeruii fapa Joaba chu sipai hotu ber a ni a; tin, Ahiluda fapa Jehosaphata chu chanchin ziaktu a ni. Tin, Ahitua fapa Zadoka leh Abiathara fapa Abimeleka chu puithiam an ni a, tin, Savsa chu ziaktu a ni a; tin, Jehoiada fapa Benaia chu Keret mi leh Pelet mite hotu ani a, tin Davida fapa te chu lal thu zaisatu ber an ni.
←  1Chronicles (18/29)  →